Fréttablaðið - 10.11.2010, Blaðsíða 2
2 10. nóvember 2010 MIÐVIKUDAGUR
Jón, er Dior ekki að sækja
vatnið yfir lækinn?
„Nei, þeir eru að sækja það yfir
hafið, bláa hafið.“
Franska snyrtivörufyrirtækið Christian
Dior hefur samið við fyrirtækið Icelandic
Water Holdings um að framleiða krem úr
vatni úr Ölfusi. Jón Ólafsson er stjórnar-
formaður Icelandic Water Holdings.
ÞÝSKALAND, AP Hermönnum í
bandarískri herstöð skammt frá
Kaiserslautern í Þýskalandi hefur
verið tilkynnt að þeir þurfi ekki
að hringja í þýsku lögregluna þótt
þeir sjái fólk í arabískum klæðum
sniglast í kringum herstöðina
vopnað rifflum af gerðinni AK-47.
Umrætt fólk mun nefnilega vera
þátttakendur í æfingum á vegum
bandaríska herliðsins. Í tölvupósti,
sem hermönnunum var sendur, er
þeim þökkuð árveknin, en vinsam-
legast beðnir um að láta símann
samt eiga sig. - gb
Bandarískir hermenn:
Hafa hringt of
oft í lögregluna
EFNAHAGSMÁL Skilanefnd Lands-
bankans telur nú að um 93 prósent
fáist upp í kröfur í þrotabú Land-
bankans vegna Icesave. Verði það
niðurstaðan munu um 92 millj-
arðar króna falla á íslenska ríkið
vegna Icesave.
Samkvæmt tilkynningu frá
bankanum hefur verulegur
árangur náðst í endurheimtum
á eignasafni hins fallna banka á
þriðja ársfjórðungi. Raunverð-
mæti eignasafns bankans hefur
hækkað um tæplega 130 millj-
arða króna í erlendum gjaldmiðl-
um frá 30. apríl 2009 til 30. sept-
ember 2010.
Heildareignir bankans voru
metnar á 1.138 milljarða króna
í lok september. Forgangskröfur
í þrotabúið eru 1.319 milljarðar
króna. Mestur hluti þeirra krafna
er vegna Icesave-reikninga bank-
ans í Bretlandi og Hollandi. Út af
standa 180 milljarðar króna.
Sé miðað við eignir í erlend-
um gjaldmiðlum og að 93 prósent
endurheimtist af forgangskröfum
standa um 92 milljarðar út af.
Samkvæmt heimildum frétta-
stofu Stöðvar 2 og Vísis er í athug-
un að gera kröfur í þrotabúið upp
í erlendum gjaldmiðlum. - ghh
Skilanefnd Landsbankans telur að um 93 prósent fáist upp í Icesave-kröfurnar:
Um 92 milljarðar falla á ríkið
MENNTUN Sameiningarviðræðum
Háskólans í Reykjavík (HR) og
Bifrastar hefur verið hætt í bili.
Í viðtali við RÚV segir rektor
HR, Ari Kristinn Jónsson, að
þessum óformlegu viðræðum sé
lokið, meðal annars vegna harðra
viðbragða Magnúsar Árna Magn-
ússonar, rektors á Bifröst, í síð-
ustu viku.
Eins og fram hefur komið að
undanförnu var Magnús Árni ekki
reiðubúinn til að samþykkja sam-
einingu sem fæli í sér að allt stað-
nám að Bifröst yrði lagt niður og
flutt til HR. Yfirlýsing hans kom
þá flatt upp á stjórn Bifrastar. - þj
Sameining í uppnámi:
Slitu viðræðum
HR og Bifrastar
ATKVÆÐI Gengið var til þjóðaratkvæðagreiðslu um Icesave-samningana í mars síð-
astliðnum. Þar höfnuðu 93,2 prósent frumvarpi stjórnarinnar um Icesave.
FR
ÉT
TA
B
LA
Ð
IÐ
/P
JE
TU
R
HEILBRIGÐISMÁL Settar verða regl-
ur sem takmarka magn trans-
fitusýra í matvælum hér á landi
að danskri fyrirmynd, að því er
fram kemur í
tilkynningu frá
sjávarútvegs-
og landbúnað-
arráðuneytinu.
Bjarni Harð-
arson, upplýs-
ingafulltrúi
ráðuneytisins,
segir að það
sé mat þeirra
sem ráðuneyt-
ið hafi rætt við
um þessi mál að reglurnar rúmist
innan þeirrar lagaheimildar sem
nú þegar er til staðar.
Hann telur að breytingarn-
ar innan íslensks matvælaiðnað-
ar verði óverulegar. Bjarni segir
að neytendur muni ekki verða
varir við verulegar breytingar og
telur ólíklegt að þær muni hafa
þær afleiðingar að verð á vörum
hækki. - sv
Takmarkar transfitu í mat:
Hefur óveruleg
áhrif á neyslu
BJARNI
HARÐARSON
HÁSKÓLINN Á BIFRÖST Sameiningarvið-
ræðum við HR hefur verið slegið á frest.
FRÉTTABLAÐIÐ/VILHELM
SPURNING DAGSINS
SVAR VIÐ BRÉFI HELGU EFTIR BERGSVEIN BIRGISSON
★★★★★
Jón Yngvi, Fréttablaðið
★★★★
Einar Falur, Morgunblaðið
„dásamlega fallega
skrifuð ...fyndin
og sorgleg.“
Þórdís Gísladóttir,
Druslubækur og doðrantar
TILNEFNDURTIL ÍSLENSKU BÓKMENNTA- VERÐLAUNANNA 2003
DÓMSMÁL Réttarhöldum í
máli slitastjórnar Glitn-
is gegn svokallaðri klíku
Jóns Ásgeirs Jóhannesson-
ar var frestað í gær. Til stóð
að tekist yrði á um frávís-
unarkröfu sjömenninganna
fyrir dómi í New York, en
dómari veitti þeim frest til
að skila inn frekari athuga-
semdum vegna nýrra gagna
sem slitastjórnin hefur lagt
fyrir dóminn.
Steinunn Guðbjartsdóttir, formað-
ur slitastjórnarinnar, frétti af frest-
uninni með eins dags fyrirvara. Ný
dagsetning hefur ekki verið ákveð-
in. „Við erum að vona að þetta verði
ekki mjög langur frestur,“ segir
hún.
Þá hafa stefndu í mál-
inu ákveðið að draga til
baka lögfræðiálit Brynj-
ars Níelssonar þess efnis
að íslenskir dómstólar séu
í stakk búnir til að takast
á við svo stórt mál. Deilt
hefur verið um álitið vegna
þess að Brynjar hafði, sem
fyrrverandi ráðgjafi slita-
stjórnarinnar, aðgang að
trúnaðargögnum hennar.
Þeir hyggjast leggja fram nýja
yfirlýsingu frá íslenskum sér-
fræðingi og verður nafn hans
kynnt síðar. - sh
Réttarhöldum í máli Glitnis gegn sjömenningaklíku Jóns Ásgeirs frestað:
Brynjari Níelssyni skipt út
JÓN ÁSGEIR
JÓHANNESSON
STEINUNN
GUÐBJARTSDÓTTIR
BRYNJAR NÍELSSON
DÝRAHALD „Í fyrra var þetta orðin
alger plága svo við fengum mein-
dýraeyði og hann tók tólf stykki.
Þetta voru allt saman kolvitlausir
villikettir,“ segir Björgvin Þórðar-
son, húsvörður hjá Hrafnistu í Hafn-
arfirði, um kattaplágu í hrauninu við
hjúkrunarheimilið.
Hrafnista er á bæjarmörkum
Garðabæjar og Hafnarfjarðar.
Björgvin segist hafa óskað eftir því
við bæði sveitarfélögin að þau leystu
málið en hvorugt vilji sinna því.
„Bæjarfélögin segja að þetta séu
ekki meindýr. Það yrði talsverður
kostnaður fyrir stofnunina að fara
að uppræta þessa villiketti sem í
rauninni koma okkur ekki við,“ segir
Björgvin.
Meðlimir í Kattavinafélagi Íslands
blanda sér í málið. „Sum þessi dýr
eru slösuð, einnig eru þarna ung
dýr sem lifa ekki veturinn af þarna.
Vistmenn á Hrafnistu hafa hingað til
laumað til þeirra mat en nú er búið
að banna þeim það,“ skrifar Ragn-
heiður Gunnarsdóttir til Hafnar-
fjarðarbæjar og bætir við að koma
þurfi köttunum undir læknishendur
og inn á ný heimili ef mögulegt sé.
Eygló Guðjónsdóttir, sem situr í
stjórn Kattavinafélagsins, segir hins
vegar í sínu bréfi til bæjaryfirvalda
að í þessu tilfelli geti það varla flokk-
ast undir annað en líknandi aðgerð
að aflífa dýrin. „Vandamálið á ekk-
ert eftir að gera nema stækka, kett-
irnir fjölga sér og að lokum verður
ástandið óviðráðanlegt með öllu,“
varar Eygló við.
Að sögn Björgvins henta aðstæð-
ur í hrauninu við Hrafnistu villikött-
unum. Í augnablikinu sé ein læða
með kettlinga undir sólpalli við eitt
húsið.
„Svo var eitthvað um það að gamla
fólkið var að gefa þeim,“ segir Björg-
vin, sem staðfestir að slíkt hafi nú
verið bannað á Hrafnistu. „Það var
náttúrulega orðið ófært þegar það
voru tíu til fimmtán kettir gónandi
inn um glugga hjá fólki að biðja um
mat. Villikettir eru náttúrulega ekki
geltir svo þetta eru breimandi kvik-
indi sem fjölga sér eins og kanínur,“
segir húsvörðurinn á Hrafnistu.
„Um tíma var kattaumferðin hér svo
mikil að það voru komnir troðningar
eins og kindastígar umhverfis aðra
blokkina.“
Þrátt fyrir að vistmönnum á
Hrafnistu hafi nú verið bannað að
fóðra kettina eru þeir ekki alveg
vinalausir. „Síðan við heyrðum þetta
förum við nokkrar konur af og til og
leggjum út mat handa þeim,“ segir
Eygló Guðjónsdóttir.
gar@frettabladid.is
Banna gamla fólkinu
að fóðra villikattaher
Urmull af villiköttum er í hrauninu við Hrafnistu í Hafnarfirði. Gamla fólk-
ið laumaði til þeirra mat en það hefur nú verið harðbannað. Opinberir aðilar
neita að eyða köttunum. Elliheimilið situr uppi með vandann og kostnaðinn.
UNGIR VILLKETTIR VIÐ HRAFNISTU Elliheimilið vill losna við villiketti í nágrenninu og
bannaði vistmönnum að fóðra dýrin, sem þó eiga aðra vini sem færa þeim mat.
FRÉTTABLAÐIÐ/STEFÁN
KATTASTÍGUR Fjöldi kattanna er svo
mikill að þeir hafa myndað stígakerfi.
STJÓRNLAGAÞING Utankjörfundar-
kosning til stjórnlagaþings hefst
í dag hjá sýslumönnum landsins
og ræðismönnum og sendiráðum
erlendis.
Hægt er að kynna sér fram-
bjóðendurna 523 á sérstökum vef
dómsmálaráðuneytisins, kosning.
is. Þar er enn fremur hægt, með
einföldum hætti, að raða fram-
bjóðendum á hjálparkjörseðil,
sem síðan er hægt að prenta út og
taka með sér í kjörklefann.
Kjördagur er 27. nóvember og
hafa sumir lýst áhyggjum af því
að þá gæti orðið örtröð á kjör-
stöðum, enda taki lengri tíma að
skrifa 25 númer á blað en að setja
kross við eitt framboð. - sh
Kosið til stjórnlagaþings:
Byrjað að kjósa
utan kjörfundar
DANMÖRK Einn af valdamestu
mönnum hryðjuverkanetsins al
Kaída, Ilyas Kashmiri, er tal-
inn hafa lagt á ráðin um árásir í
Kaupmannahöfn.
Danmörk hefur lengi verið
talin eitt af helstu skotmörkum
hryðjuverkamanna, en meðal
þeirra staða sem átti að ráðast á
voru aðalbrautastöðin, Ráðhús-
torgið og Rósenborgarkastali.
Þetta kemur fram í frétt Jót-
landspóstsins og er vitnað í yfir-
heyrslur yfir David Headley,
sem er pakistansk-bandarískur
hryðjuverkamaður og hefur verið
í haldi lögreglu frá því á síðasta
ári. - þj
Hryðjuverkamaður játar:
Áætluðu
hryðjuverk í
Danmörku