Fréttablaðið - 04.11.2010, Blaðsíða 2

2 4. nóvember 2010 FIMMTUDAGUR
NORÐURLÖND Samstarf Norðurlandanna um utanrík-
isþjónustu verður aukið á næstunni, meðal annars
með því að norrænu ríkin reki sameiginlegar sendi-
skrifstofur eða bjóði sendifulltrúum annarra Norð-
urlanda aðstöðu þar sem eitt eða fleiri þeirra hafa
nú þegar sendiskrifstofu.
Einnig er hugmyndin sú að sendiráð norrænna
landa geti veitt íbúum hinna norrænu landanna
aðstoð í ríkjum þar sem þau eru ekki með
sendifulltrúa.
Ákvörðun um þetta var tekin í gær á fundi utan-
ríkisráðherra Norðurlandanna í tengslum við Norð-
urlandaráðsþing í Reykjavík. Þessar hugmyndir
eru byggðar á skýrslu Thorvalds Stoltenberg, fyrr-
verandi utanríkisráðherra Noregs, um norræna
samvinnu á sviði utanríkis- og öryggismála, sem
hann afhenti utanríkisráðherrum Norðurlandanna í
febrúar á síðasta ári.
Á blaðamannafundi ráðherranna í gær sagði Lene
Espersen, utanríkisráðherra Danmerkur, að skýrsla
Stoltenbergs væri mikilvægt framlag til umræðu
um samstarf Norðurlandanna. Á henni yrði byggt í
mörgum atriðum til framtíðar.
Á fundi sínum ræddu ráðherrarnir um samstarf
Norðurlandanna á fleiri sviðum, meðal annars í
öryggismálum. - gb
Utanríkisráðherrar Norðurlandanna sammála um að auka samstarf ríkjanna:
Sendiráð ríkjanna verði samnýtt
UTANRÍKISRÁÐHERRAR NORÐURLANDANNA Össur Skarphéð-
insson, Jonas Gahr Støre frá Noregi, Lene Espersen frá Dan-
mörku, Alexander Stubb frá Finnlandi og Carl Bildt frá Svíþjóð
á blaðamannafundi á Grand Hotel í gær. FRÉTTABLAÐIÐ/GVA
STJÓRNSÝSLA Forsætisráðuneytið
og tryggingafélagið Vörður hafa
ekki lokið samningum um upp-
gjör vegna bruna Hótels Valhall-
ar á Þingvöllum í júlí 2009.
Brunabótamat byggingarinnar
var ríflega 270 milljónir króna en
óvíst er hver endanleg bótafjár-
hæð verður. Þingvallanefnd legg-
ur mikla áherslu á að bótaféð skili
sér austur í þjóðgarðinn. Bæturn-
ar verða jafnvel aðeins um 230
milljónir vegna afsláttarákvæða
og hugsanlega enn minna, verði
miðað við metið markaðsverð.
„Við vitum öll að þegar ríkis-
sjóður er rekinn með jafn mikl-
um halla og hann er núna þiggja
menn alla peninga sem kunna að
koma, hvort heldur eru trygg-
ingabætur eða annað. Við vilj-
um aðeins árétta að þessir fjár-
munir nýtist til þess sem er verið
að bæta með þeim og fari til
uppbyggingar í þjóðgarðinum,“
skýrir Álfheiður Ingadóttir, for-
maður Þingvallanefndar, afstöðu
nefndarinnar.
Sigurður Óli Kolbeinsson, yfir-
maður tjónadeildar hjá Verði,
bendir á að í lögum segi að bætur
megi aðeins greiða til að gera við
húseign sem skemmst hefur við
bruna eða til endurbyggingar.
„Tryggingafélögum er óheimilt
að borga bætur nema í samræmi
við framvindu á endurbótum eða
endurbyggingu þess sem brann.
Þá þarf að liggja fyrir að einhver
ætli að byggja aftur. En síðan
segir að vátryggjanda sé heim-
ilt að veita undanþágu frá bygg-
ingarskyldu að höfðu samráði við
skipulagsyfirvöld – gegn því skil-
yrði að fimmtán prósent dragist
frá bótafjárhæð reyndar,“ útskýr-
ir Sigurður Óli og bendir á að ekk-
ert liggi fyrir um hvort hótelið
verði endurbyggt. Lögin kveði á
um að byggja eigi hús á sama stað
og í sömu mynd til að fá bætur –
þótt heimilt sé að veita undanþágu
frá byggingarskyldunni eins og
fyrr segir.
Álfheiður Ingadóttir segir alls
ekki búið að slá það út af borðinu
að endurbyggja á Valhallarreitn-
um. Sumir telji staðinn og þjónust-
una þar jafnvel hafa verið hjarta
þjóðgarðsins.
„Ég tel að það sé enginn flötur á
þessum fimmtán prósenta afslætti
enda veit ég ekki af hverju menn
ættu að gefa sér að það verði ekki
byggt – það hefur engin ákvörðun
verið tekin um að gera það ekki,“
segir Álfheiður, sem kveðst búast
við að Þingvallanefnd gangi form-
lega frá hugmyndasamkeppni um
uppbyggingu í þjóðgarðinum á
næsta fundi sínum.
gar@frettabladid.is
Ósamið um fébætur
fyrir Hótel Valhöll
Tryggingabætur vegna bruna Hótels Valhallar eru ófrágengnar. Brunabótamat
var 270 milljónir. Tryggingafélagið vill 15 prósenta afslátt verði húsið ekki byggt
á sama stað. Það er alveg óákveðið. Hugmyndasamkeppni er í burðarliðnum.
HÓTEL VALHÖLL Þjóðgarðurinn á Þingvöllum missti mikið úr innviðum sínum þegar
Hótel Valhöll brann 9. júlí í fyrra, segir Þingvallanefnd. FRÉTTABLAÐIÐ/ARNÞÓR
DÓMSMÁL Ragnar H. Hall, verj-
andi Styrmis Þórs Bragasonar,
fyrrverandi forstjóra MP banka,
sakar sérstakan saksóknara um
að hafa hlerað síma skjólstæð-
ings síns án lögmætrar heim-
ildar við rannsókn svokallaðs
Exeter-máls. Það hafi verið gert
að undirlagi Evu Joly, sem hafi í
hvívetna mælt fyrir um óhefð-
bundnar rannsóknaraðferðir við
ráðgjöf sína hjá saksóknara.
Þetta kom fram þegar tekist
var á um frávísunarkröfu sak-
borninganna í málinu fyrir
héraðsdómi í gær.
Björn Þorvaldsson saksóknari
hafnaði alfarið frávísunarkröf-
unni, sagði fráleitt að Eva Joly
hefði haft „alræðisvald“ yfir
embættinu eða spillt málinu og
að sakborningar hefðu á tíma
meints brots átt að gera sér
grein fyrir stöðunni. Þeir hefðu
verið að koma sér undan ábyrgð-
um þegar bankarnir voru að
falla. - sh
Exeter-málið fyrir dómi:
Segir hleranir
ólögmætar
UMHVERFISMÁL Tvö erlend flutn-
ingaskip sem voru meðal annars
með hættulegan úrgang um borð
biðu af sér váleg veður fyrir
sunnan land í fyrrinótt.
Um borð voru nokkrir gámar
sem innihéldu meðal annars
úraníum hexaflúoríð, sem er
geislavirkt efni sem notað er
við framleiðslu á eldsneyti fyrir
kjarnakljúfa og kjarnavopn.
Að sögn vaktstjóra Landhelgis-
gæslunnar var Gæslunni
kunnugt um farminn, en ekki
var mikil hætta á ferðum.
Trygginga félög skipanna vildu
að skipin biðu af sér veðrið, sem
þau og gerðu, 30 mílur út af
suðurströndinni. - þj
Úrgangur í erlendum skipum:
Biðu í vari við
Íslandsstrendur
Sigurður, er ekki að minnsta
kosti ástæðulaust að leyfa
blindflug yfir Þingvöllum?
„Jú, væri það ekki svolítið tilgangs-
laust flug yfir Þingvöllum?“
Sigurður Ingi Jóhannsson alþingismaður
hefur lagt til í Þingvallanefnd að reglur
verði settar um flug yfir friðlandinu. Mikið
er um útsýnisflug yfir þjóðgarðinum.
1898
1929
2002
2009
Hótel Valhöll rís, byggt
á teikningum Guðjóns
Samúelssonar.
Húsið flutt á endan-
legan stað og stækkað
fyrir Alþingishátíðina
árið 1930.
Hótel Valhöll kemst í
ríkiseigu.
Hótel Valhöll brennur
til grunna.
Valhöll í tímans rás
MENNING Norðurlandaráð afhenti
í gær verðlaun fyrir afrek á
sviðum bókmennta, kvikmynda-
gerðar og tónlistar og í fyrsta
sinn voru Norrænu náttúru- og
umhverfisverðlaunin veitt.
Hin finnska Sofi Oksanen fékk
bókmenntaverðlaunin fyrir bók
sína Hreinsun, Lasse Thoresen
fékk tónlistarverðlaunin og Dan-
irnir Thomas Vinterberg, Tobias
Lindholm og Morten Kaufmann
fengu verðlaun fyrir kvikmynd
sína Submarino.
Þá deildu þrír norrænir bank-
ar með sér náttúru- og umhverfis-
verðlaununum fyrir sjálfbæra
bankastarfsemi. - þj
Hátíðarhöld Norðurlandaráðs:
Verðlaun veitt
fyrir ýmis afrek
VERÐLAUNAHAFI Helgi Hjörvar afhendir
Lasse Thoresen tónlistarverðlaun Norð-
urlandaráðs. MYND/NORDEN.ORG
SAMGÖNGUR Þrjátíu umferðar-
óhöpp urðu í umferðinni í höfuð-
borginni á milli klukkan tvö og
hálf tíu í gær. Árekstrarnir voru
misalvarlegir en meiðsli öku-
manna og farþegar minni hátt-
ar. Í tveimur tilvikum hlaut fólk
óveruleg meiðsli.
„Bílarnir voru margir vanbún-
ir, ökumenn ekki viðbúnir snjó-
komu,“ segir Ólafur Á. Knútsson,
varðstjóri í umferðardeild lög-
reglunnar á höfuðborgarsvæðinu.
- jab
Þrjátíu óhöpp í umferðinni:
Margir bílar
voru vanbúnir
NÁTTÚRA Engin merki sáust um
eldsumbrot þegar sérfræðingar á
sviði jarðvísinda og vatnamælinga
flugu yfir Grímsvötn og Skeiðar-
ársand í gær. Í þessu könnunar-
flugi með TF Sif, flugvél Land-
helgisgæslunnar, var verið að
skoða aðstæður eftir að mælar
Veðurstofunnar höfðu sýnt tals-
verðan óróa í fyrrinótt. Þó kom í
ljós að ís virðist hafa hrunið niður
í einum sigkatli við Grímsfjall.
Hlaup úr Grímsvötnum í Gígju-
kvísl virtist einnig hafa náð
hámarki þar sem útlit var fyrir
að allt vatn væri runnið úr Gríms-
vötnum og jarðhræringar gáfu
ekki til kynna að eldgos væri yfir-
vofandi í gærkvöldi.
Takmarkaðar skemmdir hafa
orðið í hlaupinu, sem hófst á
sunnudag. Vatnsflæðið er talið
hafa verið nálægt 3.000 rúmmetr-
um þegar hlaupið náði hámarki
sínu.
Einu skemmdirnar sem hlutust
af hlaupinu var þegar ísjaki braut
niður háspennumastur sem varð
til þess að rafmagnslaust var um
hríð í nærsveitum. -þj
Ekkert bendir til þess að eldsumbrot séu yfirvofandi í Grímsvötnum eftir könnunarflug í gær:
Hlaupið í Gígjukvísl hefur náð hámarki
HORFT OFAN Í SIGKETIL Engin merki sáust um eldsumbrot þegar vísindamenn flugu
yfir Grímsvötn í gær. Þó kom í ljós að ís virðist hafa hrunið niður í einum sigkatli við
Grímsfjall. MYND/LANDHELGISGÆSLAN
SPURNING DAGSINS