Kylfingur - 01.10.1935, Side 13
KYLFINGUR
59
Bikar þessi, ásamt smábikarnum, sem fylgdi og Magn-
ús hefir nú unnið til eignar, var geymdur í klúbbhúsinu
í sumar, kylfingum til sýnis og hvatningar, og litu hann
margir ágirndarauga, eins og eftirfarandi vísa, sem einn
góðan veðurdag fannst í bikarnum, sýnir:
Hýrum augum höldar renna
heiðursbikars til.
Ekki munu eldar brenna
öllum þó í vil.
Höfundurinn hefir enn þá ekki gefið sig fram, þrátt
fyrir ítrekaðar áskoranir, en vonandi gerir hann það um
leið og bikarinn verður afhentur.
Kappleikar þessir, undirbúningur og æfingar hleyptu
fjöri í klúbblífið, sem gerði ánægjulegt að koma inn eftir
og vera þar, og var miklu framar þeim vonum, sem flest-
ir höfðu gert sér. Sem dæmi um fjörið í æfingunum er
eftirfarandi atvik:
Einn góðan veðurdag í sumar komu 3 þekktir borg-
arar í fylgd með tveim félagsmönnum inn á völl, og urðu
svo hrifnir þar inn frá, að þeir dönsuðu af kæti. Einn
þeirra varð jafnvel svo fjörugur, að hann gat ekki stillt
sig eftir að hann kom inn í bílinn á heimleið aftur, held-
ur hélt áfram tilburðum við kylfusveiflur, en rak við það
handlegg og fót út um rúður bílsins.
4. Blandaður fjórleikur (Mixed foursome).
Meistarakeppninni var ekki lokið fyrr en viku af sept-
ember. Eftir það varð hlé á kappleikum þangað til golf-
kennarinn kom aftur frá Akureyri, þann 18. sept. Var
hann þá spurður hvað gera skyldi næst. „Fight“ — kepp-
ið, sagði Wally. Lagði hann til, að næst yrði blandaður
fjórleikur og var sá kappleikur háður 29. september. Þar
keppir karlmaður og kvenmaður á móti öðrum karlmanni
og kvenmanni, og leikur hvert lið aðeins einum bolta, til
skiptis. Leikurinn er höggleikur með forgjöf. Fyrstu verð-
laun unnu þau Hallgrímur F. Hallgrímsson og Bútta
Bernhöft. Höfðu þau nettó höggafjölda 57, en önnur verð-