Fréttablaðið - 09.11.2010, Blaðsíða 42

9. nóvember 2010 ÞRIÐJUDAGUR26
sport@frettabladid.is
GARÐAR JÓHANNSSON á ekki von á því að hann spili áfam með norska úrvalsdeildarliðinu Ströms-
godset á næsta ári. Þetta sagði hann í samtali við Fréttablaðið í gær. Síðasti leikur Garðars með liðinu verður því
væntanlega bikarúrslitaleikurinn á móti Follo um næstu helgi.
FÓTBOLTI Óhætt er að segja að kyn-
slóðaskipti í íslenska landsliðinu
hafa aldrei verið greinilegri en
þegar Ólafur Jóhannsson tilkynnti
í gær leikmannahóp liðsins sem
mætir Ísrael í vináttulandsleik ytra
í næstu viku.
Frægt er þegar U-21 landsliðið
fékk forgang á leikmenn fyrir verk-
efni sitt gegn Skotum í síðasta mán-
uði en á sama tíma lék A-liðið gegn
Portúgal í undankeppni EM 2012.
Allir þeir sjö leikmenn sem var
kippt úr A-landsliðinu þá eru aftur
komnir í hóp Ólafs nú, auk Alfreðs
Finnbogasonar sem einnig spilaði
með U-21 liðinu gegn Skotum.
Reyndar heldur aðeins einn leik-
maður úr hópi miðju- og sóknar-
manna sæti sínu í A-liðinu úr Portú-
galsleiknum en það er Ólafur Ingi
Skúlason.
Sóknarmaðurinn Heiðar Helgu-
son er reyndar frá vegna meiðsla
og getur því ekki farið með liðinu
til Ísraels.
Eið Smára Guðjohnsen, marka-
hæsta leikmann í sögu landsliðsins,
er hins vegar hvergi að finna.
„Ég ákvað að velja yngri strákana
núna og gefa þeim sénsinn í þess-
um leik,“ sagði Ólafur Jóhannesson
spurður um Eið Smára. „Ég vildi
nota þennan leik til að gefa þeim
mínútur með landsliðinu. Eiður
Smári er allavega ekki í hópnum í
þetta skiptið.“
Ertu hættur að velja Eið Smára í
landsliðið?
„Ég vel bara einn hóp í einu,“
sagði Ólafur.
Eiður Smári hefur átt erfitt upp-
dráttar hjá liði sínu, Stoke, og hefur
ekki enn fengið tækifæri í byrjunar-
liði liðsins síðan hann kom til félags-
ins í lok ágústmánaðar. Hann var til
að mynda ekki í leikmannahópi liðs-
ins þegar Stoke mætti Sunderland
um helgina.
Meðalaldur landsliðsins nú er
ekki hár og segir Ólafur það ekki
vera neina tilviljun.
„Ég hef verið með þessa yngri
stráka í landsliðinu í nokkurn tíma
og þeir koma því aftur inn núna.
Þetta eru framtíðarleikmenn lands-
liðsins. Eins og ég hef margsinnis
sagt eiga sér nú stað ákveðin kyn-
slóðaskipti í landsliðinu og með því
að velja þá í svona leiki flýtir það
því ferli. Þessir strákar fá dýrmæta
reynslu og auka getu sína með því að
spila leiki sem þessa. Það er jákvætt
fyrir okkur,“ sagði Ólafur.
Hermann Hreiðarsson er aftur
valinn í landsliðið en hann var
reyndar ekki á skýrslu fyrir leikinn
gegn Portúgal.
„Mér finnst mikilvægt að Her-
mann sé í hópnum. Hann er vissu-
lega ekki í sínu besta leikformi en
Hermann er okkur afar mikilvæg-
ur hlekkur í leikmannahópnum hvað
félagslegu hliðina varðar. Ég hafði
hann síðast í hópnum vegna þessa
og þannig er það aftur nú. Hann
mun hins vegar örugglega fá að
spila í þetta skiptið.“
Ólafur má nota átján leikmenn í
leiknum og fer því aðeins með átján
leikmenn með sér til Ísraels. „Það
er erfitt að meta það nú en ég vona
að sem flestir fái að spila í þessum
leik.“ eirikur@frettabladid.is
Leikmannahópur Íslands á móti Ísrael
Ólafur Jóhannesson landsliðsþjálfari valdi 18 leikmenn í hóp sinn fyrir vináttu-
landsleik á móti Ísrael sem fer fram eftir rúma viku. Landsleikir leikmanna eru
innan sviga.
Voru með á móti Portúgal
Arni Gautur Arason, Odd Grenland (71)
Gunnleifur Gunnleifsson, FH (20)
Hermann Hreiðarsson, Portsmouth (85)
Indriði Sigurðsson, Viking (57)
Kristján Örn Sigurðsson, Hønefoss (48)
Grétar Rafn Steinsson, Bolton (41)
Birkir Már Sævarsson, Brann (20)
Ragnar Sigurðsson, IFK Göteborg (16)
Ólafur Ingi Skúlason, SønderjyskE (14)
Koma aftur inn í liðið
Aron Einar Gunnarsson, Coventry (20)
Sölvi Geir Ottesen, FC København (14)
Rúrik Gíslason, OB (9)
Jóhann Berg Guðmundsson, AZ (8)
Eggert Gunnþór Jónsson, Hearts (7)
Kolbeinn Sigþórsson, AZ (4)
Birkir Bjarnason, Viking (3)
Gylfi Þór Sigurðsson, Hoffenheim (3)
Alfreð Finnbogason, Breiðablik (1)
FR
ÉT
TA
B
LA
Ð
IÐ
/A
N
TO
N
Ungu hetjurnar aftur inn
Aðeins níu leikmenn úr síðasta landsleik halda sæti sínu í íslenska landsliðinu
og fara með liðinu til Ísraels. Allir þeir sem var kippt úr liðinu vegna verkefnis
U-21 landsliðsins eru aftur með nú. Eiður Smári Guðjohnsen var ekki valinn.
GYLFI ÞÓR Einn af átta
leikmönnum úr U-21
landsliðinu sem eru kall-
aðir í A-landsliðið nú.
Gildir
til 31.
maí 2
010
VETRARDEKK Á
FRÁBÆRU VERÐI
Rauðhellu 11, Hfj.
( 568 2035
Hjallahrauni 4, Hfj.
( 565 2121
Dugguvogi 10
( 568 2020
www.pitstop.is
ÞRJÁR FULLKOMNAR ÞJÓNUSTUSTÖÐVAR
VAXT
ALAU
ST
VISA & MAS
TE
RC
A
R
D
VA
X
TA
LA
US
T Í
AL
LT AÐ 6 MÁNUÐI
MIKIÐ ÚRVAL
BETRA VERÐ
dekk fyrir allar gerðir og stærðir bíla – góð greiðslukjör
VERÐDÆMI
m.v. 15% staðgreiðsluafslátt
175/65 R 14 – Frá kr. 9.775
185/65 R 14 – Frá kr. 10.498
185/65 R 15 – Frá kr. 11.475
195/65 R 15 – Frá kr. 11.815
205/55 R 16 – Frá kr. 14.365
VERÐ
FRÁBÆRT
HANDBOLTI Sigfús Sigurðsson
mun spila með þýska B-deildar-
liðinu Emsdetten næstu sex vik-
urnar í það minnsta en Patrekur
Jóhannesson þjálfar liðið.
„Þetta kom þannig til að Patta,
vin minn, vantaði mann,“ sagði
Sigfús en Patrekur setti færslu
inn á Facebook-síðuna sína og
bað um aðstoð þar sem hann
var búinn að missa bæði
línumann og varnar-
mann í meiðsli.
Sigfús segir að lík-
amleg heilsa hans sé
ágæt. „Leikæfing-
in er ekki mikil en
líkamlega standið
er betra en oft áður
hefur verið. Ég fór
í stóra aðgerð fyrir
einu og hálfu ári síðan
en fór aðeins of fljótt
af stað með Val á síð-
asta tímabili. Í sumar var ég mikið
að synda og hreyfa mig og er orð-
inn léttari en áður. Löppin er öll
að koma til og ég get spilað með
aðstoð spelku.“
Sigfús fagnar því að geta
komið Patreki til aðstoð-
ar. „Þegar ég byrjaði að
spila aftur með landsliðinu
árið 2001 þá var hann einn
af þeim sem hjálpuðu mér
sem mest. Vonandi fæ ég
núna tækifæri til að hjálpa
honum á móti.“
Sigfús segist einnig
reiðubúinn að hjálpa
íslenska landsliðinu
verði þess óskað.
„Það er ekki mitt
að ákveða það en
ef þjálfarinn myndi
vilja nota mig og þiggja
mína hjálp er ég alltaf boð-
inn og búinn til þess.“ - esá
Sigfús Sigurðsson spilar fyrir Patrek hjá Emsdetten:
Hjálpar vini sínum
FÓTBOLTI Guðjón Baldvinsson
fundaði með forráðamönnum
GAIS í Svíþjóð um helgina en
hann var ekki ánægður með
niðurstöður þeirra.
„Ég vildi losna þar sem ég á
ekki von á því að mín staða hjá
liðinu muni breytast,“ sagði Guð-
jón við Fréttablaðið. „Það verður
sami þjálfari áfram en hann
hefur gefið það út að hann muni
ekki nota mig – sama hvað. Mín
staða hjá félaginu er því ekki
sterk,“ bætti hann við.
Guðjón var í láni hjá KR í
sumar en á enn þrjú ár eftir af
samningi sínum við GAIS. „Ég á
að mæta aftur til æfinga í janúar
og óvíst hvað gerist fram að þeim
tíma. Ég hef enn ekki náð að
spila einn einasta leik með liðinu
en mun gera mitt besta ef engin
önnur lausn finnst. Ég vil helst
finna mér félag úti en veit ekki
hvort það gengur eftir.“
Hann ber liðinu ekki góða sög-
una. „GAIS skoraði 24 mörk í 30
leikjum í sumar og markahæsti
leikmaður liðsins er varnarmað-
ur sem skoraði fjögur mörk. Ég
hef líka ekki áhuga á að vera
hjá liði sem vill bara halda sér í
deildinni á hverju ári.“ - esá
Guðjón Baldvinsson:
Fær sig ekki
lausan frá GAIS
GUÐJÓN BALDVINSSON Skoraði 10 mörk
með KR í sumar. FRÉTTABLAÐIÐ/ANTON
FÓTBOLTI Í dag verður dregið í
riðla í úrslitakeppni EM U-21
landsliða sem fer fram í Dan-
mörku næsta sumar.
Alls hafa átta lið unnið sér
þátttökurétt á mótinu og verður
Ísland í efri styrkleikaflokki
ásamt heimamönnum, Tékkum og
Spánverjum.
Reyndar var ákveðið fyrirfram
að Danir myndu spila í A-riðli og
Tékkar í B-riðli. Ísland mun því
spila með öðru þeirra liða og svo
tveimur liðum úr neðri styrk-
leikaflokki.
Þar eru lið Englands, Sviss,
Hvíta-Rússlands og Úkraínu. - esá
Evrópumót U-21 landsliða:
Dregið í dag
FÓTBOLTI Íslenska kvennalands-
liðið í fótbolta tekur þátt í
Algarve-bikarnum fimmta árið
í mars á næsta ári og nú er ljóst
að íslensku stelpurnar eru með
Svíum (4. sæti á heimslistanum),
Dönum (10. sæti) og Kínverjum
(14. sæti) í riðli. Ísland mætir
Svíþjóð í fyrsta leik.
Stelpurnar okkar sluppu þar
með við þær bandarísku (1. sæti á
heimslistanum) að þessu sinni en
þetta er í fyrsta sinn síðan 2008
að íslenska landsliðið er ekki með
Bandaríkjunum í riðli. - óój
Stelpurnar í Algarve-bikarnum:
Sluppu við þær
bandarísku
FÓTBOLTI Grétar Ólafur Hjartar-
son skrifaði í gær undir eins árs
samning við Keflavík. Grétar
skoraði 3 mörk í 20 leikjum með
Grindavík í sumar en fékk ekki
nýjan samning hjá félaginu.
Hann er 33 ára sóknarmaður
sem hefur skorað 65 mörk í 156
leikjum í efstu deild. - óój
Grétar Ólafur Hjartarson:
Fór í Keflavík
KÖRFUBOLTI Hlynur Bæringsson
sneri aftur eftir meiðsli þegar
Sundsvall Dragons tapaði 94-77 á
móti LF Basket í sænsku úrvals-
deildinni í körfubolta í gærkvöldi.
Hlynur Bæringsson, sem var
búinn að missa út þrjá leiki vegna
meiðsla, byrjaði af krafti og var
með 7 af 11 fyrstu stigum liðs-
ins í leiknum. Honum tókst þó
ekki að ná tvennu eins og í fyrstu
þremur leikjum sínum með
Sundsvall og endaði leikinn með
9 stig og 8 fráköst. Jakob var með
15 stig, 4 fráköst og 4 stoðsend-
ingar í leiknum. - óój
Sundsvall í sænsku körfunni:
Tap við endur-
komu Hlyns
HLYNUR BÆRINGSSON Var búinn að
missa af 3 leikjum. FRÉTTABLAÐIÐ/DANÍEL