Fréttablaðið - 17.11.2010, Blaðsíða 10

10 17. nóvember 2010 MIÐVIKUDAGUR
FERÐAST Á ÚLFALDA Þessir tveir
indversku landamæraverðir tóku
þátt í nokkurra daga úlfaldareisu um
Rajastan-hérað ásamt tuttugu félögum
sínum. NORDICPHOTOS/AFP
Hollráð gegn innbrotum
oryggi.is
Hringdu í 570 2400 og fáðu ókeypis öryggisráðgjöf heim!
Læsingar og krækjur
Mikilvægt er að krækjur á gluggum séu traustar
og læsingar sterkar.
Fleiri hollráð gegn innbrotum er að finna á oryggi.is
PA
R\
PI
PA
R
W
A

W
A
BW
A
TB
W
•
SÍ
A

A
••
91
34
0
9
13
4
9191
SAMFÉLAGSMÁL Nær öruggt er talið
að mun fleiri muni leita á náðir
hjálparstofnana og félagasam-
taka fyrir þessi jól en þau síðustu.
Þetta kom fram á fundi sem hald-
inn var í gær til kynningar á átak-
inu Jólaaðstoð 2010.
Þar var opinberað formlegt
samstarf Hjálparstarfs kirkjunn-
ar, Mæðrastyrksnefndar Reykja-
víkur, Rauða krossins í Reykjavík
og Hjálpræðishersins, en vonast er
til þess að með sameiginlegu átaki
sé hægt að auka þjónustu við þá
sem þurfa á hjálp að halda.
Þess ber að geta að Fjölskyldu-
hjálp Íslands stendur fyrir utan
þetta samstarf, en stendur fyrir
úthlutunum á mat og nauðsynjum
hvern miðvikudag.
Á fundinum kom fram að um
fjögur þúsund fjölskyldur af land-
inu öllu hefðu leitað aðstoðar fyrir
síðustu jól, og er fastlega búist
við því að fjöldinn í ár verði ekki
undir 4.500. Er það ráðið af því
hve mikið aðsókn í matar aðstoð
hefur aukist í haust.
Elín Hirst, talsmaður hópsins
um Jólaaðstoð, segir að þeim sem
þurfi á hjálp að halda hafi fjölg-
að verulega í haust og að um hol-
skeflu sé að ræða.
„ Ástæður þess að fólk
leitar aðstoðar fyrir jólin eru
margþættar, en við vitum það að
útgjöld aukast verulega hjá fólki
vegna jólanna. Þeir sem hafa lág
laun eða njóta lágra bóta lenda nú
sem aldrei fyrr í erfiðleikum með
að ná endum saman.“
Elín bætir því við að auðvitað sé
erfitt að leita sér svona aðstoðar.
„Við vitum að þetta eru þung
skref sem enginn tekur nema
nauðbeygður.“
Eitt lykilatriðið að baki þessu
starfi er að fá sjálfboðaliða til
starfs, en um það bil 400 slíka
vantar. Þeir sem hafa áhuga á að
leggja sitt af mörkum geta snúið
sér til Rauða krossins, sem hefur
umsjón með þeim þætti starfs-
ins.
Þeir sem þurfa á Jólaaðstoð
að halda þurfa fyrst að sækja
um aðstoð hjá Hjálparstofnun
kirkjunnar, Mæðrastyrksnefnd,
Öryrkjabandalaginu eða hjá
Hjálpræðishernum, dagana 1. til
10. desember. Stefnt er að því að
reyna að ná til allra landsmanna
sem þurfa á hjálp að halda og
verður því afgreiðsla á Akureyri,
Grindavík og Keflavík auk þess
sem allir geta snúið sér til presta
eða félagsþjónustu í sinni heima-
byggð.
Jólaaðstoð hefur fengið aðstöðu,
sér að kostnaðarlausu, í vöruhúsi
við Skútuvog 3, sem er í eigu
feðganna Karls Steingrímssonar
og Arons Karlssonar.
Talsmenn átaksins sögðust von-
góðir um hlýjar viðtökur, enda
væri samtakamáttur Íslendinga
ávallt mikill þegar reyndi á.
thorgils@frettabladid.is
Hjálparþurfi
fólki fjölgar
Félagasamtök hafa sameinast um Jólaaðstoð 2010.
Talið er að 4.500 fjölskyldur muni sækja aðstoð fyrir
jólin. Við vitum að þetta eru þung skref fyrir marga,
segir Elín Hirst, talsmaður Jólaaðstoðarinnar.
SVARAR SÁRRI NAUÐ Hópurinn um Jólaaðstoð 2010 mun deila út vörum til þeirra
sem þurfa í þessu vöruhúsi við Skútuvog. Söfnunarátakið er nýhafið og er vonast til
að fylla sem flestar hillur með mat og öðrum nauðsynjum fyrir jólin. FRÉTTABLAÐIÐ/GVA
Úthlutun verður með þeim hætti
að við skráningu fær viðkomandi
upplýsingar um hvenær hægt er
að koma til að sækja vörurnar að
Skútuvogi 3, dagana 20. til 22.
desember.
Með því er leitast við að gera
ferlið þægilegra og koma í veg fyrir
að biðraðir myndist.
Fyrirtæki, félagasamtök og ein-
staklingar hafa lagt Jólaaðstoð lið
og er vonast til þess að viðtökurn-
ar verði ekki síðri þessa jólatíð.
Jólaaðstoð 2010
BANDARÍKIN Nick Ginetta, bílasali
í Flórída, býður viðskiptavinum
sínum ókeypis riffil af gerðinni
AK-47 ef þeir kaupa vörubif-
reið.
Það er bandaríska sjónvarps-
stöðin Fox sem skýrir frá þess-
ari nýstárlegu söluaðferð.
Riffillinn fylgir að vísu ekki
í bílnum, heldur fá kaupendur
miða sem þeir geta framvísað
í vopnabúð og fengið riffilinn
afhentan, en þó því aðeins að
þeir hafi útvegað sér öll tilskilin
leyfi til byssueignar. - gb
Ný aðferð við bílasölu:
Riffill fylgir í
kaupbæti
SAMFÉLAGSMÁL „Ég er mjög bjartsýnn á að
fundin verði lausn og fullviss um að Sunda-
búð verði ekki lokað.“
Þetta segir Ólafur Ármannsson frá
Vopnafirði, sem ásamt Unu B. Jónsdóttur
afhenti í gær heilbrigðisráðherra og þing-
mönnum Norðausturkjördæmis mótmæli
400 Vopnfirðinga vegna boðaðrar lokunar
legudeildar innar Sundabúðar. Þar búa ell-
efu eldri borgarar sem flytja átti til Egils-
staða eða Seyðisfjarðar.
Ólafur segir stjórnmálamennina hafa
gefið til kynna að góð lausn fyndist. Þeir
sæju að sökum aðstæðna, ekki síst land-
fræðilegra, gengju þessi áform ekki upp.
- bþs
Vopnfirðingar héldu ánægðir heim af fundi með ráðherra og þingmönnum:
Gamla fólkið verði ekki sent í burtu
KYNNTU MÁLSTAÐINN Þingmenn Norðausturkjördæmis og heilbrigðisráð-
herra tóku í gær við mótmælum 400 Vopnfirðinga. FRÉTTABLAÐIÐ/VALLI