Fréttablaðið - 04.11.2010, Blaðsíða 8

8 4. nóvember 2010 FIMMTUDAGUR
Hér kemur sá næsti stóri...
1. Hvaða rithöfundur hlaut
bókmenntaverðlaun Norður-
landaráðs árið 2010?
2. Hver er formaður Dómstóla-
ráðs?
3. Hvað heitir ný plata Sálar-
innar og Stórsveitar Reykja-
víkur?
SVÖR
1. Sofi Oksanen fyrir skáldsöguna
Hreinsun. 2. Símon Sigvaldason. 3. Upp
og niður stigann.
FÓLK Á milli Steinunnar Hlífar Guð-
mundsdóttur og Ingibjargar Töns-
berg er 71 ár. Þær eiga það hins
vegar sameiginlegt að vera full-
trúar á Þjóðfundinum sem haldinn
verður í Laugardalshöllinni um
helgina. Steinunn er yngsti þátt-
takandinn en Ingibjörg sá elsti.
Fréttablaðið hitti stöllurnar á heim-
ili Ingibjargar í gær.
„Þeir báðu mig að mæta. Ef allir
segðu nei, hvað þá? Einhver verð-
ur að vinna skítverkin,“ segir Ingi-
björg, spurð hvort hún hafi strax
verið ákveðin að mæta þegar hún
fékk boðið.
Ingibjörg varð 89 ára í ágúst.
Hún er kennari að mennt en hafði
lengst af – í heil 43 ár – atvinnu
af nokkru sem hún segir að eng-
inn annar Íslendingur hafi haft að
aðalstarfi: að kyngreina hænuunga.
„Ég stakk röri í botninn á þeim og
kíkti,“ útskýrir Ingibjörg og segir
starfskrafta sína hafa verið afar
eftirsótta lengi. Hún er enn spræk,
er nýlega búin að endurnýja öku-
skírteinið sitt til eins árs og starf-
ar við að kenna eldri borgurum
handavinnu.
Steinunn verður átján ára eftir
rúmar tvær vikur og stundar nám
á náttúrufræðibraut Verslunarskól-
ans. Hún var upphaflega valin vara-
maður á þjóðfundinn en fékk kallið
þegar aðalmaður hennar forfallað-
ist. „Og ég sagði
bara já. Þetta
verður örugglega
gott í reynslu-
bankann.“
Þjóðfundinum
er æt lað að
leggja fyrirhug-
uðu stjórnlaga-
þingi til hug-
myndir að efni
nýrrar stjórnar-
skrár. Steinunn er aðeins byrjuð
að undirbúa sig með því að glugga
í kynningarefni fyrir þátttakendur
og stjórnarskrána sjálfa. Ingibjörg
hefur látið það eiga sig. „Ég hef
ekki mátt vera að því,“ segir hún.
„En það er annað mál að ég hef allt-
af haft dálítinn
áhuga á stjórn-
arskránni.“
Hvorug þeirra
hefur hins vegar
mótað sér sér-
staka skoðun á
því hvað það er
helst sem þyrfti
að breyta – ef
nokkuð. Ingi-
björg nefnir þó
að auðlindir skuli vera eign þjóð-
arinnar. „Og ég vil algjört sjálf-
stæði,“ bætir hún við.
En telja þær einhverja von til
þess að þúsund ólíkir einstaklingar
geti komið sér saman um nokkurn
hlut? Ingibjörg segist allt eins eiga
von á því, enda sé það sniðugt fyrir-
komulag að velja fólk af handahófi
til slíks samráðs. „Sumir steinþegja
allan tímann og aðrir segja eitt-
hvað að gagni, svo tína menn það
saman sem er eitthvert vit í,“ segir
hún. „Þarna er það fólkið sem fær
að segja sína skoðun og það hlýtur
að koma eitthvað út úr því,“ segir
Steinunn.
Við spyrjum þær hvort þær haldi
að þær séu mikið til sammála, þrátt
fyrir kynslóðabilið. „Ætli það ekki,
nokkurn veginn,“ segir Ingibjörg.
Steinunn tekur undir það: „Örugg-
lega. Það hlýtur að vera einhver
munur en erum við ekki bara að
leita eftir því að allir hafi það sem
best?“ stigur@frettabladid.s
Erum örugglega sammála
Ingibjörg Tönsberg er 89 ára. Steinunn Hlíf Guðmundsdóttir er ekki orðin átján. Þær eru elsti og yngsti
fulltrúinn á Þjóðfundinum sem fram fer um helgina. Markmiðið að allir hafi það sem best, segir Steinunn.
HLÝDDU KALLINU „Einhver verður að vinna skítverkin,“ segir Ingibjörg. Hvorug þeirra hefur mótað sér skoðun á því hvað mætti
betur fara í stjórnarskránni, en telja að líklega sé fyrir bestu að fólk viti sem minnst þegar það mætir á fundinn. FRÉTTABLAÐIÐ/VALLI
Sumir steinþegja allan
tímann og aðrir segja
eitthvað að gagni, svo tína
menn það saman sem er
eitthvert vit í.
INGIBJÖRG TÖNSBERG
ELSTI FULLTRÚINN Á ÞJÓÐFUNDINUM
GÓÐGERÐAMÁL Hanna María
Péturs dóttir, fimm ára, afhenti
Fjölskylduhjálp Íslands 1,1 millj-
ón króna í gær. Peningarnir
söfnuðust eftir sölu á endurskins-
merkjum sem hún og móðir henn-
ar, Auður Lind Aðalsteinsdóttir,
hönnuðu í fyrra.
Hanna María teiknaði mynd af
broskalli fyrir ári og ákvað móðir
hennar að láta framleiða endur-
skinsmerki eftir myndinni í kjöl-
farið. Verkefnið bar heitið Bros-
um saman og voru merkin seld í
verslunum. Verkefnið fékk styrki
frá ýmsum fyrirtækjum og rann
því andvirði sölunnar óskipt til
Fjölskylduhjálpar Íslands. - sv
Fimm ára stúlka gefur gjöf:
1,1 milljón til
góðgerðamála
ÁVÍSUNIN SKREYTT Þessar stúlkur í
Barnaskóla Hjallastefnunnar í Garðabæ
skreyttu ávísunina áður en hún var
afhent til Fjölskylduhjálpar Íslands.
MYND/GRÓA MARGRÉT FINNSDÓTTIR
STJÓRNSÝSLA Árni Mathiesen, fyrr-
verandi sjávarútvegs- og fjármála-
ráðherra, segist í samtali við Frétta-
blaðið spenntur fyrir nýju starfi
sem aðstoðarframkvæmdastjóri
hjá FAO, Matvæla- og landbúnað-
arstofnun Sameinuðu þjóðanna,
en hann var skipaður í þá stöðu á
þriðjudag.
Árni, sem er dýralæknir að
mennt, verður yfirmaður sjávar-
útvegs- og fiskeldisdeildar FAO.
Sjávar útvegsmál hafa á síðustu
árum orðið umfangsmeiri og mikil-
vægari málaflokkur hjá FAO, að því
er fram kemur á vef utanríkisráðu-
neytisins. Árni segir í samtali við
Fréttablaðið að aðildarríkin og ráð-
herrar þeirra taki allar ákvarðanir.
„Okkar starf er svo að undirbúa
stefnumörkun og að framkvæma
þá stefnu sem ákveðin er.“
Árni er ekki skipaður í stöð-
una sem fulltrúi Íslands. Í frétt-
um Stöðvar 2 í gærkvöldi kom hins
vegar fram að Össur Skarphéðins-
son utanríkisráðherra hefði skrif-
að meðmælabréf fyrir Árna er hann
sótti um stöðuna, um ári áður en
rannsóknarnefnd Alþingis komst
að þeirri niðurstöðu að hann hefði
sýnt vanrækslu í embætti í aðdrag-
anda bankahrunsins. - þj
Árni Mathiesen settur yfir sjávarútvegs- og fiskeldisdeild FAO:
Spenntur fyrir nýju stöðunni
NÝ STAÐA Árni Mathiesen, fyrrverandi
ráðherra, var nýlega skipaður í starf hjá
sjávarútvegs- og fiskeldisdeild FAO.
Jóhanna fer ekki
Jóhanna Sigurðardóttir forsætis-
ráðherra fékk boð á fundinn en
þær upplýsingar fengust í gær hjá
Hrannari Birni Arnarssyni, aðstoðar-
manni hennar, að Jóhanna hygðist
ekki mæta. Hugmyndin með ferl-
inu öllu hefði verið sú að það væri
fyrir aðra en þingmenn og í því
ljósi hefði Jóhönnu ekki fundist við
hæfi að mæta. Það hefði þó verið
skemmtileg tilviljun að fá boð.
SAMFÉLAGSMÁL Nýju kynfræðslu-
átaki á vegum ungmennaráðs
Laugardals og Háaleitis var
formlega hleypt af stokkunum í
Laugalækjarskóla í gær, en ráðið
stendur fyrir þessu átaki í grunn-
skólum hverfisins með styrk frá
Forvarnasjóði Reykjavíkur.
Í tilkynningu segir að mark-
mið verkefnisins sé að bjóða upp
á aukna kynfræðslu sem höfðar
til unglinga. Átakið felur meðal
annars í sér að hópurinn dreifir
kynningarefni og stendur fyrir
framsögum í skólum. - þj
Kynfræðsluátak hafið:
Vilja höfða til
unglinganna
STJÓRNMÁL Helgi Hjörvar, þing-
maður og fráfarandi forseti
Norðurlandaráðs, hefur verið
kjörinn leiðtogi í flokkahópi jafn-
aðarmanna í Norðurlandaráði.
Helstu baráttumál flokksins
eru velferðar- og atvinnumál. Auk
þess ætla jafnaðarmenn að beita
sér fyrir því að sett verði bindandi
markmið um losun koltvísýrings í
norrænu samstarfi um loftslags-
mál. - þj
Helgi Hjörvar til forystu:
Leiðir flokk
jafnaðarmanna
VEISTU SVARIÐ?