Fréttablaðið - 18.11.2010, Blaðsíða 78

18. nóvember 2010 FIMMTUDAGUR62
sport@frettabladid.is
HAÍTI er komið upp fyrir Ísland á styrkleikalista FIFA en nýr listi var gefinn út í
gær. Haíti hefur verið mikið í fréttum vegna þeirra náttúruhamfara sem þar hafa
gengið yfir en knattspyrnulandslið þjóðarinnar hoppaði engu að síður upp í 101.
sæti listans. Ísland er í 110. sætinu og stendur í stað frá síðasta lista.
HANDBOLTI Júlíus Jónasson, þjálf-
ari A-landsliðs kvenna, hefur valið
nítján leikmenn í íslenska lands-
liðið sem fer á æfingamót í Nor-
egi um þarnæstu helgi. Svo verður
fækkað um þrjá í hópnum og fara
sextán leikmenn Evrópumeistara-
mótið í Danmörku og Noregi í
næsta mánuði. Allir leikir Íslands
verða í Danmörku.
„Mér líst vel á þennan hóp og
eðlilega tel ég að ég hafi valið besta
hópinn sem við eigum,“ sagði Júlí-
us við Fréttablaðið í gær. „Það er
þó alltaf erfitt að standa að svona
vali og það var ekki öðruvísi núna.
Það er alveg ljóst og fullkomlega
eðlilegt að það eru einhverjir leik-
menn sem sitja eftir svekktir.“
Júlíus segir að margt þurfi að
hafa í huga við val á landsliði. „Það
er ýmislegt í þessu vali sem er ekki
auðlesið af mörgum en þannig er
það bara. Auðvitað væri betra að
hafa fleiri leikmenn en maður er
bundinn af reglunum.“
Júlíus valdi þrjá markverði í
hópinn og segir óljóst hvort hann
fari með alla þrjá til Danmerkur
eða skilji einn eftir heima.
„Ég er ekki búinn að taka endan-
lega ákvörðun hvað það varðar
enn og báðir möguleikar koma
til greina. Hér áður fyrr fóru lið
undan tekningalaust með þrjá
markverði á stórmótin en það
hefur breyst. Nú er hægt að skipta
út leikmönnum eftir riðlakeppnina
ef meiðsli koma upp og málin hafa
þróast þannig að lið gera meira af
því að fara með tvo markverði – án
þess að ég sé að gefa nokkuð upp
um hvað ég ætli að gera,“ segir
Júlíus.
Sjálfsagt eru margir leikmenn
óánægðir með að hafa ekki fengið
tækifæri til að sanna sig fyrir
þjálfaranum á æfingamótinu í Nor-
egi. „Ég er búinn að skoða marga
leikmenn og tel að ég sé nú með
bestu leikmennina sem við eigum
í hverri stöðu fyrir sig. Það eru
einnig leikmenn í hópnum sem
geta leikið fleira en eina stöðu, sem
getur líka reynst dýrmætt.“
Hann segir að liðið ætli ekki að
láta sér nægja að hafa komist inn
á Evrópumeistaramótið en það er í
fyrsta sinn sem A-landslið kvenna
kemst á stórmót.
„Við vitum að okkar riðill er
mjög erfiður en þannig er það með
alla riðlana – öll sextán liðin sem
keppa á mótinu eru mjög sterk. Við
erum litla liðið í riðlinum en það
getur líka verið kostur. Einn sigur
gæti fleytt okkur upp úr riðlinum
og draumurinn er að ná því að gera
betur en við höfum gert hingað til.
Það var frábært að komast á EM
en við viljum ekki setja punktinn
þar.“ - esá
Júlíus Jónasson hefur valið nítján leikmenn í æfingahóp A-landsliðs kvenna fyrir EM í Danmörku:
Eðlilegt að einhverjar sitji svekktar heima
VALDI EM-HÓPINN Júlíus Jónasson,
landsliðsþjálfari kvenna. FRÉTTABLAÐIÐ/VALLI
Landsliðshópurinn
Markverðir:
Berglind Íris Hansdóttir Fredrikstad BK
Guðrún Ósk Maríasdóttir Fylki
Íris Björk Símonardóttir Fram
Aðrir leikmenn:
Anna Úrsúla Guðmundsdóttir Val
Arna Sif Pálsdóttir Team Esbjerg
Ásta Birna Gunnarsdóttir Fram
Elísabet Gunnarsdóttir Stjörnunni
Hanna G. Stefánsdóttir Stjörnunni
Harpa Sif Eyjólfsdóttir Spårvagen HF
Hrafnhildur Ósk Skúladóttir Val
Karen Knútsdóttir Fram
Rakel Dögg Bragadóttir Levanger
Rebekka Rut Skúladóttir Val
Rut Arnfjörð Jónsdóttir Team Tvis
Holstebro
Sólveig Lára Kjærnested Stjörnunni
Stella Sigurðardóttir Fram
Sunna Jónsdóttir Fylki
Sunna María Einarsdóttir Fylki
Þorgerður Anna Atladóttir Stjörnunni
FÓTBOLTI Sænska félagið IFK
Göteborg horfir fram á að missa
íslenska landsliðsmanninn Ragn-
ar Sigurðsson frá sér. Félagið vill
gjarna fá annan Íslending til þess
að fylla hans skarð.
Á vefsíðu Expressen í dag er
greint frá því að miðverðirnir
Elfar Freyr Helgason og Jón
Guðni Fjóluson séu báðir undir
smásjá sænska liðsins.
„Við erum ekki eina liðið sem
vill fá þessa stráka,“ sagði Håkan
Mild, íþróttastjóri Göteborg, en
Jón Guðni hefur meðal annars
verið að æfa með PSV Eindhoven
og FC Bayern. Mörg lið í Skand-
inavíu hafa svo verið að sýna Elf-
ari Frey áhuga.
Sænska liðið mun hefja æfing-
ar á ný hinn 30. nóvember og
segir Mild að Eflar Freyr muni
mæta þá á æfingar hjá liðinu. - hbg
Sænska félagið IFK Göteborg:
Spennt fyrir
Jóni og Elfari
JÓN GUÐNI Hefur verið á faraldsfæti
síðustu vikur. FRÉTTABLAÐIÐ/STEFÁN
FÓTBOLTI Tveir leikmenn U-21 land-
liðs Íslands, þeir Alfreð Finnboga-
son og Kolbeinn Sigþórsson, björg-
uðu andliti íslenska landsliðsins
sem mætti Ísrael ytra í vináttu-
landsleik í gær. Mörk þeirra undir
lok leiksins dugðu ekki til þar sem
Ísrael vann leikinn, 3-2.
„Við vorum komnir 2-0 undir
eftir þrettán mínútur og þeir skor-
uðu svo þriðja markið á 27. mín-
útu. Þetta leit því ansi illa út hjá
okkur,“ sagði Ólafur Jóhannesson
landsliðsþjálfari eftir leikinn. „En
við náðum að koma aðeins til baka
í seinni hálfleik og bjarga andlit-
inu.“
Ísraelar skoruðu fyrsta mark-
ið eftir að Indriði Sigurðsson gaf
boltann frá sér á eigin vallarhelm-
ingi og það síðara eftir að boltinn
var einfaldlega hirtur af Her-
manni Hreiðarssyni sem var þá
aftasti varnarmaður. Omer Dam-
eri skoraði bæði mörkin en þetta
var hans fyrsti landsleikur fyrir
hönd Ísraels.
„Fyrsti tvö mörkin voru gjafa-
mörk – alger byrjendamistök,“
sagði Ólafur en þeir Indriði og
Hermann eru leikreyndustu leik-
menn íslenska landsliðsins.
Ólafur sagði fyrir leikinn að
liðið ætlaði að reyna að halda bolt-
anum betur innan liðsins og færa
sig nær marki andstæðingsins en
liðið hefur oft gert áður. Landsliðs-
þjálfarinn sagði að sú tilraun hefði
misheppnast.
„Við lentum í vandræðum. Ísra-
elsmenn eru léttleikandi,
flinkir og duglegir að
teygja á liðinu. Við breytt-
um til í seinni hálfleik og
spiluðum aðeins aftar og
þéttum miðjuna. Þá gekk
okkur mun betur,“ sagði
Ólafur.
Ísland fékk þó fín færi
í fyrri hálfleik sem liðið
náði ekki að nýta. „Stein-
þór Freyr átti skot í slá,
Kolbeinn komst einn í
gegn og Birkir fékk tvö
mjög góð færi en það féll
ekki með okkur.“
Eins og Ólafur segir
gekk Íslandi mun betur
í síðari hálfleik og var
nálægt því að jafna metin
undir lokin. „Við settum pressu
á þá undir lokin en það vantaði
herslumuninn.“
Alfreð Finnboga-
son skoraði sitt fyrsta
landsliðsmark í gær og
var vitanlega ánægður
með það. Hann skor-
aði fyrra mark Íslands
og átti stóran þátt í því
síðara.
„Ég fékk boltann á
teignum eftir horn-
spyrnu og setti hann
á nærstöngina,“ sagði
Alfreð í gær. „Ég átti
svo sendingu inn á
Steinþór Frey og hann
lagði boltann fyrir Kol-
bein sem skoraði síðara
markið,“ bætti hann
við.
„Það bætti aðeins
stöðuna. Það stefndi í niðurlægingu
en við tókum okkur saman í andlit-
inu og gátum labbað nokkuð bratt-
ir af velli,“ sagði Alfreð.
„Ég er auðvitað aldrei sáttur við
tap en miðað við stöðuna í hálfleik
var þetta fínt. Ég er ánægður með
markið en ég reyndi að nýta tæki-
færið og sýna að ég eigi heima í
landsliðinu.“
Ólafur segir ferðina hafa nýst
vel þrátt fyrir tapið. „Bæði leik-
menn og við þjálfararnir erum
reynslunni ríkari. Við prófuðum
ákveðna hluti sem okkur langaði
til að gera og það var fínt að sjá
hvernig það gekk og hvað mætti
betur fara. Þetta var góð ferð.“
eirikur@frettabladid.is
Ungu strákarnir gefa Íslandi von
Eftir skelfilega byrjun vináttulandsleiksins í Ísrael í gær þar sem tveir leikreyndustu menn Íslands gáfu tvö
mörk á silfurfati voru það ungu strákarnir sem björguðu andliti íslenska landsliðsins í Tel Aviv fyrir rest.
LAGLEGUR SAMLEIKUR Kolbeinn Sigþórsson skoraði eftir laglegan samleik við Steinþór Frey Þorsteinsson. FRÉTTABLAÐIÐ/AP
FYRSTA MARKIÐ
Alfreð Finnbogason skoraði eitt og átti
ríkan þátt í hinu marki Íslands í gær.
NORDIC PHOTOS/AFP
Það stefndi í
niðurlægingu
en við tókum
okkur saman
í andlitinu og
gátum labbað
nokkuð brattir
af velli.
ALFREÐ
FINNBOGASON
LANDSLIÐSMAÐUR
FÓTBOLTI Enska B-deildarliðið
Reading er að leita sér að styrk-
ingu og ætlar að reyna að fá lán-
aðan leikmann áður en lokað
verður fyrir lánasamninga næsta
fimmtudag.
Á vefnum Vitalfootball er því
velt upp að Brian McDermott,
stjóri Reading, sé að reyna að fá
Eið Smára Guðjohnsen lánaðan
frá Stoke City.
„Það er möguleiki að við fáum
lánaðan mann. Ég er að skoða
mjög góðan leikmann. Ef það fer
í jákvæðan farveg munum við
reyna að landa málinu,“ sagði
McDermott.
Eiður hefur ekki fengið mörg
tækifæri hjá Stoke City í vetur og
spurning hvort hann sé tilbúinn
að íhuga að fara annað að láni.
- hbg
Eiður Smári Guðjohnsen:
Orðaður við
Reading
GEGN UNITED Eiður Smári í baráttu við
Patrice Evra í leik Stoke og Manchester
United. NORDIC PHOTOS/AFP
HANDBOLTI Þjálfarar meistara-
flokka karla og kvenna hjá Hauk-
um voru í gær dæmdir í leik-
bann á fundi Aganefndar HSÍ en
leikbönnin koma þó ekki til með
að hafa áhrif á störf þeirra með
sínum liðum sínum í N1-deild
karla og kvenna.
Báðir fengu bann fyrir
óíþróttamannslega framkomu:
Halldór Ingólfsson, þjálfari
karlaliðsins, fyrir leik í 3. flokki
karla þar sem hann var skráður
starfsmaður en Einar Jónsson,
þjálfari kvennaliðsins, fyrir úti-
lokun í leik með Haukum 2 í bikar-
keppninni. - óój
Þjálfarar Hauka:
Báðir í bann