Kylfingur - 01.08.1937, Page 15
KYLFINGUR
21
Bolti, sem nær er holu, til aðstoðar hinum keppandanum.
4) Keppandi, sem á bolta nær holu, ætti að lyfta bolta
sínum eða leika honum fyrst, ef hann telur að hann muni
hjálpa keppinaut sínum.
Bolta lyft meðan bolti keppinauts er á hreyfingu.
5) Ef sá keppandi, sem á bolta nær holu, lyftir honum
meðan bolti keppinautsins er á hreyfingu, er víti fyrir það
tvö högg.
Bolti tekinn áður en leikið er í holu.
6) Ef keppandi eða kylfusveinn hans taka upp boltann á
flöt, áður en búið er að slá hann í holuna (nema svo standi á,
sem um ræðir hér að framan), þá skal honum leyft, að við-
lögðum tveim vítishöggum, og áður en hann slær frá næsta
teig, eða ef það er á síðustu flöt, áður en hann fer þaðan, . ð
leggja boltann á sama stað aftur og slá í holuna.
14. HÖGGLEIKAREGLA.
Almennt víti.
Þar sem holutap er sem viðurlag í almennum golfreglum,
fyrir brot á reglum, er viðurlagið tvö högg í höggleik, nema
þar sem annað er tekið fram í þessum höggleikareglum.
15. HÖGGLEIKAREGLA.
Almenn re.gla.
Almennar golfreglur gilda í höggleik, að svo miklu leyti
sem þær r.ekast ekki á þessar höggleikareglur.
16. HÖGGLEIKAREGLA.
Hvernig deilumál skal úrskurða.
Ef ágreiningur rís um eitthvert atriði, skal kappleika-
nefnd skera úr um það, og er úrskurður hennar endanleg-
ur, nema áfrýjað sé til dómnefndarinnar, samkvæmt 35.
Reglu.