Fréttablaðið - 18.11.2010, Blaðsíða 12

12 18. nóvember 2010 FIMMTUDAGUR
Jarðskjálftinn á Haíti í janúar
kostaði um 300 þúsund manns
lífið. Uppbygging hefur gengið
mjög hægt, þrátt fyrir loforð helstu
ríkja heims um öfluga aðstoð, og nú
bætist kólerufaraldur ofan á allt
saman.
Vandinn vanmetinn
Samkvæmt opinberum tölum hefur
kólerubakterían nú lagt meira en
þúsund manns að velli og sent um
16 þúsund manns á sjúkrahús.
Hjálparstofnanir telja sumar að
vandinn sé vanmetinn.
Eins og jafnan á hamfara svæðum
óttuðust margir að smitsjúkdómar
myndu breiðast út í kjölfar jarð-
skjálftans. Engra slíkra sjúkdóma
varð þó vart fyrr en um miðjan
október, en síðan þá hefur kóleran
breiðst hratt út um landið.
Ástæða kólerufaraldursins er
skortur á hreinu vatni og góðri
hreinlætisaðstöðu almennt, auk
þess sem erfitt er að koma lækn-
ishjálp til fólks bæði í sveitum
landsins og í borgunum, þar sem
fólk hefst víða við í bráðabirgða-
húsnæði og þéttbyggðum fátækra-
hverfum.
Kólera smitast með vatni og
mat og veldur bæði háum hita og
svæsnum niðurgangi. Þótt lítil
smithætta sé af venjulegri snert-
ingu fólks hafa margir áhyggjur af
því að smithættan verði meiri þar
sem margir eru saman komnir og
hreinlætisaðstaða léleg.
Kosningar nálgast
Kólerufaraldurinn hefur þegar sett
mark sitt á kosningabaráttuna. Í
vikunni efndi Michel Martely,
vinsæll söngvari sem jafnframt
er í framboði, til kosningafundar
og hópgöngu í bænum Crois-des-
Bouquettes þar sem fólk gekk í
kosningaham niður eina götuna,
syngjandi, berjandi á trumbur og
veifandi kosningaspjöldum.
Þúsundir manna biðu í almenn-
ingsgarði þar sem frambjóðandinn
ætlaði að flytja ræðu sína.
Þegar gangan nálgaðist garð-
inn var hins vegar komið annað
hljóð í strokkinn. Fólkið var farið
að syngja: „Kólera! Kólera“ og
inn á milli var skotið hrópum um
óánægjuna sem grafið hefur um
sig í samfélaginu.
Brosið stirðnaði á frambjóðand-
anum, sem var þó ekki lengi að
átta sig á stöðunni og tók sjálfur
að syngja hástöfum með fólkinu
um kólerufaraldurinn.
„Við stundum kosningabaráttuna
rétt eins og hér væri engin kólera,“
sagði Martely við blaðamenn stuttu
seinna. „Svo við föðmum alla að
okkur, erum hjá fólki og göngum
með því – og vonum rétt eins og
fólkið að við sleppum við smit.“
Óvissa
Kosningabaráttan hafði þó gengið
nógu brösuglega áður. Lengi fram-
an af var óljóst hve margir yrðu í
framboði, og nú þegar aðeins ell-
efu dagar eru til kosninga hafa
skoðanakannanir reynst bæði
óáreiðanlegar og misvísandi.
Núverandi forseti, Rene Pre-
val, hefur sætt mikilli gagnrýni
fyrir að hafa ekki tekið uppbygg-
ingarstarfið eftir jarðskjálftann
nógu föstum tökum. Flokkur hans,
Lespwa, á fyrir vikið erfitt upp-
dráttar.
Meðal forsetaframbjóðenda
eru tveir fyrrverandi forsætis-
ráðherrar, sem báðum hefur verið
steypt af stóli. Einnig er eiginkona
eins fyrrverandi forseta í framboði
og einn verksmiðjueigandi vonast
til að ná kjöri.
Jude Celestin, forstjóri bygg-
ingafyrirtækis í ríkiseigu, er með
forskotið í að minnsta kosti einum
skilningi: Dýr kosningaspjöld og
auglýsingamiða frá honum er að
finna víðar en auglýsingar nokk-
urs annars frambjóðanda. Söngv-
arinn Martely virðist einnig eiga
góðu fylgi að fagna, enda þekktur
fyrir söng sinn undanfarna áratugi
og kann að höfða til fjöldans.
Viðskiptavinum með lán í íslenskum krónum hjá Landsbankanum stendur
til boða að lengja lánstíma eða breyta greiðslum í jafnar greiðslur og
lækka þannig mánaðarlega greiðslubyrði sína til lengri tíma.
LAUSNIR FYRIR HEIMILI | landsbankinn.is | 410 4000
Við tökum vel á móti þér um land allt.
Léttari greiðslur
- til lengri tíma
Lenging lánstíma
· Upphaflegur lánstími íbúða- og fasteignalána lengdur í allt að 40 ár
· Upphaflegur lánstími annarra lána lengdur í allt að 15 ár
· Fyrir alla sem vilja lækka greiðslubyrði sína
Breyta í jafngreiðslulán
· Greiðslum af láni er haldið jöfnum út lánstímann að viðbættum
verðbótum
· Fyrir þá sem eru með lán með jöfnum afborgunum
N
B
I
h
f.
(
L
a
n
d
s
b
a
n
k
in
n
),
k
t
.
4
7
1
0
0
8
-
0
2
8
0
.
E
N
N
E
M
M
/
S
ÍA
/
N
M
4
4
2
8
2
Meira en þúsund látnir
Óeirðir
Mótmælendur telja nepalska
friðargæsluliða bera ábyrgð á
kólerufaraldrinum. Að minnsta
kosti tveir létust í átökum við
friðargæsluliða í Cap Haitien
15. nóvember.
Kólerufaraldur hefur kostað á annað þúsund manns lífið á Haítí. Faraldurinn hefur breiðst út
um næstum allt landið (rauðlituð héruð), en hans varð fyrst vart í Artibone-dal (bleiklitað
svæði).
Artibone-dalur
Upphaf faraldursins
NORÐVESTUR
NORÐUR NORÐ-
AUSTUR
MIÐ
AUSTUR
SUÐAUSTURSUÐUR
K A R Í B A H A F I Ð
D
Ó
M
IN
ÍS
K
A
L
ÝÐ
VE
LD
IÐ
Les Cayes
Port-au-Prince
Saint-Marc
Gonaives
Port-de-Paix Cap-Haitien
Hinche
HAITI
GRAND’ANSE
NIPPES
ILE DE LA
GONAVE
ILE DE LA TORTUE
ARTIBONITE
50 km
Heimild: Ministere de la Sante Publique et de la Population (MSPP) © GRAPHIC NEWS
Kosningabarátta í kólerufaraldri
Þingkosningar verða haldnar á Haítí í lok mánaðarins, níu mánuðum seinna en upphaflega stóð til. Þeim var frestað eftir jarð-
skjálftann mikla í janúar. Uppbyggingin eftir jarðskjálftann hefur gengið hægt og nú setur kólerufaraldur strik í reikninginn.
FORSETAHÖLLIN Miklar skemmdir urðu á forsetahöllinni í Port-au-Prince í jarðskjálft-
anum í janúar. NORDICPHOTOS/AFP
FRÉTTASKÝRING: Verður mögulegt að halda kosningar á Haítí?
Guðsteinn
Bjarnason
gudsteinn@frettabladid.is