Fréttablaðið - 10.11.2010, Blaðsíða 18
„Ég hef gert svona köku árlega,
allt frá því ég flutti hingað til
Íslands árið 1983,“ segir Paul New-
ton, eigandi verslunarinnar Pipar
og salt á Klapparstíg 44, sem gefur
uppskrift að klassískri enskri jóla-
köku.
„Ég hef notað sömu uppskriftina
öll árin en þó þróað hana eitthvað,“
segir Paul en margir viðskipta-
vina hans hafa fengið uppskrift-
ina og fylgst með kökugerðinni
hjá honum í gegnum tíðina. Paul
byrjaði á kökunni 23. október og
þarf síðan að vökva hana reglulega
fram að jólum. „Þá sný ég henni
á hvolf, sting með prjónum í botn-
inn og helli nokkrum matskeið-
um af koníaki yfir,“ segir Paul en
kakan er skreytt skömmu fyrir jól
og síðan smakkað á henni á annan
í jólum. „Svo endist hún oft út jan-
úar enda mjög saðsöm,“ segir hann
glaðlega.
Jólakaka sem
endist út janúar
Paul Newton gerir árlega enska jólaköku. Hann byrjar á henni í lok
október og vökvar hana með koníaki öðru hverju fram að jólum.
Paul skreytir kökuna með marsipani og flórsykursbráð rétt fyrir jól. FRÉTTABLAÐIÐ/STEFÁN
350 g ósaltað smjör
350 g púðursykur
450 g hveiti
6 egg
salt á hnífsoddi
½ tsk. kanill
½ tsk. múskat
½ tsk. negull
300 g sykraðir blandaðir ávextir
450 g ljósar rúsínur
450 g kúrenur
125 g rúsínur
125 g möndluflögur
30 ml síróp
1 bolli koníak
1 krukka hreint apríkósumauk
450 g möndlumarsípan
Paul segir undirbúning skipta miklu
máli. Þannig sé gott að láta rúsínur
og kúrenur liggja yfir nótt í koníaki.
Takið springform, annaðhvort eitt 23
cm í þvermál, eða tvö 18 cm. Setjið
þrjú lög af smjörpappír á botninn
og smyrjið með smjöri. Þetta er gert
svo kakan brenni ekki. Setjið einnig
þrjú lög af pappír í hliðar formsins.
Brúnum maskínupappír er vafið utan
um formið og bundið með bómullar-
garni. Á bökunarplötuna eru sett tvö
lög af brúnum maskínupappír.
Deig: Blandið saman í skál kúrenum,
rúsínum, ávöxtum, möndluflögum og
kryddi. Þeytið í annarri skál smjör og
púðursykur uns létt og ljóst og bætið
svo einu og einu eggi í. Sigtið hveitið
og blandið í eggjahræruna. Blandið
henni svo saman við ávextina. Að
lokum er afgangi af koníaki bætt
saman við og sírópinu. Deigið er
tilbúið ef það dettur af sleif.
Deigið er sett í form. Sumir geyma
kökuna í ísskáp fram á næsta dag en
einnig má baka hana strax. Úðið yfir
kökuna með vatni og hyljið svo með
tveimur lögum af smjörpappír sem
hefur verið smurður með smjöri og
klippið á loftgat.
Kakan er bökuð við 140 gráðu hita
í 6 klukkustundir (en 3 klukkutíma
ef formin eru tvö). Þegar kakan er
bökuð þarf að pakka henni í tvöfalt
lag af smjörpappír og pappírinn er
festur vel með gúmmíteygjum. Svo
er álpappír pakkað utan um hana og
hún sett í loftþétt kökubox. Þar fær
kakan að standa óhreyfð í nokkra
daga. Vikulega er kakan tekin fram,
gerðar litlar holur í botn og topp með
grillprjóni og tveimur, þremur mat-
skeiðum af koníaki hellt yfir.
Hálfum mánuði fyrir jól er kakan
pensluð með hreinu apríkósumarmel-
aði sem er hitað fyrst. Það er gert svo
marsípanið festist betur við kökuna.
Marsípanið má kaupa tilbúið í stór-
mörkuðum eða hjá bakara. Það er
rúllað út og lagt yfir kökuna.
Viku fyrir jól er kakan skreytt með
flórsykursbráð. Sumir lita aðeins
marsípanið hvítt því bráðina getur
verið vandasamt að gera.
Flórsykursbráð
675 g flórsykur
4 eggjahvítur
1 msk. sítrónusafi
2 tsk. glýserín
Flórsykurinn sigtaður, eggjarauður
þeyttar vel. Bætið við einni msk. af
flórsykri í einu ofurhægt og þeytið vel
á milli. Sítrónusafa og glýseríni bætt
út í og þeytt uns blandan er orðin
eins og marengs.
Skálin er hulin með rökum klút og
geymd í einn til tvo tíma. Bráðina má
lita með matarlit.
Flórsykursbráðin er borin á marsípan-
húð kökunnar. Fyrst er borið á topp
kökunnar, þegar það hefur þornað er
bráðin sett á hliðar hennar. Kökuna
má síðan skreyta með marsípan-
skrauti.
ENSK JÓLAKAKA
Sem best er að gera mörgum vikum fyrir jól
Vetrarhátíð verður haldin í Landnámssetrinu í Borgarnesi
annað kvöld klukkan 20. Þar gefst fólki kostur á að kynna
sér það fjölbreytta úrval vöru og þjónustu sem hentar til
jólagjafa og er að finna í heimabyggð. Aðgangur ókeypis.
Kaldir réttir
Úrval af síld, reyktur og grafinn lax, gæsa carpaccio, hreindýra- og
sjávarrétta paté, birkireykt hangikjöt og léttsöltuð drottningarskinka.
Heitir réttir
Villigæsa- eða humarsúpa, villikryddað lambalæri, ofnbakaður
saltfiskur, hunangsristaður kalkúnn, gufusoðinn silungur og fyllt
purusteik.
Borðapantanir í símum: 511 1690 og 865 3886
4.990.-Verð kr.
P&P við Skólabrú Pósthússtræti 17 - 101 Reykjavík skolabru@potturinn.is www.potturinn.is
Meðlæti
Gljáðar kartöflur, bakaðar kartöflur, gufusoðið grænmeti, rauðrófur,
rauðkál, ristað grænmeti, rauðvínssósa, kryddjurtasósa, citrus sósa,
sveppasósa, osta sósa, waldorf salat, ferskt salat, kartöflusalat,
rúgbrauð og laufabrauð. Sítrónu-, hvítlauks-, og piparrótar dressing,
hunangs-sinnep sósa.
Eftirréttir
Súkkulaðikaka, skyrkaka, ris a la mande, hvít súkkulaði mús, ferskir
ávextir og súkkulaði gosbrunnur.
Jólahlaðborð
Skólabrú
Potturinn og pannan
við
sk
ap
al
on
.is