Kylfingur - 01.10.1935, Blaðsíða 5
KYLFINGUR
51
um. Rigningarnar héldu áfram til höfuðdags. En þegar
kom fram í ágúst, sá stjórn klúbbsins að ekki tjáði að
setja veðrið fyrir sig, og með ráði golfkennarans hóf hún
undirbúning undir kappleika þá, sem síðan hafa verið
háðir og hleyptu nýju fjöri í starfsemi klúbbsins. Golf-
kennarinn, Mr. W. Arneson, hefir verið klúbbnum ómetan-
leg stoð í þessu efni. Hann hefir leiðbeint um það, hvern-
ig kappleikirnir áttu að fara fram; hann hefir bent á nýja
og nýja kappleiki, sinn með hverju móti; hann hefir séð
um, að völlurinn væri ávallt í viðunandi ásigkomulagi og
leiðbeint um viðhald hans, og hann hefir talið kjark í
menn, þegar þeim hefir legið við að láta bugast vegna
veðra eða mistækni.
Þessir kappleikar hafa verið háðir:
1. Flaggkeppni, háð sunnudaginn 18. ágúst. Um hana
var send út svohljóðandi tilkynning:
GOLFBLÚBBUR ÍSLANDS.
Golfkeppni (flagg-keppni) meðal félaga golfklúbbsins verður
háð sunnudaginn 18. þ. m. og hefst kl. 10 árdegis. Smurt brauð,
öl, kaffi og aðrar veitingar til hádegisverðar fást i klúbbhúsinu.
Meðlimir klúbbsins geta tekið með sér gesti, sem líklegir eru til
þess að gerast félagar, og verða þeim skýrð aðalatriði keppninnar
og golfleiksins og auk þess sýnd einstök högg. Eftir kappleikinn
geta menn skemmt sér í klúbbhúsinu til kl. 12 á miðnætti.
Keppt verður hvernig sem viðrar og eru allir áminntir um að
klæða sig vel.
Þátttakendur i kappleiknum verða að hafa gefið sig fram fyrir
næstkomandi föstudag, með því að skrifa sig á lista í klúbbhúsinu.
Verðlaun verða veitt þeim, sem næst komast markinu. Sérstök
verðlaun fyrir dömur og önnur fyrir herra.
Vegna þess hve fáir hafa skilað útfylltum golfkortum, mun
kennarinn ákveða mönnum „handicap“ (þ. e. hve mörg högg hver
einstakur á að þurfa í eina umferð á vellinum) í þetta sinn við
kappleikinn. Standa þá allir jafnt að vígi í keppninni, hvort sem
þeir eru byrjendur og lélegir leikendur eða æfðir og góðir. Geta
því allir verið með, sem byrjaðir eru að læra.
Nánari tilhögun verður skýrð við byrjun leiksins.
STJÓRNIN.