Fréttablaðið - 18.11.2010, Blaðsíða 2

2 18. nóvember 2010 FIMMTUDAGUR
Guðmundur, var þetta ekki
bara bjútífúl?
„Jú, en við fengum ekki böns af
monní eins og Megas fékk.“
Guðmundur Kristinn Jónsson og félagar
hans í Hjálmum fengu á dögunum
viðurkenningu fyrir að syngja lög sín á
íslensku. Þrátt fyrir að hafa ekki fengið
böns af monní féll þeim í skaut forláta
verðlaunagripur sem var eins og tekinn
úr Súpermanmynd.
DÓMSMÁL Sextugur karlmaður
hefur verið ákærður fyrir að draga
sér ríflega sex milljónir króna
úr sjóðum Frímúrarastúkunnar
Draupnis á Húsavík, meðan hann
gengdi þar stöðu féhirðis. Féð not-
aði maðurinn í eigin neyslu.
Fjárdrátturinn átti sér stað á
árunum 2001 til 2009. Sjóðir stúk-
unnar sem hann dró sér fé úr voru
á þremur bankareikningum.
Þá er manninum gefin að sök
umboðssvik. Á fjögurra ára tíma-
bili hafi hann tíu sinnum breytt
yfirdráttarheimild sömu frímúr-
arastúku úr 400 þúsund krónum,
sem hún var samkvæmt ákvörðun
stjórnar og í þrjár milljónir króna.
Yfirdrátturinn var kominn í síðar-
nefndu upphæðina í lok tímabils-
ins. Breytingarnar voru gerðar til
að auka handbæra fjármuni stúk-
unnar sem maðurinn dró sér síðan
að hluta að því er segir í ákæru.
Loks er maðurinn ákærður fyrir
að leggja falsaða ársreikninga
fyrir stjórn og endurskoðendur
stúkunnar, sem sýndu mun betri
eigna- og skuldastöðu hennar.
Þetta gerði hann til að leyna
brotunum sem hann er ákærður
fyrir.
Stúkan krefst þess að fá pening-
ana til baka. - jss
Sextugum karlmanni gefinn að sök fjárdráttur, umboðssvik og skjalafals:
Stolið úr sjóðum frímúrarastúku
LÖGREGLUMÁL Tæplega tvítugur
piltur hefur lagt fram kæru á
hendur nær fimmtugum manni,
sem situr nú í gæsluvarðhaldi
vegna meintra kynferðisbrota
gegn börnum, eins og Frétta-
blaðið greindi frá í gær. Rann-
sókn lögreglu beinist að því hvort
meintir brotaþolar séu fleiri en
þessi eini piltur, en sterkur grun-
ur leikur á að svo sé og að þeir
séu af báðum kynjum.
Kynferðisbrotin eru sögð hafa
átt sér stað fyrir nokkrum árum
og hafa staðið yfir um árabil. - jss
Lögregla leitar fleiri brotaþola:
Piltur kærir
kynferðisbrot
HÉRAÐSDÓMUR Maðurinn var ákærður fyrir Héraðsdómi Norðurlands eystra.
DÓMSMÁL Héraðsdómur Reykja-
víkur hefur sýknað Reykjavíkur-
borg af skaðabótaskyldu vegna
slyss sem varð þegar piltur lenti
í leirhver á Hengilssvæðinu og
brenndist á báðum fótleggjum.
Pilturinn var starfsmaður í
vinnuhópi Hins hússins sem rek-
inn var á vegum Íþrótta- og tóm-
stundaráðs Reykjavíkur. Óhappið
átti sér stað í ferðalagi á loka-
starfsdegi hópsins. Leiðbeinend-
ur báru fyrir dómi að þeir hefðu
brýnt fyrir hópnum að gæta sín.
Dómurinn taldi slysið fyrst og
fremst mega rekja til óaðgæslu
piltsins sjálfs. - jss
Reykjavíkurborg sýknuð:
Steig í hver en
fær ekki bætur
DÓMSMÁL Tæplega fertugur karl-
maður er nú fyrir héraðsdómi,
ákærður fyrir að hafa reynt að
smygla til landsins rúmlega einum
lítra af amfetamínvökva. Úr því
magni hefði mátt framleiða rúm-
lega átta kíló af amfetamíni, sem
ætluð voru til söludreifingar í
ágóðaskyni hér.
Maðurinn er pólskur ríkisborg-
ari. Hann flutti efnin með flugi frá
Póllandi hingað til lands. Tollverðir
fundu þau í flösku í farangri hans
við komu hans til Keflavíkurflug-
vallar í lok ágúst á þessu ári. - jss
Fyrir dómi vegna smygls:
Tekinn með
lítra af amfet-
amínvökva
BANDARÍKIN, AP Tveir vísinda-
menn í Bandaríkjunum, Dirk
Schulze-Makuch og Paul Davies,
hafa stungið upp á því að fyrstu
geimfararnir sem sendir verði
til Mars verði bara sendir aðra
leiðina.
Marsferðir verði þá svipaðar
ferðum fyrstu Evrópubúanna
sem settust að í Vesturheimi. Þeir
reiknuðu ekki með að snúa aftur
heldur byggðu sér ból í nýjum
heimi.
„Við viljum fólkið okkar aftur
til baka,“ sagði talsmaður banda-
rísku geimferðamiðstöðvarinnar
NASA, sem tók ekki sérlega vel í
hugmyndina. - gb
Spá í mannaferðir til Mars:
Vilja ferðir aðra
leiðina í byrjun
HÉRAÐSDÓMUR Maðurinn var úrskurð-
aður í hálfs mánaðar gæsluvarðhald.
FRÉTTABLAÐIÐ/VALLI
VÍSINDI Nákvæmar mælingar á
jarðskorpuhreyfingum á og við
Eyjafjallajökul hafa gert vísinda-
mönnum kleift að rekja upphaf
eldgossins í jöklinum mörg ár
aftur í tímann.
„Út frá mæliniðurstöðunum
má gera líkan af kvikuhreyf-
ingum neðanjarðar,“ segja þau
Freysteinn Sigmundsson og Sig-
rún Heimisdóttir, tveir úr hópi
íslenskra jarðvísindamanna sem
hafa birt grein í tímaritinu Nat-
ure.
Í raun voru eldgosin tvö, hið
fyrra sprungugos á Fimmvörðu-
hálsi en hið síðara sprengigos í
toppgíg Eyjafjallajökuls, og svo
virðist sem hið fyrra hafi hleypt
hinu síðara af stað.
Niðurstöður þeirra varpa nýju
ljósi á hegðun eldstöðva á jörðinni
sem ekki gjósa oft, eins og raunin
er um Eyjafjallajökul.
„Landbreytingar í tengslum
við umbrotin voru óvenjulegar að
því leyti að þær virðast ekki hafa
orðið vegna þrýstingsbreytinga í
einu kvikuhólfi undir eldstöðinni,
heldur voru landbreytingar flókn-
ar bæði í tíma og rúmi,“ segja þau
Sigrún og Freysteinn. - gb
Rannsóknir íslenskra vísindamanna á gosunum í Eyjafjallajökli birtar í Nature:
Eitt gos hleypti öðru af stað
ÞVERSKURÐUR FJALLSINS Á þessari
mynd úr Nature sést kvikuinnskot sem
myndaðist undir austurhluta jökulsins.
MYND/NATURE
Ráðherra auki þorskvóta
Bæjarráð Stykkishóms skorar á Jón
Bjarnason sjávarútvegsráðherra að auka
þorskkvóta ársins um 40 þúsund tonn.
„Samkvæmt mati Hafrannsóknastofn-
unar mun breyting á 25 prósent í stað
20 prósent aflareglu sem er í dag ekki
setja þorskstofninn í hættu heldur mun
það eingöngu hægja á uppbyggingu
stofnsins,“ segir bæjarráðið.
STYKKISHÓLMUR
VÍSINDI Erfða- og mannfræðirann-
sóknir styðja tilgátu um að frum-
byggjar Ameríku hafi fylgt nor-
rænum mönnum til Íslands fimm
hundruð árum áður en Kristófer
Kólumbus kom fyrst til Nýja
heimsins.
Þessi tilgáta er sett fram í
meistaraverkefni Sigríðar Sunnu
Ebenesersdóttur í mannfræði við
Háskóla Íslands sem var unnið
fyrir tilstilli Íslenskrar erfða-
greiningar (ÍE). Niðurstöðurn-
ar hafa vakið mikla athygli og
stórblöðin The Guardian og The
Telegraph hafa gert rannsókn-
inni ítarleg skil eftir að grein um
rannsóknina birtist í American
Journal of Physical Anthropology
[virtasta tímarit heims um líf-
fræðilega mannfræði]. Tímaritið
National Geographic hefur sýnt
rannsókninni sérstaka athygli.
Agnar Helgason, mannfræð-
ingur hjá ÍE og Háskóla Íslands,
var leiðbeinandi Sigríðar en hann
birti niðurstöðu rannsókna árið
2000 þar sem sýnt var fram á
að megnið af landsnámskonum
Íslands hefðu komið frá Bret-
landseyjum en karlmennirnir
flestir frá Skandinavíu. Við þá
rannsókn féllu til upplýsingar um
nokkrar hvatberaarfgerðir sem
ekki voru rekjanlegar til Evrópu.
Rannsókn Sigríðar Sunnu rennir
stoðum undir að arfgerðin sé frá
Ameríku, en þó ekki frá Inúítum
á Grænlandi sem bera ólíka arf-
gerð.
Agnar útskýrir að hægt sé að
rekja hvatberaerfðaefni í óbrotn-
um mæðrakeðjum langt aftur í
tímann. Þannig sé hægt að sjá
samsetningu landnámshóps-
ins í beinan kvenlegg. „Út frá
ættfræðigrunni ÍE var hægt að
rekja þessa arfgerð til 350 núlif-
andi einstaklinga. Þeir rekja
ættir sínar til fjögurra formæðra
sem bjuggu í sveitum Suðurlands,
þær fæddust allar um 1700 en
rekja svo ættir sínar til konu
sem var uppi löngu fyrir alda-
mótin 1500.“
Þessi vitneskja rennir stoðum
undir þá tilgátu að formóðirin hafi
fylgt norrænum mönnum heim til
Íslands frá Ameríku í kringum
árið 1000, eins og greint er frá í
íslenskum miðaldabókmenntum.
Engar heimildir eru til um ferðir
frá Íslandi til Ameríku, eða Vín-
lands eins og Leifur heppni kall-
aði það, í þau fimm hundruð ár
sem liðu þangað til Kólumbus tók
þar land og markaði upphaf land-
náms Evrópubúa vestanhafs.
Agnar undirstrikar að um til-
gátu sé að ræða en hún verði
aðeins sönnuð, eða afsönnuð,
með frekari rannsóknum. „Þá
verðum við að finna nákvæm-
lega sömu arfgerð annars staðar
í heiminum. Það breytir því ekki
að þessi tilgáta er sú líklegasta út
frá fyrir liggjandi göngum.
svavar@frettabladid.is
SPURNING DAGSINS
Indíánar undir jökli
fyrir þúsund árum?
Í nýrri rannsókn er sett fram sú tilgáta að norrænir menn hafi haft frumbyggja
á brott með sér frá Ameríku fyrir þúsund árum og fært þá til Íslands. Sam-
kvæmt tilgátunni rennur indíánablóð í æðum fjölmargra Íslendinga.
MEÐ INDÍÁNABLÓÐ Í ÆÐUM? Leikur strákanna bendir til þess að þeir eigi ættir sínar
að rekja til sveita Suðurlands. Formóðir fjölmargra Íslendinga er talin hafa verið
amerískur frumbyggi. FRÉTTABLAÐIÐ/GVA
Út frá ættfræðigrunni
ÍE var hægt að rekja
þessa arfgerð til 350 núlif-
andi einstaklinga.
AGNAR HELGASON
MANNFRÆÐINGUR HJÁ ÍE
STJÓRNSÝSLA Arnþór Helgason,
fyrrverandi framkvæmdastjóri
Öryrkjabandalagsins, segist ekki
ætla að taka þátt í kosningum til
stjórnlagaþings þar sem blindir
og sjónskertir geti ekki neytt
atkvæðisréttar síns með sama
hætti og aðrir borgarar. „Í rúma
þrjá áratugi hafa sérstakar ráð-
stafanir verið gerðar til þess að
blint og sjónskert fólk geti kosið
til Alþingis og sveitarstjórna í
einrúmi og án aðstoðar. Hið sama
gildir um forsetakosningar,“ segir
í yfirlýsingu frá Arnþóri. - gar
Kýs ekki til stjórnlagaþings:
Blindir kjósa
ekki í einrúmi