Morgunn - 01.12.1967, Síða 40

118 M O R G U N N
bandi við þær verur, sem hún raunar stöðugt fann að voru
í kring um sig.
Þetta tókst von bráðar. Henni heppnaðist að ná traustu
sambandi við þá veru, er síðar stjórnaði miðilsstarfi hennar
í meira en f jörutíu ár, og nefndi sig Red Cloud.
Frá þessu yfirgripsmikla starfi segir frú Estella Roberts
í merkri og raunar mjög skemmtilegri bók, er út kom fyrir
fáum árum, og hún nefnir Fourty Years a Medium, Miðill í
f jörutíu ár.
Til þess að gefa lesendum Morguns nokkra hugmynd um
hæfileika og störf frú Estellu Roberts, hef ég lauslega snúið
á íslenzku nokkrum frásögnum úr bók hennar.
Fyrsta lækningin.
Það var á spiritistafundi í Hampton Hill, að kona nokkur
kom til mín með barnungan son sinn, sem þjáðist af and-
þrengslum (asthma), og bað mig að reyna að lækna hann.
Mér varð hverft við. Þetta kom mér algjörlega á óvart. Ég
hafði þá aldrei reynt að framkvæma dulrænar lækningar
og var öldungis ófróð á því sviði. En blessaður drengurinn
horfði á mig með von og barnslegt traust í augum. Mér var
allri lokið. Ég fann, að ég varð að reyna að hjálpa honum.
Ég bað Red Cloud í hljóði að hjálpa mér og leiðbeina mér.
Síðan lagði ég hendur mínar varlega á brjóst drengsins.
Mér er ekki ljóst, hvort ég vænti árangurs í raun og veru.
Ég gerði þetta fremur vegna móður drengsins, en af því, að
ég treysti sjálfri mér til þess að geta hjálpað. Ég vissi ekki
þá, að ég hefði neina hæfileika til lækninga. En kraftaverkið
gjörðist eigi að siður. 1 fyrstu tók litli drengurinn andköf
nokkrum sinnum, en svo varð andardrátturinn rólegur og
eðlilegur. Þetta kom alveg eins og af sjálfu sér, og ég held,
að enginn viðstaddur hafi orðið meira hissa á því en ég sjálf.
Ég ætlaði ekki að trúa mínum eigin augum. Ég bjóst við, að
aftur mundi sækja í sama horfið fyrir drengnum þá og þeg-
ar. En hann fékk varanlega heilsubót. Og ég hafði tækifæri
til að fylgjast með þvi í tuttugu ár.