Fréttablaðið - 17.11.2010, Blaðsíða 2

2 17. nóvember 2010 MIÐVIKUDAGUR
LÖGREGLUMÁL Nítján ára piltur er
grunaður um að hafa framið að
minnsta kosti á sjöunda tug inn-
brota í sumarhús auk annarra
brota á þessu ári.
Pilturinn var síðast handtek-
inn, ásamt öðrum pilti af erlendum
uppruna, af lögreglunni í Borgar-
firði og Dölum fyrr í þessum mán-
uði eftir að brotist hafði verið inn
í átta sumarbústaði í Skorradal.
Lögreglan á höfuðborgarsvæðinu
þurfti þá einnig að ná tali af honum
vegna brota í sínu umdæmi. Lög-
reglan í Borgarnesi ók því báðum
piltunum á móti lögreglumönnum
á höfuðborgarsvæðinu sem tóku
við þeim og fluttu til Reykjavík-
ur, þar sem íslenski pilturinn var
yfirheyrður.
Þá rannsakar lögreglan á
höfuðborgarsvæðinu fjársvikamál,
þar sem greiðslukortanúmer fólks
hafa verið notuð til að svíkja út fé.
Yfir þúsund greiðslukortanúmer,
bæði íslensk og erlend, fundust í
tölvu piltsins, sem er grunaður um
svikin.
Mikil innbrotahrina gekk yfir
sumarbústaðabyggðir á Suður-
og Vesturlandi fyrr á árinu, eins
og komið hefur fram. Mál sem
risið hafa vegna hennar eru nú
tekin að streyma til ákæruvalds-
ins. Umræddur piltur er talinn
eiga hlut að stórum hluta innbrot-
anna, yfirleitt í félagi við sér yngri
pilta.
Friðrik Smári Björgvinsson,
yfirlögregluþjónn á höfuðborgar-
svæðinu, vill ekki tjá sig efnislega
um málið, en staðfestir að mál á
hendur einum einstaklingi, sem
lögreglan á höfuðborgarsvæðinu
hefur kallað eftir frá Selfossi og
Borgarnesi til ákærumeðferðar,
slagi hátt í sjötíu, ásamt þeim sem
eru til meðferðar á höfuðborgar-
svæðinu.
Theodór Þórðarson, yfirlög-
regluþjónn í Borgarnesi, segir
sumarbústaðaeigendur í Borgar-
firði hafa átt fundi og ráðfært sig
við lögreglu um hvernig best megi
vernda sumarhúsin gegn innbrots-
þjófum. Tæknin sé nú orðin með
þeim hætti að auðvelt sé að koma
upp ýmiss konar búnaði sem gerir
eigendum kleift að fylgjast með
bústöðum sínum og fæli þjófa frá.
Þá sé nágrannavarslan afar mikil-
væg verði fólk vart við grunsam-
legar mannaferðir. Það geti skrifað
hjá sér bílnúmer og haft samband
við lögreglu.
„Hins vegar er ekki ráðlegt að
fólk hætti sér í námunda við hina
grunsamlegu,“ útskýrir Theó-
dór. „Þeir geta verið illa áttaðir
af neyslu og oft í slíkum látum að
alveg óvíst er hvernig þeir bregð-
ast við.“ jss@frettabladid.is
LÖGREGLAN Í BORGARNESI Lögreglan í Borgarnesi handtók piltinn fyrr í þessum
mánuði eftir innbrotahrinu í sumarbústaði í Skorradal. Hann var talinn eiga hlut að
máli þar, ásamt öðrum yngri. FRÉTTABLAÐIÐ/ANTON
Nítján ára grunaður
um nærri 70 innbrot
Ungur maður er grunaður um þátttöku í á sjöunda tug innbrota í sumarhús á
þessu ári. Síðast var hann á ferð í þeim tilgangi í Skorradal fyrr í mánuðinum. Þá
er hann grunaður um að hafa svikið út fé með stolnum greiðslukortanúmerum.
SAMFÉLAGSMÁL Jón Gnarr, borgar-
stjóri Reykjavíkur, og aðrir í
borgarstjórn keyptu í gær fyrstu
rauðu nefin sem Barnahjálp Sam-
einuðu þjóðanna selur til styrktar
bágstöddum börnum um allan
heim.
Það var borgarstjórn Reykja-
víkur sem ýtti sölu nefjanna úr
vör þegar Dagur rauða nefsins
var haldinn í fyrsta skipti hér á
landi árið 2006. Jón Gnarr lagði
átakinu lið strax þá, þegar hann
var skemmtikraftur.
Dagur rauða nefsins var hald-
inn aftur árið 2009 og verður
haldinn í þriðja sinn hinn 3.
desember næstkomandi á vegum
UNICEF á Íslandi. Söfnunin nær
hámarki þegar landslið leikara og
skemmtikrafta kemur saman þá
um kvöldið í sjónvarpsútsendingu
söfnunarátaksins á Stöð 2.
- gb
Degi rauða nefsins hrint af stað til styrktar Barnahjálp Sameinuðu þjóðanna:
Borgarstjórnin öll rauðnefjuð
BORGARSTJÓRINN Í FARARBRODDI Jón Gnarr hefur frá upphafi stutt Dag rauða nef-
sins. Óttarr Proppé og Dagur B. Eggertsson láta ekki sitt eftir liggja. FRÉTTABLAÐIÐ/VILHELM
Kristín, kippir brotthvarf Öss-
urar fótunum undan Kaup-
höllinni?
„Nei, það stoðar lítið að hugsa
þannig.“
Kristín Jóhannsdóttir er markaðs- og
kynningarstjóri Kauphallar Íslands.
Stoðtækja- og gervilimaframleiðandinn
Össur vill afskráningu úr Kauphöllinni.
Markaðsvirði Össurar er 37 prósent af
virði allra hlutabréfa í Kauphöllinni.
UMHVERFISMÁL Bera á eld að göml-
um skíðaskála KR í Skálafelli.
Ætlunin er að nota tækifærið til
æfinga fyrir Slökkvilið höfuð-
borgarsvæðisins. Byggingarfull-
trúi frestaði afgreiðslu málsins í
gær þar sem ekki lá fyrir umsögn
Minjasafns Reykjavíkur.
Skálinn var byggður af sjálf-
boðaliðum og vígður árið 1959.
Hann tók þá við af skála sem reist-
ur var 1938 en brann 1955 í elds-
voða. Var það skíðamönnum mikið
áfall. Reykjavíkurborg tók yfir
skíðasvæðin í Skálafelli árið 1990.
„Þá tók borgin líka yfir lyftuna
við skálann og rekstrargrundvöll-
ur hans hvarf þá fljótlega, sérstak-
lega þegar ekkert er búið að hugsa
um Skálafell í öll þess ár,“ segir
Anna Laufey Sigurðardóttir, for-
maður Skíðadeildar KR. Langt sé
síðan skálinn hafi orðið utanveltu
og hann sé nú algerlega ónýtur.
„Þetta er voðalega sorglegt
því þetta er afar fallegur skáli
en grunnurinn er ónýtur og skál-
inn er bara slysagildra í dag,“
segir Anna, sem kveður slökkvi-
liðsmenn hafa verið lagða af stað
upp í Skálafell í lok október til að
kveikja í skálanum en á síðustu
stundu hafi komið í ljós að tilskil-
in leyfi skorti. - gar
Hálfrar aldar kafla í sögu skíðaiðkunar í Skálafelli mun ljúka með slökkviliðsæfingu:
Ætla að brenna skíðaskála KR
SKÍÐASKÁLI KR Formaður stjórnar skíða-
deildar segir sorglegt að gamli skálinn
þurfi að hverfa en hann sé nú orðinn
slysagildra. MYND/ÁRNI RUDOLF RUDOLFSSON
BELGÍA, AP Herman Van Rompuy,
forseti leiðtogaráðs Evrópusam-
bandsins, var
ómyrkur í
máli við upp-
haf fundar
evru ríkjanna í
Brussel í gær,
þar sem fjár-
hagsvandi
Írlands var til
umræðu.
„Við verðum
öll að vinna
saman til að lifa af með evru-
svæðið,“ sagði Van Rompuy, „því
ef við lifum ekki með evru svæðið
lifum við ekki með Evrópusam-
bandið.“
Írar standa fast við það að
þiggja ekki aðstoð, þótt ESB hafi
á fundinum lagt hart að þeim að
tryggja að írskir bankar fari ekki
á hausinn, sem gæti haft afdrifa-
ríkar afleiðingar fyrir evruna. - gb
Írar vilja ekki aðstoð:
Líf evrusvæðis-
ins sagt í húfi
MENNING Hátt í eitt hundrað
grunnskólanemar í Reykjavík
fengu í gær afhent íslenskuverð-
laun menntaráðs borgarinnar við
hátíðlega athöfn í Ráðhúsinu.
Verðlaunahafarnir hafa skarað
fram úr á ýmsa vegu í lestrar-
færni, sagnasmíð, ljóðaskrifum
og framsögn. Nokkrir þeirra eiga
annað móðurmál en íslensku,
en hafa sýnt miklar framfarir í
íslenskunámi og tjáningu.
Verndari verðlaunanna er Vig-
dís Finnbogadóttir, fyrrverandi
forseti. Markmið þeirra er að
hvetja nemendur til framfara í
íslenskunámi. - gb
Verðlaun afhent í Ráðhúsi:
Lestrarhestar fá
viðurkenningu
STOLTIR VERÐLAUNAHAFAR Með verð-
launagripinn „Þröstinn góða“ í höndun-
um. MYND/REYKJAVÍKURBORG
LÖGREGLUMÁL Ólafur Þórðarson
tónlistarmaður liggur enn alvar-
lega slasaður
á sjúkrahúsi
eftir að sonur
hans veitti
honum alvar-
lega áverka á
sunnudag. Að
sögn læknis á
Landspítalan-
um í gærkvöldi
er líðan Ólafs
óbreytt frá því
á sunnudag. Honum er enn haldið
sofandi í öndunarvél.
Sonur Ólafs hefur sem kunn-
ugt er játað árásina á sig og situr
nú í tveggja vikna gæsluvarð-
haldi sem hann var á mánudag
úrskurðaður til að sæta. - gar
Líkamsárásin í Þingholtunum:
Ólafur sofandi í
öndunarvél
ÓLAFUR
ÞÓRÐARSON
HERMAN VAN
ROMPUY
ALÞINGI Tvær lögmannsstofur sem
starfa fyrir Lánasjóð íslenskra
námsmanna (LÍN) hafa frá því í
október 2008 látið gera 160 fjár-
nám vegna vangoldinna lána.
Þetta kom fram í svari mennta-
málaráðherra við fyrirspurn Mar-
grétar Tryggvadóttur þingmanns.
Lánþegar LÍN eru 29.595 og að
á fyrstu átta mánuðum ársins
hafi 97 prósent greitt afborgan-
ir áður en kom til milliinnheimtu.
„Aðeins 1,5 prósent af kröf-
um LÍN fara að áfram í löginn-
heimtu,“ segir í svari ráðherra.- gar
Innheimta námslána hjá LÍN:
Fjárnám vegna
160 námslána
SORPMÁL Fulltrúar meirihluta
umhverfis- og samgönguráðs
Reykjavíkur leggja til að frá og
með áramótum verði sorp sótt
á tíu daga fresti í stað þess að
vera sótt á sjö daga fresti. Það
sé í samræmi við sorphirðu hjá
öðrum sveitarfélögum á höfuð-
borgarsvæðinu.
Einnig er lagt til að sorpílát
verði að hámarki sótt fimmtán
metra inn á lóð en að fólk geti
keypt viðbótarþjónustu þar sem
ílát séu sótt lengra. Þá verði sorpi
skipt í tvo flokka við öll heimili á
næsta ári. Árið 2013 verði síðan
hafin söfnun og vinnsla á lífræn-
um eldhúsúrgangi. - gar
Vilja draga úr sorphirðu:
Tíu dagar milli
tunnutæminga
SPURNING DAGSINS
SÝRÓPSMÁNINN EFTIR EIRÍK GUÐMUNDSSON
★★★★
„Textinn er eins og
hunang ... fullur af
ógleymanlegum
myndum, óvæntum
vísunum og glænýrri
sýn á raunveruleikann.“
– Friðrika Benónýsdóttir, Fréttablaðið
Morgunblaðið og Fréttablaðið
„Fallegt,
hugmyndaríkt, ljóðrænt ...“
Páll Baldvin, Kiljunni