Fréttablaðið - 09.11.2010, Blaðsíða 25
lífsstíll ● fréttablaðið ●ÞRIÐJUDAGUR 9. NÓVEMBER 2010 5
● ÁHYGGJULAUS PRADA Prada er talið vera fágað
vörumerki, þar sem hönnuðirnir liggja djúpt hugsi yfir
hönnun klæða og fylgihluta með skírskotanir í lista-
sögu eða femínisma á bak við sig.
Annað var þó uppi á teningnum þegar Prada
sýndi vor- og sumarlínuna 2011, þar sem hvergi
virtist gerð krafa um að áhorfendur legðust í miklar
vangaveltur. Hönnunin virtist vera næstum áreynslu-
laus og klæðin voru bæði litskrúðug og sumarleg.
Þá var mikið lagt upp úr skóm og fylgihlutum sem
gerðu sýninguna enn bjartari og skemmtilegri og
gaf viss fyrirheit um áhyggjulausa daga næsta sumar.
- jbá
Nýjasta lína Prada gefur fyrirheit um
áhyggjulaust og skemmtilegt sumar.
NORDICPHOTOS/AFP
● LANVIN HANN-
AR FYRIR H&M
Hönnun franska tísku-
hússins Lanvin fyrir
H&M birtist á netinu í
síðustu viku. Hönnuð-
urinn er Alber Elbaz
og línan samanstend-
ur af kjólum, kápum,
bolum, pilsum, skóm
og hönskum. Í mynd-
bandinu sem fer eins
og logi yfir akur um netið þessa dagana má sjá módel eins og Natasha
Poly, Tati Cotliar og Hannelore Knuts á lúxushótelherbergjum kvartandi
yfir að elskhuginn færi þeim rósir í stað Lanvin-klæða.
Herralínan er einnig fjölbreytt og herlegheitin fara í sölu í netverslun
H&M og völdum búðum hinn 23. nóvember. - fsb
Fléttur í hári eru vinsælar í
vetur og því hroðvirknislegri
og kæruleysislegri sem fléttan
lítur út fyrir að vera, því betra.
Oftast er hárið meðfærilegast ef
það er ekki alveg hreint en til að
fá fléttuna létta og kæruleysislega
er gott að hárið sé nýþvegið og að
notuð hafi verið hárnæring í end-
ana. Æfingin skapar meistarann.
● Ekki á að flétta hárið blautt,
það fer illa með það. Blautt, sítt
hár vill loða saman svo erfiðlega
gengur að flokka það. Berið létta
froðu í hárið, blásið það svo þurrt
með rúllubursta og greiðið það
mjúkt með grófri greiðu.
● Það á ekki endilega að flétta
laust þó fléttan eigi að sýnast
kæruleysisleg. Betra er að flétta
þétta fléttu og losa um hana og
toga til eftir á. Notið fíngerða
teygju í endann og snúið jafnvel
utan um teygjuna hárlokk svo hún
sjáist ekki.
● Fléttið hvar sem er í hárið.
Skemmtilegt er að gera tilraunir
með að byrja fléttuna á mismun-
andi stöðum á höfðinu og flétta
fasta fléttu, til dæmis frá enninu
og til hliðar, eða frá hægra eyra
og yfir kollinn. Einnig er fallegt í
síðu hári að leggja eina eða fleiri
fléttur um höfuðið og festa niður
með spennum.
● Prófið fleiri útgáfur eins og
fiskifléttur eða snúninga til að
breyta til.
Hroðvirknislegar fléttur
Fléttið hárið þétt en losið og tætið fléttuna eftir á til að fá kæruleysislegt útlit.
MYND/NORDICPHOTOS/GETTY