Fréttablaðið - 22.11.2010, Blaðsíða 6
6 22. nóvember 2010 MÁNUDAGUR
það mun valda því að fólki á fjár-
hagsaðstoð fjölgar og hægjast
mun á því að fólk sæki út á vinnu-
markaðinn,“ sagði í bókun Geirs
og Áslaugar, sem kváðu virkni-
úrræði til að efla sjálfshjálp vera
raunverulega aðstoð við að brjótast
út úr fátækt. Því ætti að nýta pen-
ingana í svokölluð virkniúrræði og
önnur atvinnuskapandi úrræði.
Björk Vilhelmsdóttir, formaður
velferðarráðs,
segir mikla þver-
pólitíska sam-
stöðu vera um
virkni úrræði.
„Þau eru í gangi
núna og verða á
næsta ári og það
eru lagðir tölu-
verðir peningar í
það en við getum
ekki látið það
verða á kostnað grunn framfærsl-
unnar. Við sem unnum að þessum
tillögum vorum sammála um að
hún var of lág og að ekki sé hægt að
lifa af 125.500 krónum og ákváðum
að fara upp að atvinnuleysis bótum
sem nú eru 149.500. Ég vona að
þetta skref okkar verði til þess að
hækka lægstu laun og atvinnuleysis-
bætur,“ segir for maður velferðar-
ráðs. gar@frettabladid.is
Umvafin öryggi
hjá sérfræðingum Skyggnis
Borgartúni 37 | 105 Reykjavík | Sími 516 1000 | skyggnir.is
Hafðu samband við söluráðgjafa Skyggnis til að fá frekari upplýsingar.
Síminn er 516 1000 og netfangið: sala@skyggnir.is
H
2
H
Ö
N
N
U
N
Skyggnir - Sérfræðingar í upplýsingaöryggi
Gögnin mín eru örugg því
Skyggnir tryggir mér:
FÉLAGSMÁL Sjálfstæðismenn í vel-
ferðarráði Reykjavíkur gagnrýna
samþykkt meirihluta Besta flokks-
ins og Samfylkingarinnar um að
hækka fjárhagsaðstoð til þeirra
sem ekki eiga rétt til atvinnuleysis-
bóta eða aðeins hluta atvinnuleys-
isbóta.
„Það er umhugsunarvert þegar
ráðstöfunartekjur þeirra sem eru
á fjárhagsaðstoð eru orðnar hærri
en þeirra sem hafa atvinnuleysis-
bætur, og jafnháar ráðstöfunar-
tekjum þeirra sem vinna fyrir
lægstu launum,“ bókuðu sjálf-
stæðismennirnir Geir Sveinsson
og Áslaug Friðriksdóttir á síðasta
fundi velferðarráðs. Á fundinum
samþykktu fjórir fulltrúar meiri-
hluta Besta flokksins og Samfylk-
ingarinnar að auka fjárhagsaðstoð
um samtals 350 milljónir króna.
Tillaga Geirs og Áslaugar um að
verja að minnsta kosti þriðjungi
af upphæðinni í svokölluð virkni-
úrræði var felld.
Geir og Áslaug sögðu samanburð
á ráðstöfunartekjum þeirra sem
eru á fjárhagsaðstoð, atvinnuleysis-
bótum og á vinnumarkaði sýna að
fjárhagslegur hvati til að sækja út á
vinnumarkaðinn þurrkaðist út með
hækkun fjárhagsaðstoðar um nítj-
án prósent. Munur á ráðstöfunar-
tekjum launamanns með tæplega
200 þúsund króna mánaðarlaun
og þess sem væri á fjárhagsaðstoð
yrði í raun lítill sem enginn.
„Í því ástandi sem nú ríkir, þar
sem almennt er talið erfitt að finna
sér vinnu og nokkuð vonleysi ríkir
almennt, er alls ekki heppilegt
að jafna fjárhagsaðstoð við stöðu
þeirra sem lægstu launin hafa því
Hærri fjárhagsaðstoð
sögð eyða vinnuhvata
Sjálfstæðismenn í velferðarráði Reykjavíkur segja fjárhagslegan hvata til að
finna vinnu hverfa með jöfnun fjárstyrkja félagsþjónustunnar við tekjur þeirra
lægstlaunuðu. Formaður velferðarráðs segist vona að lægstu launin hækki.
BJÖRK
VILHELMSDÓTTIR
ÁSLAUG
FRIÐRIKSDÓTTIR
GEIR SVEINSSON
Fulltrúi Vinstri grænna, Þorleifur Gunnlaugsson, sagði
á fundi velferðarráðs að meirihluti borgarstjórnar væri
að ganga á bak orða sinna um það að færa notendur
fjárhagsaðstoðar yfir lágtekjumörk.
„Verði þessi leið farin er hún hvati til undirheimaver-
aldar hjónaskilnaða, sambúðarslita og þess að fólk skrái
sig til heimilis annars staðar en það býr. Sömuleiðis
munu tillögurnar, nái þær fram að ganga, hindra fátækt
fólk í viðleitni til að gera lífið bærilegra með hagræð-
ingu sem byggir á samvinnu og samnýtingu húsnæðis,“
bókaði Þorleifur.
Björk Vilhelmsdóttir, formaður velferðarráðs, segir að
ef fjárhagsaðstoðin hefði farið að lágtekjumörkum nú hefði grunnframfærsla
einstaklinga orðið 157 þúsund krónur. „Þar með hefðu allir atvinnulausir átt
rétt á viðbótarframfærslu frá Reykjavíkurborg og þá værum við komin langt
út fyrir þann ramma sem fjárhagsaðstoð sveitarfélags er,“ segir Björk.
Sviku að hækka til jafns við lægstu laun
ÞORLEIFUR
GUNNLAUGSSON
LÖGREGLUMÁL Fangageymslur á
höfuðborgarsvæðinu voru svo til
fullar í gær eftir skemmtanahald
helgarinnar.
Á laugardagskvöld var par flutt
á slysadeild með nokkra áverka
eftir að hópur manna veittist að
þeim rétt við Hlemm. Þrír mann-
anna flúðu á braut en náðust síðar
og biðu í gær yfirheyrslu.
Ungur ökumaður var stöðvaður
á Sæbrautinni aðfaranótt sunnu-
dags vegna hraðaksturs. Maður-
inn var með eins dags gamalt öku-
skírteini. - sm
Ráðist á par í Reykjavík:
Ekkert pláss í
fangageymslum
BANDARÍKIN, AP Hillary Clinton,
utanríkisráðherra Bandaríkj-
anna, segir að yfirvöld í Banda-
ríkjunum eigi
að takmarka
þau óþægindi
sem fylgi hert-
um öryggis-
reglum á
bandarískum
flugvöllum. Nú
þurfa farþegar
meðal annars
að gangast
undir líkamsleit
áður en farið er í flug.
Clinton segir þörf fyrir aukið
eftirlit á flugvöllum en að tak-
marka eigi þann fjölda fólks sem
þurfi að gangast undir líkamsleit.
„Líkamsleitirnar þurfa að vera
hnitmiðaðar og sársaukalausar,“
sagði hún. - sm
Aukið eftirlit á flugvöllum:
Clinton varar
við líkamsleit
Landeyjahöfn lokuð
Herjólfur siglir frá Vestmannaeyjum
til Þorlákshafnar í dag, mánudag,
vegna ófullnægjandi hafnarskilyrða
í Landeyjahöfn. Siglt hefur verið til
Þorlákshafnar síðan á föstudag. Fyrir
helgi kynntu fulltrúar Siglingastofn-
unar ráðherra samgöngumála tillögur
stofnunarinnar um aðgerðir við
Landeyjahöfn.
SAMGÖNGUR
HILLARY CLINTON
Fagna landsins elsta orgeli
Orgelið í Landakotskirkju varð sextíu
ára hinn 7. nóvember síðastliðinn.
Orgelið er með elstu orgelum
landsins og hófst smíði þess í Kaup-
mannahöfn skömmu eftir stríð árið
1946. Hljóðfærið var vígt árið 1950.
Sif Knutsen, formaður orgelnefndar
Landakotskirkju, segir orgelið vera eitt
hið hljómfegursta hér á landi. „Þar
kemur saman hljómburður kirkjunn-
ar og góð smíði,“ segir hún. Í tilefni
afmælisins verða haldnir tónleikar á
miðvikudagskvöld klukkan átta.
KIRKJUMÁL
HJÁLPARSTARF Tveir starfsmenn á
vegum Rauða kross Íslands eru
nú við hjálparstörf í Pakistan og
sá þriðji bætist við í vikunni. Í til-
kynningu frá Rauða krossinum
segir að þremenningarnir starfi
næstu misseri við neyðarverkefni
vegna flóðanna sem ollu búsifjum
á um 70 prósentum alls landsvæðis
í Pakistan í ágúst og september.
„Um ein milljón manna er enn
heimilislaus af völdum flóðanna
og mun hafast við í tjöldum nú
þegar vetur gengur í garð,“ segir
í tilkynningu Rauða krossins.
Lilja Óskarsdóttir hjúkrunar-
fræðingur og Jóhannes Sigfús-
son lögregluvarðstjóri eru þegar
ytra. Hrafnhildur Sverrisdóttir
fer utan í næstu viku til starfa sem
samskiptafulltrúi. Í starfi hennar
felst meðal annars aðstoð við íbúa
sem hafa orðið illa úti vegna vopn-
aðra átaka.
„Alþjóða Rauði krossinn ótt-
ast mikla neyð í Pakistan í vetur
vegna matarskorts, en flóðin eyði-
lögðu uppskeru allra helstu land-
búnaðarhéraða landsins. Rauði
krossinn hefur því aukið neyðar-
beiðni sína og kallar nú eftir
fimmtán milljörðum króna til
að mæta þörf tveggja milljóna
manna,“ segir Rauði kross Íslands.
- gar
Rauði kross Íslands sendir þrjá hjálparstarfsmenn til aðstoðar á flóðasvæðum:
Óttast neyð í Pakistan í vetur
Á VETTVANGI Hrafnhildur Sverrisdóttir,
er í miðið á þessari mynd frá Afganistan.
SJÁVARÚTVEGUR Íslendingar mega
veiða 6.390 tonn af þorski, 1.278
tonn af ýsu og 639 tonn af öðrum
tegundum á Smugusvæðinu í
Barentshafi á næsta ári, sam-
kvæmt samningi við Norðmenn
og Rússa frá árinu 1999. Að auki
eiga íslenskar útgerðir rétt á að
kaupa 2.396 tonna þorskkvóta á
svæðinu.
Nefndir íslenskra og rússneskra
stjórnvalda um samstarf á sviði
sjávarútvegs hittust í Reykjavík í
vikunni og ræddu samstarf á sviði
veiðieftirlits og hafrannsókna og
stjórnun veiða úr sameiginlegum
stofnum úthafskarfa, kolmunna,
norsk-íslenskrar síldar og makríls.
Íslendingar lögðu áherslu á að ná
samkomulagi um stjórnun úthafs-
karfaveiða sem byggðist á vísinda-
þekkingu og ráðgjöf.
Í tilkynningu frá sjávarútvegs-
ráðuneytinu segir að Rússar hafi
verið sammála Íslendingum um
mikilvægi þess að sem fyrst
næðust samningar um makríl-
veiðar sem tryggðu sjálfbæra
nýtingu stofnsins.
- pg
Íslendingar og Rússar ræða samstarf um sjávarútveg:
Þorskkvóti Íslands í Smugunni
verður 6.390 tonn á næsta ári
SMUGUSVÆÐIÐ Íslendingar deildu við Rússa og Norðmenn um rétt til veiða í
Barentshafi um miðjan síðasta áratug og náðu samningum árið 1999.
Telur þú að saklaust fólk hafi
verið dæmt í Geirfinnsmálinu?
Já 86,2
Nei 13,8
SPURNING DAGSINS Í DAG
Hlakkar þú til aðventunnar?
Segðu skoðun þína á vísir.is
KJÖRKASSINN