Fréttablaðið - 17.11.2010, Blaðsíða 31

MIÐVIKUDAGUR 17. NÓVEMBER 2010
Frá Aristótelesi til Ásdísar
Ránar
Nýja tilvitnanabókin eftir Kolbrúnu
Bergþórsdóttur hefur að geyma á fimmta
þúsund tilvitnanir víða að úr heiminum og frá
umliðnum 3000 árum – frá Grikkjum fornaldar
til stjarnanna í dægurheimi samtímans.
Tilvitnanirnar eru af ýmsum toga – úr ræðum
og ritum, fagurbókmenntum og öðrum
bókmenntum, íslenskum og erlendum. Þeim
er raðað upp í aðgengilega efnisflokka sem
auðveldar lesandanum að finna tilvitnun
fyrir sérhvert tilefni.
Í snjallyrðunum er fólgin lífsspeki aldanna,
jafnt sem kaldhæðni nútímans; í stuttri
setningu er oft fólgin meiri viska, hvassari
ádeila eða dýpri mannúð en í langri ræðu.
Nýja tilvitnanabókin er handhægt
uppflettirit sem gott er að grípa til við öll
tækifæri.
Hvað merkja draumar þínir?
Veröld hefur gefið út Nýju draumaráðn-
ingabókina eftir Símon Jón Jóhannsson.
Í Nýju draumaráðningabókinni er að finna
greinargóðar skýringar á um tvö þúsund
draumtáknum sem raðað er upp í mismu-
nandi efnisflokka.
Fjallað er um draumtákn úr ýmsum áttum,
m.a. tengd húsum og híbýlum, líkamanum,
hlutum í daglegu lífi, mat og drykk, mannanöf-
num og kynlífi svo eitthvað sé nefnt. Þá er
gerð grein fyrir ýmsum nútíma draumtáknum,
meðal annars varðandi tölvur og tækni. Í
inngangi hvers kafla er að finna leiðbeiningar
um það hvernig lesandinn getur sjálfur lært að
skilja mismunandi boð sem draumarnir færa
honum.
Símon Jón Jóhannsson þjóðfræðingur hefur
áður ritað ýmsar bækur um drauma og drau-
maráðningar. Nýja draumaráðningabókin er
aðgengilegt uppflettirit, nútímaleg fróðleiksnáma
fyrir unga sem aldna – nauðsynleg bók á hverju
heimili!
Tvær bráðskemmtile-
gar barnabækur!
Fyrst kom “Ojbara, varstu að freta
Fróði?” sem sló eftirminnilega
í gegn hjá íslenskum börnum.
Nú snýr Fróði aftur í jafnvel enn
skemmtilegri bók eftir David
Roberts. En mun hann nokkurn
tíma geta látið af öllum sínum
ósiðum? Hrikalega fyndin bók
sem sópað hefur að sér fjölda
verðlauna erlendis.
Má ég kíkja í bleyjuna þína?
er bráðskemmtileg myndabók
með flipum um hrikalega
forvitna mús eftir Guido van
Genechten. Músi verður að
skoða allt sem hann sér, jafnvel bleyjur vina
sinna. Hann kannar málið hjá Héra, Geitu,
Voffa, Kusu, Fáki og Svínku. En þegar þau vilja
líka fá ða sjá hvað er í bleyjunni hans verða
þau heldur en ekki hissa!
Í barnasögunni Spóa eftir Ólaf Jóhann Sig-
urðasson segir frá íslenskum spóa sem finnst
fínna að kalla sjálfan sig Filippus aðhætti
erlendra stórhöfðingja og þykist öðrum
spóum gáfaðri og menntaðri. Hannleggur
upp í mikla reisu til að finna sér konuefni við
hæfi og hefst þá kostuleg atburðarás!
Spói kom upphaflega út árið 1962 en
hefur nú verið endurútgefinn í nýjum og
glæsilegum búningi. Bókina prýða fallegar
myndir af fuglum í náttúru Íslands eftir Jón
Baldur Hlíðberg og henni fylgir geisladis-
kur með lestri Ólafíu Hrannar Jónsdóttur
á sögunni.
Kolbrún Bergþórsdóttir spurði í
Morgunblaðinu á dögunum: „Og hvernig
hefur þessi gamli gimsteinn elst? Hann
ljómar enn, takk fyrir!“ svarar hún og
bætir því við að ástæða sé til að fagna
endurútgáfu bókarina, hrósar stíl Ólafs
Jóhanns Sigurðssonar, myndum Jóns Baldurs og lestri
Ólafíu Hrannar. „Lesendur geta ekki verið annað en ánægðir.“
„Lesendur geta ekki verið annað en ánægðir“
Þór – Leyndarmál guðanna
eftir Friðrik Erlingsson er
hörkuspennandi saga fyrir
unga lesendur.
Bókin er gefin út í samvinnu við
íslenska kvikmyndafyrirtækið
CAOZ, sem vinnur nú að gerð al-
þjóðlegrar tölvuteiknimyndar um
þrumuguðinn Þór. Myndin verð-
ur í þrívídd, kostar á annan millj-
arð króna í framleiðslu og er ekk-
ert til sparað. Fyrir tveimur árum
kom út bókin Þór – í Heljargreip-
um sem Friðrik byggði á handriti
myndarinnar. Þór – Leyndarmál
guðanna er hins vegar sjálfstætt
framhald hennar og er nýja bókin
jafnvel enn fjörugri og frískari
en sú fyrri. Þór þeytist um heim-
inn frá morgni til kvölds að sinna
skyldum sínum við guði og menn,
í von um að faðir hans vígi hann
endanlega inn í goðheima. Gömlu
guðirnir eru hins vegar fullir öf-
undar yfir vinsældum Þórs og
reyna að losa sig við hann.
ÆSISPENNANDI ATBURÐARÁS
Af stað fer æsispennandi atburða-
rás þar sem hin illu öfl notfæra sér
veikleika Þórs og fyrr en varir er
allt líf í mannheimum og goðheim-
um í uppnámi. Loki vill tortíma Þór
með aðstoð jötna og fær óvæntan
liðsauka þegar sjálfur Surtur, lá-
varður logans, telur sig eiga harma
að hefna gegn hinum hálfmennska
guði. Þór þarf að kljást við öfluga og
næstum ósigrandi óvini – og um leið
sjálfan sig og breyskleika sinn.
Friðrik Erlingsson sló eftirminni-
lega í gegn með margverðlaunaðri
sögu sinni Benjamín dúfu. Bók hans
Þór – Í heljargreipum hlaut frá-
bærar viðtökur. Hér er menningar-
arfur þjóðarinnar tekinn til kost-
anna, goðafræðin túlkuð á lifandi
og spennandi hátt og matreidd fyrir
lesendur á aldrinum 8-13 ára.
Menningararfurinn
tekinn til kostanna
Þór þeytist um heiminn frá morgni til kvölds að sinna skyldum sínum við guði og menn. MYND/BJARTUR VERÖLD
Friðrik Erlingsson matreiðir goðafræð-
ina á spennandi hátt fyrir unga lesendur
í bók sinni Þór – Leyndarmál guðanna.
Skáldsaga Sigurjóns Magnússonar, Útlagar, hefur
vakið mikið umtal og athygli enda er hér fjallað um
viðkvæma tíma í sögu Íslands.
Margir telja sig sjá ákveðnar fyrirmyndir í bók
Sigur jóns, Útlagar, en í henni segir frá ungum íslensk-
um sósíalistum sem halda til náms í Austur-Þýska-
landi um miðjan sjötta áratuginn. Þar eystra bíður
þeirra annar veruleiki en marga dreymir um. Einn
þeirra dregst gegn vilja sínum inn í pólitískar vær-
ingar og verður ástfanginn af konu sem lífið hefur
leikið grátt.
Sigurjón lýsir lífinu austan járn-
tjalds af miklu innsæi og er ljóst
að hann hefur haft góða heimildar-
menn þegar hann setti sig inn
í aðstæður hinna ungu Íslend-
inga eystra. Bókin er vissulega
byggð á sögulegum staðreynd-
um, en fyrirmyndir eru margar
og atburðum fléttað saman eftir
skáldskaparins reglum. Þá er
bókin öðrum þræði Reykjavíkur-
saga þar sem hann lýsir lífinu í
borginni á sjötta áratugnum.
Þetta er dramatísk skáld-
saga um leit ungs fólks að ást og sjálfstæði, en
dimmir skuggar hryllilegrar styrjaldar í Evrópu og
hatrammra átaka á Íslandi voma yfir, sagan er áhuga-
verð og dramatísk og gamlir tímar lifna við á síðum
bókarinnar.
Sigurjón Magnússon hefur á liðnum árum sent
frá sér verk sem vakið hafa mikla athygli og fengið
lofsamlega dóma. Þeir sem lesið hafa Útlaga eru
á einu máli um að þetta sé veigamesta skáldsaga
Sigurjóns.
Sögulegar staðreyndir
í magnaðri skáldsögu
Sigurjón Magnússon hefur á liðnum árum sent frá sér verk sem
fengið hafa lofsamlega dóma.
Lesendur eru á einu
máli um að Útlagar sé
veigamesta skáldsaga
Sigurjóns Magnús-
sonar.