Fréttablaðið - 17.11.2010, Blaðsíða 12

12 17. nóvember 2010 MIÐVIKUDAGUR
VERKFRÆÐI Verkfræðingafélag Íslands vinnur
að endurskoðun siðareglna sinna svo að þær
endurspegli betur kröfur breyttra tíma til
starfsins. „Eftir því sem verkefni verkfræð-
inga hafa orðið fjölbreyttari og þjóðfélagið
flóknara hefur þörfin aukist fyrir einfaldar,
almennar reglur sem gætu þjónað sem
almennur siðlegur hornsteinn fyrir öll störf
sem verkfræðingar takast á við í krafti
menntunar sinnar,“ segir Jóhanna Harpa
Árnadóttir, formaður Verkfræðingafélagsins.
„Það hefur mikið breyst í vinnuumhverfi
verkfræðinga, bæði með tölvuvæðingu og
rafrænni upplýsingamiðlun. Eins má nefna
uppgang og hrun bankakerfisins.“
„Verkfræðingar hafa gegnt veigamiklu
hlutverki í uppbyggingu landsins og sam-
félagsins og eru meðvitaðir um að stéttin
eigi líka að taka þátt í þeim breytingum sem
nú eiga sér stað,“ segir Jóhanna. Þannig taki
stéttin hlutverk sitt alvarlega og sýni að hún
ætli áfram að vera traustsins verð.
Gildandi siðareglur verkfræðinga eru að
stofni frá 1955 en voru endurskoðaðar 1993.
Sú endurskoðun, sem nú sér fyrir endann á
og verður rædd á ráðstefnu félagsins á mið-
vikudag, hófst vorið 2008. Síðastliðið vor var
slembiúrtak stéttarinnar kallað til fundar
með þjóðfundarfyrirkomulagi þar sem siða-
reglur voru til umræðu.
Jóhanna segir að niðurstaðan sé sú að
hverfa frá áherslu á ítarlegar reglur um sam-
band verkkaupa og verksala og leggja þess
í stað áherslu á fáar en gagnsæjar megin-
reglur þar sem fjallað er um virðingu og
jafnrétti, faglega ábyrgð og ráðvendni og
samfélagslega ábyrgð og sjálfbærni. „Verk-
fræðingar eru stétt sem hefur nógu mikið
faglegt og siðferðilegt sjálfstraust til að meta
hvað tókst vel og hvað tókst miður vel,“ segir
Jóhanna Harpa Árnadóttir.
peturg@frettabladid.is
Hafa sjálfstraust til að meta
hvað tókst vel og hvað miður
Verkfræðingafélag Íslands undirbýr endurskoðun siðareglna. Jóhanna Harpa Árnadóttir, formaður félagsins,
segir verkfræðinga meðvitaða um að stéttin eigi að taka þátt í þeim breytingum sem nú eiga sér stað.
FORMAÐUR VERKFRÆÐINGAFÉLAGSINS
Jóhanna Harpa Árnadóttir starfar sem verk-
fræðingur í kerskála álversins á Grundartanga.
FRÉTTABLAÐIÐ/GVA
Drög að nýjum siðareglum
Verkfræðingafélags Íslands
gera ráð fyrir þremur
meginreglum. Ein þeirra er
svohljóðandi og fjallar um
samfélagslega ábyrgð og
sjálfbærni:
„Meðlimir VFÍ eru með-
vitaðir um áhrif verka sinna
á samfélag, umhverfi og
náttúru“
Þetta felur í sér:
■ að hafa ávallt í huga
öryggi, heilsu og velferð
almennings
■ að stuðla að því að
tæknilegar lausnir séu
miðaðar við sjálfbærni
og ábyrga nýtingu
auðlinda
■ að vera heiðarlegur og
opinn um margþætt
áhrif tæknilegra lausna
og annarra verkefna,
og greina frá atriðum
sem gætu ógnað öryggi
almennings eða verið
skaðleg umhverfinu
■ að stuðla að upplýstri
samfélagslegri umræðu
með því að taka þátt
þegar hún beinist að
fagsviði verkfræðingsins.
Félagið heldur ráðstefnu
um siðareglurnar í Nor-
ræna húsinu á miðvikudag.
Samfélagsleg ábyrgð
DÓMSTÓLAR Karlmaður á sextugs-
aldri hefur verið dæmdur í átta
mánaða fangelsi fyrir að draga
sér rúmlega 17,6 milljónir úr
sölukössum fyrir lottó og íþrótta-
getraunir. Hann var jafnframt
dæmdur til að endurgreiða
Íslenskri getspá fjármunina.
Maðurinn dró sér féð á tæplega
tveggja mánaða tímabili árið
2008. Hann játaði brot sitt fyrir
dómi og hafði ekki gerst brot-
legur við lög fyrr.
Héraðsdómur Reykjavíkur leit
svo á að í ljósi fjárhæða í málinu
kæmi skilorðsbinding refsingar-
innar ekki til álita. - jss
Ákærður fyrir fjárdrátt:
Dró sér rúmar
17 milljónir af
getraunafé
MÆTTI STORKI Á FÖRNUM VEGI Þessi
kona gat ekki annað en kastað kveðju
á storkinn sem hún mætti á göngustíg
í almenningsgarðinum St. James Park í
London. NORDICPHOTO/AFP
SAMFÉLAGSMÁL Félag heyrnar-
lausra ætlar að kæra Trygginga-
stofnun ríkisins fyrir brot á rétt-
indum fatlaðra.
Heyrnarlausir sem leita eftir
þjónustu hjá stofnuninni þurfa
sjálfir að greiða fyrir táknmáls-
túlk. Stöð 2 sagði frá málinu í gær-
kvöld.
Heiðdís Dögg Eiríksdóttir, for-
maður Félags heyrnarlausra,
segir að með þessu sé stofnunin
að brjóta gegn réttindum heyrnar-
lausra.
Kæra Tryggingastofnun:
Heyrnarlausir
telja á sér brotið
TAÍLAND, AP Rússneskur vopna-
sali, Viktor Bout, var í gær fram-
seldur til Bandaríkjanna frá
Taílandi, þar sem hann var hand-
tekinn fyrir tveimur árum.
Bout er fyrrverandi hermaður
í sovéska flughernum. Hann er
sagður hafa stundað ólöglega
vopnasölu til landa í Suður-Amer-
íku, Afríku og Mið-Austurlönd-
um, meðal annars til Moammars
Gaddafí Líbíuleiðtoga og Charles
Taylor, harðstjóra í Líberíu.
Bandaríkjamenn hafa lengi
reynt að fá hann framseldan, en
Rússar hafa gert margvíslegar
athugasemdir við það. - gb
Vopnasalinn Viktor Bout:
Framseldur til
Bandaríkjanna
VIKTOR BOUT Fluttur í járnum út á flug-
völl í Bangkok. FRÉTTABLAÐIÐ/AP