Kylfingur - 01.10.1937, Blaðsíða 8

30
KYLFINGUR
^yggt á ásigkomulagi vallarins vor og haust og það getur
hugsast, að á öðrum tímum og við sérstök tækifæri sé á-
stand vallarins þannig, að boltinn velti mun lengra en venju-
lega. Þegar svo stendur á, eða ef teigar eru færðir fram, er
hægt að lækka SSS um 1, 2 eða 3 högg. Þetta gildir að-
eins um höggleikakeppni og hefur aðeins þýðingu fyrir á-
kvörðun forgjafar. Breytingin er framkvæmd þannig, að högg-
um þeim, sem um er að ræða, er bætt við hin Ieiknu högg
keppendanna á 18 holum.
IV. Samanburðar forgjafatafla.
Sú forgjöf, sem einhver kylfingur hefur fengið úthlutað,
gildir fyrir ákveðinn völl eða velli með sama SSS. Sú for-
gjöf, sem þessi sami kylfingur á að fá á velli með annað
SSS, sést á meðfylgjandi »samanburðar forgjafatöflu«. Við
notkun hennar ber að gæta þess, að þar sem eyður er í töfl-
una, á að taka næstu tölu fyrir neðan. Ef eínhver kylfingur
er í tveim eða fleiri klúbbum, sem hafa velli með mismun-
andi SSS, á forgjöf hans á báðum eða öllum völlunum að
vera í samræmi við þessa töflu.
Hvað þessar forgjafa ákvarðanir áhrærir, þykir rétt að benda
á, að ekki er alltaf hægt að fara nákvæmlega eða bókstaf-
lega eftir þeim. Handicapnefndirnar verða að taka tillit til
leikenda, hvernig þeir eru »upplagðir«, í hvaða þjálfun þeir
eru og fleiri atriða, sem geta haft áhrif á ákvörðun forgjafar-
innar á einn veg eða annan. En einhvern grundvöll varð að
finna til þess á eins réttan og sanngjarnan hátt og unt er
að geta fengið samanburð á leikendum í klúbbum landsins
og jafnvel útlendum leikendum.
Til þess að unt sé að koma á réttum forgjöfum, er ráð-
legt fyrir klúbbana að halda mánaðarlega höggleikakeppni
og athuga nákvæmlega árangur þeirra. Forgjöfin á ad byggj-
ast á úrslitum kappleika, sem háðir eru samkuœmt reglum
um höggleikl. Árangur, sem kylfingar ná á æfingum eða á
kunningjamótum, má ekki eingöngu leggja til grundvallar við
ákvörðun forgjafarinnar, en getur þó verið til Ieiðbeiningar
fyrir handicapnefndina samhliða úrslitum frá ákveðnum högg-
leika-kappleikum,