Kylfingur - 24.04.1989, Blaðsíða 38

38
KYLFINGUR
FRÁ VALLARNEFND
Vegna fjárfrekra framkvæmda og
fjárfestinga síðust ára verða fram-
kvæmdir á völlum GR ekki ýkja mikl-
ar á sumri komanda. Þeim mun meiri
áhersla verður lögð á hirðingu og allt
kapp lagt á að hafa hana sem besta.
Golfklúbbi Reykjavíkur hefur ver-
ið úthlutað mýrinni norðan við 18.
braut, svæðinu milli golfvallarins og
Laxalóns, að undanskildum einum
hektara, sem er í einkaeign. Á næstu
mánuðum verður þetta svæði skipu-
lagt. Þarna eru möguleikar á að leggja
9 holu völl, eða æfingasvæði og e. t. v.
6 eða 9 styttri brautir. Hugsanlega
verður hægt að byrja grunnfram-
kvæmdir i haust (s.s að slétta svæðið
og grafa skurði til þess að þurrka það).
Æfingaaðstöðu er ábótavant. Sér-
staklega vantar góða æfingaflöt til
þess að æfa pútt og vipp. Ráðgert er
að bæta úr þessu á næsta ári með
byggingu myndarlegrar æfingaflatar
(sem hugsanlega verður staðsett í
námunda við lst teig), en til þess að
brúa bilið í sumar verður gamla æf-
ingaflötin (hjá áhaldahúsi) stækkuð
og löguð. Til þess að hafa hana sem
besta fyrir pútt verður eingöngu leyft
að pútta og vippa, öll lengri högg inn
á haná eru bönnuð, og eru félagar
beðnir um að gefa þessu gaum. Æf-
ingaflöt á stalli við skála verður einn-
ig löguð svo og sandglompu- og vipp-
flöt norðan 18. flatar.
Önnur vinna við Grafarholtsvöll-
inn verður sem hér segir. Viðhald teiga
og flata (götun, skurður, toppdress-
un, viðgerðir), grjóthreinsunbrauta,
lagfæring göngustíga, hellulagning
við skála (í sambandi við kerru-
geymslu). Þá verður gengið frá
áhaldahúsi og vinnusvæði i kringum
það. Snemma í júní verða flatir gatað-
ar. En götun er nauðsynleg viðhalds-
aðgerð til þess að viðhalda góðum rót-
arvexti í flötum, jarðvegurinn þjapp-
ast af stöðugum ágangi manna og
véla, en þetta veldur því, að grasræt-
urnar hætta að geta vaxið niður, og
vatn og áburður komast ekki niður í
rótarsvæðið. Reynt verður að trufla
leik kylfinga sem minnst, en félagar
eru beðnir um að sýna þessari vinnu
skilning.
Á Korpúlfsstöðum verða lagfærð-
ar flatir á 2, 4, 5, 8 og 11, hér er um
minniháttar aðgerðir að ræða, nema
á4. flöt,en flettaþarf ofanafstórum
hluta hennar og slétta það. Teigar
verða stækkaðir og lagaðir. Grafnar
verða 3-5 sandglompur, þá einkum til
þess að þurrka frekar en að gera völl-
inn erfiðari. Útbúin verður æfingaflöt
og æfingaglompa. Æfingabrautin
verður stækkuð og teigstæði lagfært.
Þeir sem starfa að golfvallarmálum
hafa orðið áþreifanlega varir við það,
hve kröfur kylfinga hafa aukist á síð-
ustu árum. Þetta er ósköp eðlilegt, því
að margirkylfingar hafa leikið erlend-
is á ,,teppafínum“ flötum og heimta
það sama heima fyrir. Þá eru sýndir á
sjónvarpsstöðvunum hvanngrænir og
glæsilegir vellir, sem okkar vellir
standast ekki í samanburði. Við verð-
um hins vegar að horfast í augu við
hnattstöðu okkar, gróður á oft og ein-
att erfitt uppdráttar i íslensku veður-
fari. Flatirnar eru og verða okkar
stærsta vandamál, en með réttri upp-
byggingu, vökvun, áburði og umönn-
un mun okkur takast að öðlast góðar
flatir. Þettatekurþósinn tíma, ogvið
verðum að sýna þolinmæði og gera
sanngjarnar kröfur. Reynum að sjá
jákvæðu hliðarnar, nöldur og óþarfa
aðfinnslusemi grefur undan vellíðan!
Ekki er þó verið að æskja þess, að
kylfingar loki augunum fyrir því sem
miður fer, vallarnefnd fer þvert á móti
fram á það, að ábendingum, hug-
myndum og kvörtunum sé komið á
framfæri, þannig að hægt sé að ræða
málin og leysa úr þeim. Þetta verður
hægt að gera skriflega i svokallaðan
hugmyndakassa, sem verður að finna
i kjallara, eða á hálfsmánaðarlegum
fundum í stjórnarherbergi, þar sem
hægt verður að hitta vallarstjóra eða
vallarformann og stjórnarmann til
þess að ræða allt sem viðkemur klúbbi
og völlum. Þessir fundir eru fyrir-
hugaðir á miðvikudögum frá kl.
17-19 og verða auglýstir nánar
síðar.
Af gefnu tilefni eru kylfingar
áminntir um það, að œfingará lertgri
höggum á 18. braut eru bannaðar
vegna hættu og óþæginda, sem af
þessu skapast fyrir aðra kylfinga.
Lengri högg verða kylfingar að æfa á
æfingabrautinni í Grafarholti eða
æfingabraut á Korpúlfsstöðum. í
sumar verður helmingur æfinga-
brautar í Grafarholti frátekinn fyrir
meðlimi, og þó þröngt sé oft á þingi,
þá ættu allir með góðum vilja og
skipulagningu að geta komist að og
æft sig.
Umgengni á völlum GR hefur ver-
ið miður góð, svo vægt sé til orða
tekið. í fyrra tók stjórn klúbbsins og
vallarstarfsmenn harðari afstöðu
gegn slæmri umgengni, og í sumar
verður baráttunni haldið áfram. Þessi
barátta er þó vonlaus, nema kylfingar
sameinist og hjálpi hver öðrum að
ganga vel um völlinn sinn. Það þarf
ekki marga sóða, sem setja aldrei
torfusnepla í förin, raka ekki sand-
glompur, henda rusli hvar sem er og
gera ekki við boltaför á flötum, til þess
að eyðileggja ánægjuna fyrir fjöld-
anum. En ef hver og einn tekur ábyrgð
á vellinum sínum verður fljótt hægt að
útrýma öllum sóðaskap.
Eftir að vökvun flata hófst hefur
komíð berlega í ljós, hvað margir
hirða ekki um að gera við boltaför á
flötum, flatirnar eru mýkri og förin
verða því dýpri en ella og sjáanlegri.
Á mánudegi mátti iðulega telja 100 -
200 óviðgerð förá 18. flöt einni saman
eftir leik helgarinnar! Það er mjög
mikilvægt að gera við boltaför strax,
ef það er gert sjást þess ekki merki
daginn eftir, en sé það látið ógert í 2
-3 daga deyr grasið, lítil dæld mynd-
ast, og flötin verður smám saman
óslétt. Það er því allra hagur, að
gengið sé vel um flatirnar og völlinn
allan. Tökum okkur því tak og látum
ekki slæma umgengni rýra vellina
okkar, gróðurfarið og veðráttar eru
okkur nógu erfið.
GÖNGUM VEL UM VELLINA
OKKAR GLEÐILEGT
GOLFSUMAR!