Morgunn - 01.12.1967, Side 20

98
MORGUNN
skýring á miðlafyrirbærunum. Auk þess eru mörg þeirra
fyrirbæra, svo sem hreyfifyrirbæri, líkamningafyrirbæri og
fleiri þess eðlis, að fjarhrif geta þar ekki til greina komið
sem skýring. Og óneitanlega er örðugt að koma skýringum
um fjarhrif og hugsanaflutning við í þeim tilfellum, þegar
miðill segir frá því, sem enginn lifandi maður gat um vitað,
en síðar reynist þó vera að öllu leyti satt og rétt.
Ég tel vísindalegar rannsóknir á dulhæfileikum manna
yfirleitt og dulsálarfræðinni vera afar mikilvægar og þýðing-
armiklar, enda þótt segja megi, að eins og nú stendur, fái
þær andstæðingum spiritismans vopn í hendur, sem þeir líka
óspart nota til þess að gera hann tortryggilegan. Sú tíð kem-
ur, að vísindamönnum tekst að kanna hin duldu svið sálar-
lífsins og leiða það í ljós, að hve miklu leyti samskipti sálna
lifandi manna hér á jörð geti átt sér stað, án tilhjálpar skyn-
færa líkamans. En um leið verður auðveldara að skera úr
um það, hvað af því, sem fram kemur á miðilsfundum, geti
verið sótt í sálir lifandi manna, og á hverju verði að leita
annarra skýringa. Og vissulega verður það að teljast veru-
legt spor í áttina til þess að leiða í ljós með óyggjandi rök-
um, hvort um framhaldslíf og samband við persónuleika
látinna manna sé raunverulega að ræða í sambandi við
miðlana.
Jafnvel þótt þessar rannsóknir kynnu að leiða til þeirrar
niðurstöðu, að til undirvitundar, hugsanaflutnings og ýmissa
tegunda fjarhrifa væri unnt að rekja fleira í starfsemi miðl-
anna, en nú er hægt að gera öðruvísi en með getgátum, sem
ekki hafa við vísindalega þekkingu að styðjast, — og öllum
er bezt, að þar sem annars staðar, komi hið sanna í ljós, —
þá mundu slíkar niðurstöður eigi að síður verða að minnsta
kosti óbeint til þess að gera möguleikana á framhaldslífinu
sízt minni en áður. Því betur og rækilegar sem sannast sjálf-
stætt starf mannssálarinnar hér á jörð og óháð líkamanum
og skynfærum hans, því meiri verða og líkurnar fyrir því,
að sál mannsins haldi áfram að lifa og starfa, þótt þau bönd,
sem tengja hana við efnislíkamann rofni í dauðanum.