Morgunn - 01.12.1967, Síða 18

96
MORGUNN
niðurstöður þeirra tilrauna, sem fyrir liggja. Lætur nærri,
að svör frú Leonard hafi reynzt rétt eða svo að segja rétt,
að því er varðar rúman þriðjung þeirra 532 atriða, sem
þar er getið um.“
Og Tyrrell segir svo um þennan miðil árið 1938:
„Frú Leonard er í hópi hinna ágætustu miðla landsins, og
hefur um langt árabil notið óskoraðs álits og trausts þeirra
mörgu, sem fundi hennar hafa setið, vegna ráðvendni og
stillingar og þess, að hún hefur jafnan verið boðin og búin
til þess að stuðla að því, að þeir, sem rannsóknirnar höfðu
með höndum, beittu hinum ýtrustu varúðarráðstöfunum ...
Og hér má einnig taka það fram, að aldrei reyndist nein
ástæða til að efast um heiðarleika hennar, og ennfremur
það, að frá því árið 1916, er þessir fundir voru haldnir með
henni, hefur hún jafnan fengið það orð, að hún væri í fyllsta
máta heiðarleg kona, og eru um það allir á einu máli, sem
kynnzt hafa starfi hennar, en þeir eru nú orðnir mjög
margir."
Hér hefur aðeins verið getið um þrjá miðla, sem allir
hafa verið rannsakaðir af nafnkunnum vísinda- og fræði-
mönnum. Ber þeim öllum saman um, að þessar þrjár konur
hafi ekki aðeins verið strangheiðarlegar og ekkert í rann-
sóknunum bent til svika af neinu tagi, heldur hafi þær og
haft stórkostlega dulhæfileika, og sagt frá ótal mörgum at-
vikum algjörlega rétt, sem þær gátu enga vitneskju haft um
með eðlilegum eða venjulegum hætti.
Við þetta bætir síðan prófessor Hornell Hart niðurstöð-
um og rannsóknum þeim, sem John F. Tomas gerði á dul-
hæfileikum 22 miðla, og naut við þær rannsóknir hjálpar
og leiðbeininga hinna heimskunnu prófessora við Duke-há-
skólann, þeirra Williams McDougall og J. B. Rhine. Þessar
tilraunir voru gerðar um og eftir 1930, en sjálf skýrslan
birtist á prenti 1937. Niðurstaða þeirra rannsókna var i
höfuðatriðum sú, að af 1908 atriðum, sem rannsókninni var
beint að, reyndust rétt svör vera 1696.