Fréttablaðið - 04.11.2010, Blaðsíða 67
FIMMTUDAGUR 4. nóvember 2010 47
Hljómsveitirnar Dikta, Who Knew og End-
less Dark ásamt tónlistarkonunum Ólöfu
Arnalds og Láru spila á tónlistarhátíðinni
Eurosonic á næsta ári. Þetta er árleg bransa-
hátíð sem er hugsuð sem stökkpallur fyrir
upprennandi flytjendur og verður hún í
þetta sinn haldin 12. til 15. janúar.
Á síðustu Eurosonic-hátíð spiluðu FM
Belfast, Agent Fresco og Seabaer. Sú fyrst-
nefnda var valin ein af tíu athyglisverð-
ustu hljómsveitum hátíðarinnar og var hún
í framhaldinu valin til að spila á tónlistar-
hátíðum víða um heim, þar á meðal Hróa-
skeldu. FM Belfast varð einnig efst á lista
ásamt ensku sveitinni The XX yfir flestar
tónleikabókanir hljómsveita á árinu í kjölfar
Eurosonic. The XX var boðið á ellefu hátíðir
á meðan íslensku stuðboltarnir fengu níu
boðsmiða.
Agent Fresco lenti aftur á móti í leiðinlegu
atviki á Eurosonic þegar hátt í fimmtíu þús-
und krónum var stolið frá söngvaranum
Arnóri Dan og félögum hans, eins og Frétta-
blaðið greindi frá. Vonandi verður ekkert
slíkt uppi á teningnum á næstu hátíð og allir
íslensku flytjendurnir komi heim með bros á
vör og góða reynslu í farteskinu.
Yfir fimmtíu tónlistarhátíðir í Evrópu
taka þátt í Eurosonic til að kanna nýliðun-
ina í evrópskri poppsenu og um leið fá þær
stuðning við að bóka minna þekktar hljóm-
sveitir. Þar á meðal eru Glastonbury, Sziget,
Benicasim, Hultsfred og Hróarskelda.
- fb
Fimm íslenskar hljómsveitir á Eurosonic
DIKTA Poppararnir í Diktu spila á Eurosonic-hátíðinni í
Hollandi á næsta ári.
Britney Spears hefur ekkert tjáð
sig um næstu skref sín í tónlist-
inni, en hún gaf síðast út plötuna
Circus árið 2008. Einn af upp-
tökustjórunum hennar, Dr. Luke,
tók af henni ómakið á dögunum
og lýsti því yfir að plata væri
væntanleg á næsta ári.
„Hún er algjör goðsögn, en ég
vil þó ekki valda neinum von-
brigðum,“ sagði hann. „Ég er
mjög spenntur enda erum við að
vinna plötuna með Max Martin,
sem var einn af þeim sem upp-
götvuðu hana. Það er frábært að
koma tónlist til margra hlust-
enda í gegnum
Britney.“
Ný plata frá
Britney 2011
TÓNLIST VÆNT-
ANLEG Britney
Spears vinnur
nú að nýrri
plötu.
Rúnar Þórisson, fyrrum gítar-
leikari Grafíkur, heldur útgáfu-
tónleika í Tjarnarbíói þriðjudag-
inn 9. nóvember vegna sinnar
annarrar sólóplötu, Falls. Tólf
manns verða á sviðinu, þar á
meðal dætur hans tvær, Lára og
Margrét, ásamt þremur strengja-
leikurum.
Stutt er síðan Rúnar spilaði
á Airwaves-hátíðinni, þar sem
ungmennin eru jafnan mest
áberandi. „Ég var trúlega elstur
þátttakenda en maður spriklar
þetta enn þá. Maður gefst ekki
upp enda er ekkert kynslóðabil
í tónlist. Þetta er bara spurning
um hugarfar,“ segir Rúnar, sem
er 55 ára.
Platan Fall ber þess merki að
Rúnar hefur viðað að sér ýmsum
straumum og stefnum í tónlist en
hann hefur um árabil fengist við
rokktónlist og klassíska tónlist
jöfnum höndum. - fb
Með tólf
manns á sviði
RÚNAR ÞÓRISSON Útgáfutónleikar Rún-
ars verða haldnir í Tjarnarbíói.
Viðskiptavinum í Vildarþjónustu Byrs býðst 15% afsláttur á
Caruso, yndislegum ítölskum veitingastað í miðborg Reykjavíkur.
Gefðu þér gæðastund á Caruso.
Ekki er veittur afsláttur af drykkjum eða með öðrum tilboðum.
Vertu í Vildarþjónustu Byrs og fáðu aukin fríðindi, persónulega þjónustu og sjálfvirkar lausnir sem
veita þér betri yfirsýn yfir fjármálin. Þannig færðu tíma fyrir það sem skiptir máli. Að auki færðu
ýmis sértilboð hjá samstarfsaðilum.
Gefðu þér tíma fyrir gæðastund
VILDARÞJÓNUSTUTILBOÐ - CARUSO
BYR | Sími 575 4000 | www.byr.isKynntu þér kostina á byr.is
D
Y
N
A
M
O
R
E
Y
K
JA
V
ÍK
VILDARÞJÓNUSTA BYRS
Rakarastofan
Klapparstíg
S: 551 3010