Fréttablaðið - 18.11.2010, Blaðsíða 60

44 18. nóvember 2010 FIMMTUDAGUR
1
3
5
7
9
2
4
6
8
10
Furðustrandir
Arnaldur Indriðason
Spegill þjóðar
Njörður P. Njarðvík
Danskennarinn snýr aftur,
kilja - Henning Mankell
Ég sé ekkert svona gler-
augnalaus - Óskar Magnússon
Stelpur! - Þóra Tómasdóttir
og Kristín Tómasdóttir
Hreinsun
Sofi Oksanen
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
10.11.10 - 16.11.10
Gunnar Thoroddsen
Guðni Th. Jóhannesson
Dömusiðir
Tobba Marinós
Einfalt með
kokkalandsliðinu
Fleiri prjónaperlur
Ýmsir höfundar
44
menning@frettabladid.is
GUNNAR MAREL HLAUT SÚLUNA Gunnar Marel Eggertsson hlaut Súluna, menningarverðlaun Reykjanesbæjar, á þriðju-
dag fyrir smíðina á víkingaskipinu Íslendingi, siglinguna til Ameríku og þátttöku við uppbyggingu Víkingaheima. Þá fékk veitingastaður-
inn Paddy‘s fyrirtækjasúluna fyrir eflingu tónlistarlífs í bænum.
Ragnar Bjarnason verður gestur
Jóns Ólafssonar í Salnum í Kópa-
vogi í kvöld í sviðsspjallþættin-
um Af fingrum fram.
Ragnar situr fyrir svörum
Jóns og áhorfenda auk þess að
fara í gegnum sín vinsælustu lög
og verða skemmtisögurnar ekki
skornar við nögl.
Ragnar er flytjandi vinsælasta
lags landsins í dag, Allir eru að fá
sér, ásamt BlazRoca og XXXRott-
weiler. Rappararnir heiðra Ragn-
ar með nærveru sinni í kvöld
og flytja smellinn með honum.
Auk þess munu Ragnar og Jón
leika og syngja öll þekktustu lög
söngvarans.
Dagskráin hefst klukkan
20.30.
Raggi Bjarna í Salnum
Bækur ★★★
Japanskir meistarar
Caput-hópurinn flutti verk eftir
Hosokawa og Takemitsu í Nor-
ræna húsinu.
„Japanskir meistarar“ var yfir-
skrift tónleika Caput-hópsins í
15:15 röðinni svokölluðu. Það er
tónleikaröð sem byrjaði upphaf-
lega í Borgarleikhúsinu en var
flutt yfir í Norræna húsið. Tón-
leikarnir eiga það sameiginlegt að
hefjast klukkan korter yfir þrjú á
sunnudögum. Kannski er það líka
einkennandi fyrir þessa tónleika
að þeir eru fremur óvenjulegir.
Ýmist er hljóðfæraskipunin sér-
stök (á næstu tónleikum kemur til
dæmis fram saxófónkvartett), eða
að tónlistin sjálf er óaðgengileg og
krefst talsverðrar einbeitingar.
Það var fámennur hópur sem var
samankominn til að hlusta á sunnu-
daginn var. Japönsku meistararn-
ir sem þarna áttu verkin voru þeir
Toru Takemitsu og Toshio Hosok-
awa – kannski ekki þeir vinsæl-
ustu. Tónlist þeirra beggja er þó
oft áhugaverð, en dálítið misjöfn.
Takemitsu er lýrískari og hug-
ljúfari. Tónlistin hans er stund-
um eilítið gamaldags, jafnvel í
ætt við frönsku impressjónistana.
Hosokawa er dularfyllri, músíkin
hans er myrk, ef ekki magísk.
Flutt voru fimm verk á tónleik-
unum. Haustsöngur eftir Hosok-
awa var að mínu mati skemmti-
legasta tónsmíðin. Hún hófst á
skuggalegum tónahendingum,
ringulreið sem smátt og smátt þétt-
ist og tók á sig mynd. Mikið var um
endurtekningar, en aldrei þannig
að það væri leiðigjarnt. Tónahend-
ingarnar voru of margbreytilegar
til þess. Þær kölluðu fram einstök
hughrif. Fjórir strengjaleikarar
Caput-hópsins ásamt Guðna Franz-
syni klarinettuleikara spiluðu
verkið af innlifun og samheldni.
Þetta var frábært!
Ýmislegt annað var áhugavert á
dagskránni. Rocking Mirror Day-
break eftir Takemitsu, fyrir tvær
fiðlur, kom einkar vel út. Þetta eru
hrífandi náttúrustemningar, lit-
ríkar og fallegar. Ef til vill örlar
á nostalgíu. Þau Zbigniew Dubik
og Hildigunnur Halldórsdóttir
fluttu verkið af alúð og tilfinninga-
hita, en einnig af aðdáunarverðri
nákvæmni.
Entre-Temps eftir Takemitsu
virkaði líka ágætlega. Strengja-
kvartettinn spilaði, og Eydís
Franzdóttir lék á óbó. Mjúk, vönd-
uð spilamennskan skapaði nota-
lega upplifun.
Ég var minna hrifinn af hinum
tónsmíðunum. Það voru eldri verk
eftir Hosokawa. Hið andstutta
Atem-Lied var glæsilega flutt af
Kolbeini Bjarnasyni, en tónlistin
var engu að síður ansi langdreg-
in. Svipaða sögu er að segja um
Fragment II fyrir strengjakvart-
ett og altflautu. Þar var rauði þráð-
urinn að mestu einn gegnumgang-
andi tónn. Í kringum hann veltust
hraðar tónahendingar. Útkoman
var hálf einfeldningsleg og varð
aldrei að neinu bitastæðu.
Tónleikarnir tóku um klukku-
tíma og korter. Það er býsna langt
fyrir svona tónlist. Vel hefði mátt
sleppa einhverju af dagskránni –
eða bara hafa hlé!
Jónas Sen
Niðurstaða: Tónleikar Caput-hóps-
ins með verkum eftir Takemitsu og
Hosokawa voru vandaðir, en nokkuð
langdregnir. Sum verkin voru flott,
önnur ekki.
Mögnuð japönsk tónlist
KOLBEINN BJARNASON Flutti hið and-
stutta Atem-Lied glæsilega, segir í dómi
Jónasar Sen.
Verkefni sem Embla Vig-
fúsdóttir og Auður Ösp
Guðmundsdóttir unnu
saman í Listaháskóla
Íslands varð að þeirra
fyrstu barnabók, bókinni
Loðmar sem út kom á degi
íslenskrar tungu.
„Við fengum það verkefni að vekja
athygli á einhverju sem okkur
þótti mega betur fara í samfélag-
inu. Þar langaði okkur að vekja
athygli á málfarinu og benda á að
íslenska er rík af góðum og gild-
um orðum sem eru ekki notkun,“
segir Embla þegar blaðamaður
slær á þráðinn til hennar.
Söguhetja bókarinnar, Loðmar,
býr á fyrstu opnu í bókinni og
hefur aldrei þorað lengra fyrr en
hann heldur í ferðalag með lesand-
anum. Á vegi hans verða fjölmarg-
ir karakterar sem bera skrautleg
nöfn á borð við Gnótt, Lúpu og
Knuðljón. Embla segir þær Auði
Ösp hafa fyrst hugsað upp nöfnin
og svo spunnið upp sögu sem per-
sónur með þessi nöfn væru líkleg
til að lenda í.
„Við unnum svo áfram með hug-
myndina og í sumar fengum við
styrk frá Rannís til að klára verk-
ið. Þá endurskoðuðum við sögu-
þráðinn þó að inntakið hafi ekki
breyst. Við teiknuðum líka mynd-
irnar aftur og aftur. Bókin er
algjört samvinnuverkefni og við
unnum að öllu saman, líka teikn-
ingunum,“ segir Embla.
Í bókinni um Loðmar er notað
mikið af orðum, orðum sem eru
kannski ekki í daglegum orða-
forða barna. „Börn eru svo miklir
snillingar, þau skilja söguþráðinn
hæglega af samhenginu. En svo
erum við með orðalista aftast
fyrir lesendur, hann getur líka
gagnast fullorðnum lesendum ef
þeir þurfa aðstoð við að útskýring-
ar,“ segir Embla, sem sjálf er unn-
andi barnabóka. „Ég les mikið af
barnabókum og eru þeir Þórarinn
Eldjárn og Roald Dahl í sérstöku
uppáhaldi.“
Bókin kom út á degi íslenskrar
tungu og hittu þá Embla og
Auður Ösp fyrir níu ára krakka
úr Háteigsskóla og lásu fyrir þá
úr bókinni. „Við fengum mjög
góð viðbrögð frá þeim og margar
skemmtilegar spurningar,“ segir
Embla. Dagskráin fram undan
verður þétt, með dagskrá upp-
lestra hjá þeim stallsystrum. „Við
verðum í bókabúðum, jólatrés-
sölum og bara úti um allt, mjög
spennandi.“
sigridur@frettabladid.is
Börn eru miklir snillingar
AUÐUR ÖSP OG EMBLA Þriggja daga skólaverkefni varð að barnabókinni um Loðmar sem kom út í fyrradag. FRÉTTABLAÐIÐ/VILHELM