Kylfingur - 01.08.1937, Page 13

KYLFINGUR
19
en sinn eiginn í torfæru, og villan uppgötvast áður en hann
slær boltann utan torfærunnar, skal hann ekkert víti taka,
svo framarlega sem hann leikur sínum bolta á eftir.
Víti: Útilokun frá kevpni.
9. HÖGGLEIKAREGLA.
Bolti hittir annan keppanda eða sr hreyfður af honum.
Ef bolti keppanda hittir annan keppanda eða stöðvast af
honum, kylfum hans eða kylfusveini, þá er það aukahindrun,
nema svo standi á, sem segir í 13. Reglu, 1, og skal slá bolt-
ann þar sem hann liggur. Ef keppandi, kylfusveinn hans,
kylfur, bolti eða hvað sem er, annað en vindur, hreyfa bolta
mótleikanda, og sá bolti var áður kyrr, skal setja hann aftur
eins nálægt þeim stað, er hann var á, og unnt er.
Víti: Útilokun frá keppni.
Bolti hittir mann sjálfan o. s. frv.
Ef bolti keppanda hittir sjálfan hann, kylfusvein hans
eða kylfur, er víti fyrir það tvö högg.
10. HÖGGLEIKAREGLA.
Leyft að lyfta bolta keppinauts.
Sérhver keppandi á rétt á að heimta, að bolta keppinauts
sé leikið eða lyft, eftir því hvort eigandinn heldur vill, ef
hann telur, að hann muni torvelda leik sinn.
11. HÖGGLEIKAREGLA.
Að lyfta eigin bolta.
Bolta má lyfta hvar sem er á vellinum. Ef keppandi lyftir
bolta samkvæmt þessari reglu, skal hann annaðhvort:
1) Leika bolta samkvæmt reglu 22, eða
2) Tygja bolta bak við staðinn, sem honum var lyft af og
leika þaðan, og taka tvö vítishögg. Ef ekki er hægt að tygja
hann þar, skal tygja hann eins nálægt og unnt er þeim stað,
er hann var tekinn upp, þó ekki nær holu.