Kylfingur - 01.05.2007, Blaðsíða 51
- hjá íslensku keppendunum á BMW Golf Cup International
„Þetta var eins og að sjá villtustu
drauma manns rætast. Ég hef aldrei
áður upplifað neitt stórkostlegra og
mun líklega ekki upplifa neitt í líkingu
við þetta aftur.“ Annel Jón Þorkelsson,
á augljóslega í erfiðleikum með að finna
nógu sterk orð til að lýsa ferð sinni til
Suður-Afríku, en þar tók hann þátt í
World Final úrslitakeppni BMW Golf
Cup International í desember sl.
Keppt í þremur flokkum
Annel hélt utan ásamt sigurvegumm
í B-flokki karla og kvennaflokki, þeim
Jóhanni Guðmundssyni og Ingunni
Einarsdóttur, en auk þessara tveggja er
keppt í A-flokki karla, sem var jafhframt
sigurflokkur Annels. Ingunn varð reyndar í
2. sæti mótsins, sem fór fram hjá GKG 12.
ágúst í fyrra, en hafði „verðlaunaskipti“
við Hansínu Þorkelsdóttur, sigurvegara
kvennaflokksins. Hansína hafði keppt
fyrir íslands hönd á World Final mótinu
árinu áður, sem fór það árið fram í
Ástralíu, og eins og títt er um stórmót í
áhugagolfinu mega keppendur ekki taka
þátt í úrslitum tvö ár í röð. Hansína fór þó
ekki tómhent heim, þar sem verðlaun fyrir
annað sætið var ferðavinningur fyrir tvo
með Icelandair.
Stærsta alþjóðlega mót
áhugakylfinga
BMW Golf Cup Intemational fór
fram í ijórða sinn hér á landi í fyrra.
Um 200 áhugakylfmgar skráðu sig
til leiks, en mótið hefur að því leyti
sérstöðu í mótaflóra sumarsins að það
er jafnframt úrtökumót fyrir World
Final lokakeppnina. Þetta er jalhframt
stærsta mótaröð heims í áhugagolfi, með
úrtökumót í yfir 40 löndum og samtals
um 100.000 þátttakendur. Fyrirkomulagið
er alltaf það sama. Keppt er í tveimur
styrkleikaflokkum karla og kvennaflokki
og etja síðan sigurvegarar hvers þátt-
tökulands kappi í úrslitakeppninni, sem
er háð bæði í einstaklings- og liðakeppni.
íslensku liðunum hefúr vegnað vel og
hafa þau allt frá því að ísland tók fyrst
þátt á árinu 2003 verið um eða fyrir ofan
miðju. Þá hefúr Hansína náð besta árangri
af íslensku þátttakendum til þessa, en hún
hlaut verðlaun fyrir lengsta upphafshögg í
kvennaflokki í Ástraliu í hitteðfyrra.
Konunglegar móttökur
BMW Golf Cup Intemational fer svo
fram í fimmta sinn hér á landi hjá GR
á Grafarholtsvellinum 18. ágúst nk. í
49 ♦ KYLFINGUR