Fréttablaðið - 18.11.2010, Blaðsíða 22

22 18. nóvember 2010 FIMMTUDAGUR22
hagur heimilanna
„Ég keypti einu sinni ósköp flotta rauða eða
appelsínugula treyju úr gerviefni sem leit vel
út á slá í versluninni Adam, sem var tískuvöru-
verslun unga fólksins í kringum 1978. Þá var ég
á bilinu 22 til 23 ára og hún kostaði mig nærri
hálfa sumarhýruna. Þegar ég kom heim reyndist
treyjan of lítil, hún var þröng um axlirnar. Ég
var í henni í nokkur skipti. Þegar ég svo þvoði
hana litaði hún út frá sér og eyðilagði fyrir mér
skyrtu og trefil,“ segir Magnús Skarphéðinsson,
formaður Sálarrannsóknafélagsins, forseti
Músavinafélagsins og þjóðsagnasafnari. Hann
notaði treyjuna ekki upp frá því og viðurkennir
að síðan þá hafi hann ætíð verið í vörn í
fatakaupum. „Þetta voru örugglega einhver
ömurlegustu kaup sem ég hef á ævinni
gert.“
Bestu kaupin segir Magnús lítið kver sem
hann keypti í bókaversluninni Eymundsson
sextán ára gamall. „Þetta var smárit upp á
kannski þrjátíu blaðsíður eftir Þorstein Guð-
jónsson um líf á öðrum hnöttum. Það var
hugljómun fyrir mig. Alheimurinn varð svo
miklu stærri og flóknari en margir
héldu. Ritið leiddi mig áfram í
geimverufræðin, spírítismann og
mótaði stóran hluta lífs míns á
endanum,“ segir Magnús.
NEYTANDINN: Magnús Skarphéðinsson þjóðsagnasafnari með meiru
Smárit opnaði dyr að heiminumSigmar Guðmundsson, sjónvarpsmaður og ritstjóri
Kastljóss.
Sjónvarpsmaðurinn góðkunni Sigmar Guðmundsson
segist ekki beint vera þekktur fyrir ofuráherslu á húsverk
eða heimilisstörf, og vart þess umkominn að gefa öðrum
ráð í þessum efnum.
„Ég er svo innilega ekki maðurinn til að svara
þessu, en eina húsráðið sem ég kann og mér
finnnst virka, er að ef mikið ryk eða skítur er
heima hjá þér er best að slökkva ljósin og
kveikja á kertum.“
GÓÐ HÚSRÁÐ KERTALJÓS ER SVARIÐ
Jólatrjáauppskera íslensku stafa-
furunnar þykir óvenjufalleg í ár.
Þröstur Eysteinsson, sviðsstjóri
þjóðskóga hjá Skógrækt ríkisins,
bendir á að óski fólk eftir tré þessi
jól sem sé barrheldið og þurfi lítið
sem ekkert að hugsa um ætti stafa-
furan að henta vel. Rauðgrenið,
fjallaþinur og norðmannsþinur séu
einnig barrheldin tré, en hafa beri
í huga að norðmannsþinurinn sé
í flestum tilfellum fluttur inn frá
Danmörku.
Þröstur segir það verða æ algeng-
ara að fólk geri sér þann dægramun
að fara sjálft og höggva sér jólatré á
vegum skógræktarfélaga víðs vegar
um landið.
„Hlutdeild íslenskra jólatrjáa
hefur aukist undanfarin ár,“ segir
hann. „Það eru skógræktarfélögin
sem hafa þar verið að koma sterk
inn, sérstaklega með því að bjóða
fólki að koma og höggva sjálft.“
Þau stofujólatré sem Skógrækt
ríkisins selur koma flest úr Hauka-
dal, Þjórsárdal og Vöglum við Þela-
mörk. Þröstur segir uppskeruna í
ár almennt vera góða og eftirspurn
á markaðnum verði sinnt nú eins og
undanfarin ár.
Þröstur býst við því að verð á
trjám verði svipað í ár og í fyrra,
þó gæti hugsast að verðbólgan
hafi óveruleg áhrif á verðlagningu
trjánna. - sv
Hlutdeild íslenskra jólatrjáa á markaðnum hefur verið að aukast:
Stafafuran óvenjufalleg í ár
STAFAFURA Trén eru ein þau
barrheldnustu sem í boði eru á
markaðnum fyrir jólin.
MYND/ÚR SAFNI
FLATKÖKUR 2000-2010
Fjórar hálfsneiðar í pakka
KJÖTBORÐ Verð á kjöti lækkar um tæplega tuttugu prósent í Hagkaupum, en kjöt-
borð eru ekki nema í hluta verslana fyrirtækisins. FRÉTTABLAÐIÐ/HEIÐA
NEYTENDUR Verð á vörukörfu ASÍ
hefur lækkað umtalsvert í Nóa-
túni og Hagkaupum frá því að verð
var kannað síðasta sumar. Verðið
breytist lítið í lágvöruverðsversl-
unum, samkvæmt nýrri verðmæl-
ingu verðlagseftirlits ASÍ.
Verð á vörum í körfu ASÍ lækk-
aði um 8,2 prósent í verslunum
Hagkaupa og 5,1 prósent í verslun-
um Nóatúns frá því í júní. Nánast
allir vöruflokkar höfðu lækkað
umtalsvert í þessum verslunum,
samkvæmt samantekt ASÍ.
Á sama tíma hefur verðið hækk-
að um 3,5 prósent í Samkaupum-
Úrvali, um 3,1 prósent í Nettó, um
1,4 prósent í Kosti og um 1,1 pró-
sent í Samkaup-Strax.
Verðið stendur því sem næst
í stað í lágvöruverðsverslunum
Bónus og Krónunni, sem og í
klukkubúðunum 10-11 og 11-11.
Í vörukörfu ASÍ eru allar
almennar mat- og drykkjarvörur,
auk hreinlætis- og snyrtivara. - bj
Vöruverð lækkar í Nóatúni og Hagkaupum:
Umtalsverðar lækkanir
Olíufélögin hækka elds-
neytisverð á meðan heims-
markaðsverð á olíu lækkar.
Lítrinn kostar nú um 200
krónur hvar sem er á land-
inu. Neytendasamtökin og
FÍB gagnrýna hækkanir og
vilja sjá rökin fyrir þeim.
Álagning olíufélaganna á elds-
neyti hér á landi hefur hækkað
nokkuð þegar útsöluverð er skoð-
að í samanburði við heimsmark-
aðsverð á hráolíu. Þetta kemur
fram í Markaðspunktum Arion
banka sem komu út í gær. Félag
íslenskra bifreiðaeigenda (FÍB)
og Neytendasamtökin hafa mót-
mælt hækkuninni harðlega.
Útsöluverðið á bensíni hækk-
aði nokkuð hjá öllum olíufélögum
í vikunni og er nú á bilinu 199,8
krónur upp í 201,4 krónur þegar
litið er til landsins í heild. Ódýr-
ast er það hjá Orkunni, en hæst
hjá Shell, en bæði félögin heyra
undir sama móðurfyrirtæki,
Skeljung hf.
Í Markaðspunktum er sýnt
fram á að heimsmarkaðsverð á
hráolíu, umbreyttu í íslenskar
krónur, hafi lækkað um 6 prósent
frá áramótum á meðan útsölu-
verð olíufélaganna, án opinberra
gjalda, hefur hækkað um 3 pró-
sent.
Þetta er í samræmi við frétt
Fréttablaðsins nýverið þar sem
vísað var í tölur FÍB til að sýna
fram á hækkun álagningar, en
þessi nýjasta hækkun hefur mætt
hörðum viðbrögðum hjá FÍB, sem
og Neytendasamtökunum.
Í grein á heimasíðu samtak-
anna, www.ns.is, er þess krafist
að olíufélögin lækki nú þegar verð
á bensíni og olíu. „Ef olíufélögin
telja sér ekki fært að verða við
því ætlast Neytendasamtökin til
að þau rökstyðji hækkanir sínar
og hverjar séu ástæður þeirra,“
segir þar í niðurlagi . - þj
Gagnrýna hækkun elds-
neytisverðs og vilja rök
DÝR DROPINN Hækkanir á útsöluverði
eldsneytis virðist vera vegna aukinnar
álagningar olíufélaganna. FRÉTTABLAÐIÐ/GVA
FRÉTTIR VIÐSKIPTI ÍÞRÓTTIR LÍFIÐ UMRÆÐAN
Má bjóða ykkur meiri Vísi?
ÍÞRÓTTIR Á ÞÍNUM
HEIMAVELLI
Meiri Vísir.
m.visir.is
Fáðu Vísi í símann
og iPad!
Deildu Vísi með öðrum. Þeir sem setja „like“ við Vísi
á Facebook geta unnið óvænta vinninga í hverri viku.
Þróun eldsneytis- og hráolíuverðs
120
115
110
105
100
95
90
85
80 nóv. 2010
okt. 2010
sept. 2010
ágú. 2010
júl. 2010
jún. 2010
m
aí 2010
apr. 2010
m
ar. 2010
feb. 2010
jan. 2010
des. 2009
Eldsneytisverð innanlands
Heimsmarkaðsverð á hráolíu
Eldsneytisverð (án skattaáhrifa) og hráolíuverð úti í heimi (í krónum) - vísitala 100 stig. desember 2009
ÁR KRÓNUR
2000 65
2005 76
2010 128Heimild: Hagstofa Íslands.