Fréttablaðið - 29.11.2010, Blaðsíða 2

2 29. nóvember 2010 MÁNUDAGUR
Þóra, lyftirðu þér eitthvað upp
í tilefni sigursins?
„Já, ég tók reyndar eina upphífingu
þegar ég kom heim á upphífingar-
stönginni minni.“
Þóra Þorsteinsdóttir vann keppnina um
sterkustu konu landsins sem haldin var
í Mosfellsbæ á dögunum. Þóra er með
lyftingastöng, bekkpressubekk, heima-
smíðaðan hnébeygjurekka og fleira til á
heimilinu.
FÓLK Ljós Oslóartrésins á Austur-
velli voru tendruð í gærdag að
viðstöddu fjölmenni en ellefu ára
gamalli, norsk-íslenskri stúlku,
Emblu Gabríelu Børgesdóttur
Wigum, hlotnaðist sá heiður að
kveikja ljósin. Norðmenn hafa
gefið Íslendingum grenitré í nær
sextíu ár og haldið hefur verið
upp á gjöfina í mörg ár með leik
og söng.
Áður en ljós trésins voru tendr-
uð lék Lúðrasveit Reykjavíkur
jólalög og Dómkórinn söng.
Auk þess sem ljósin skreyttu
tréð prýddi jólaórói Styrktar-
félags lamaðra og fatlaðra 2010
tréð eins og fyrri óróar félagsins
hafa gert síðustu árin. - jma
Jólahátíð á Austurvelli:
Nær sextíu ára
gömul hefð
MIKIÐ UM DÝRÐIR Reykvíkingar fjöl-
menntu á Austurvöll í gærdag þegar ljós
Oslóartrésins voru tendruð.
FRÉTTABLAÐIÐ/VALLI
NEYTENDUR Komið hefur upp
grunur um salmonellu í ferskum
kjúklingi frá Matfugli ehf.
Fyrirtækið hefur kallað inn
vörur með rekjanleikanúmerum
011-10-42-2-01 og 215-10-42-1-04
og dreifing á vörunni stöðvuð.
Í tilkynningu frá fyrirtækinu
kemur fram að frekari rannsókna
sé þörf til að staðfesta smitið.
Hafi fólk keypt ferskan kjúkl-
ing er það beðið um að gæta að
rekjanleikanúmerinu og skila þá
kjúklingnum í viðkomandi versl-
un eða beint til Matfugls. - sv
Grunur um salmonellu:
Matfugl kallar
inn kjúkling
DÓMSMÁL Héraðsdómur Reykja-
ness hefur dæmt Andra Vilhelm
Guðmundsson í tveggja og hálfs
árs fangelsi og Gunnar Jóhann
Gunnarsson í tveggja ára fangelsi
fyrir fjölmörg brot, þar á meðal
frelsissviptingu og líkamsárás.
Andri og Gunnar Jóhann mis-
þyrmdu fórnarlambi sínu, lokuðu
inni í skáp með sterkri ljósaperu
hangandi yfir höfði þess, hertu
lykkju að hálsi þess og hótuðu
lífláti. Mennirnir voru að inn-
heimta fé sem þeir töldu sig eiga
hjá fórnarlambinu vegna fíkni-
efna.
Þrír aðrir menn komu að mál-
inu en hlutu vægari dóma. - jss
Frelsissvipting og árás:
Í fangelsi eftir
handrukkkun
FÓLK Ekki hefur verið tekin endan-
leg ákvörðun um hvort Gunnar Þor-
steinsson, forstöðumaður Krossins,
muni víkja í það minnsta tímabund-
ið, í ljósi ásakana á hendur honum
um kynferðislega áreitni.
Fimm konur hafa stigið fram
á síðustu dögum og sakað Gunn-
ar um kynferðislega áreitni, þar
af hafa fjórar komið fram undir
nafni. Sú fjórða, Jóhanna Sig-
rún Jónsdóttir, birti yfirlýsingu á
Pressunni í gær, en ásakanir henn-
ar á hendur Gunnari höfðu hing-
að til verið nafnlausar. Hin meintu
kynferðisbrot áttu sér stað þegar
konurnar voru börn eða ungling-
ar að aldri og eru öll fyrnd að
lögum.
Stjórn Krossins fundaði um
málið í gær og segir Sigurbjörg
Gunnarsdóttir, talsmaður Kross-
ins, stjórnarmeðlimur og dóttir
Gunnars, ekki útilokað að faðir
hennar víki sem forstöðumaður á
meðan málið er í skoðun.
„Jú, það kemur alveg til greina.
En það er ekki búið að taka endan-
lega ákvörðun,“ segir hún. Sigur-
björg segir jafnframt að fjölskyld-
an muni leita réttar síns vegna
málsins.
„Við erum með ákveðin gögn
undir höndum og erum að bíða
eftir lögfræðingum okkar. Þetta
eru mjög alvarlegar ásakanir og
við þeim verður brugðist.“
Jónína Benediktsdóttir, eigin-
kona Gunnars, segir ásakanirn-
ar mjög alvarlegar, hvern svo sem
málið varði.
„Það skiptir engu máli hvaða
maður á í hlut. Hann þarf auð-
vitað aðeins að stíga til hliðar á
meðan verið er að vinna í málinu.
En Krossinn er náttúrulega Gunn-
ar. Það er mjög erfitt að loka bara
húsinu, við þurfum að ræða hvern-
ig farið verður að því,“ segir Jón-
ína. Hún tekur undir orð Sig-
urbjargar og segir að þau muni
leita lagalegs réttar síns. „Þessar
konur þurfa að fá áheyrn og við
viljum gera allt til þess að það ger-
ist. Þær eru að fremja mjög alvar-
legt lögbrot.“ Hún segir gríðar-
lega jákvæða hreinsun hafa átt sér
stað innan safnaðarins á síðustu
dögum.
Jónína hélt predikun á samkomu
Krossins í gær. Öll börn Gunnars
töluðu einnig við samkomugesti,
ásamt Gunnari og fleiri gestum.
Varðandi það að fjölskylda hennar
og Gunnars séu öflug innan safn-
aðarins segir Jónína:
„Já, við tökum bara boltann. Það
er ástæða fyrir því að ég er komin
hingað inn. Ég hef verið að pre-
dika hér mikið. Ég bara tek bolt-
ann á meðan hann er að vinna sig
út úr þessu.“
Gunnar segir fleiri munu koma
ákvörðuninni um það hvort hann
víki. Spurður hvort eiginkona hans
taki við sem forstöðumaður víki
hann var svarið: „Nei. Það er ekki
í bígerð.“ sunna@frettabladid.is
Staða Gunnars hjá
Krossinum í óvissu
Það mun koma í ljós á næstu dögum hvort Gunnar Þorsteinsson, forstöðumað-
ur Krossins, víkur vegna ásakana um kynferðisbrot. Stjórn safnaðarins fundaði
um málið í gær. Fjölskyldan hyggst leita réttar síns vegna ásakananna.
JÓNÍNA OG GUNNAR Það mun koma í ljós á næstu dögum hvort forstöðumaður
Krossins mun víkja. FRÉTTABLAÐIÐ/VILHELM
Þessar konur þurfa
að fá áheyrn og við
viljum gera allt til þess að
það gerist. Þær eru að fremja
mjög alvarlegt lögbrot.
JÓNÍNA BENEDIKTSDÓTTIR
EFNAHAGSMÁL MP banki hefur
ekki birt uppgjör fyrir fyrri
helming ársins. Eigið fé bank-
ans er undir þeim mörkum sem
Fjármálaeftirlitið (FME) hefur
sett honum, en bankinn hefur
sent uppgjör sitt þangað til yfir-
ferðar. Þetta kom fram í frétt-
um RÚV í gærkvöldi.
Í yfirlýsingu frá bankanum
kemur fram að stjórnendur og
stjórn bankans séu sammála
FME um að eigið fé bankans
þurfi að styrkja. Vinnan við
öflun eigin fjár gangi vel og
niðurstöður eigi að liggja fyrir í
lok desember.
„Lausafjárstaða bankans er
sú sterkasta meðal íslenskra
innlánsstofnana og samkvæmt
lögum um fjármálafyrirtæki
uppfyllir bankinn skilyrði um
lágmarks eigið fé og hefur allt-
af gert,“ segir Ragnar Þórir
Guðgeirsson, stjórnarformaður
MP banka, í yfirlýsingunni.
- sv
MP banki skilar ekki uppgjöri:
Eigið fé banka
undir lágmarki
EFNAHAGSMÁL Niðurstöðu úr viðræðum ríkisstjórnar-
innar við banka og lífeyrissjóði um aðgerðir til
hjálpar heimilunum er að vænta um miðja vikuna.
Viðræðurnar byggja að mestu leyti á hugmyndum
sérfræðingahóps um skuldavanda heimilanna sem
forsætisráðherra skipaði. Samkvæmt heimildum
Fréttablaðsins hefur meðal annars verið rætt um
hækkun vaxtabóta og bætta skuldaaðlögun.
Fimm ráðherrar ríkisstjórnarinnar hittu í gær
fulltrúa lífeyrissjóða og banka þar sem farið var
yfir hugmyndirnar.
„Við vonumst til að sjá til lands í þessu máli en
með hvaða hætti niðurstaðan verður geri ég mér
ekki grein fyrir því þetta er bæði flókið og erfitt,“
segir Arnar Sigurmundsson, formaður Landssam-
taka lífeyrissjóðanna.
Guðjón Rúnarsson, framkvæmdastjóri fjármála-
fyrirtækja, segir jákvæðan vilja hjá aðilum til að ná
saman í þessum málum. - kh
Ráðherrar funduðu með fulltrúum banka og lífeyrissjóða um helgina:
Hærri vaxtabætur í skoðun
HEIMILIN Í LANDINU Rætt var um aðgerðir til hjálpar heimil-
unum á fundi fimm ráðherra og fulltrúa banka og lífeyrissjóða
um helgina. FRÉTTABLAÐIÐ/GVA
ÍRLAND Fjármálaráðherrar þeirra
ríkja sem eiga aðild að evrusam-
starfi náðu samkomulagi seinni
partinn í dag um fjárhagsaðstoð
við Írland. Upphæðin nemur 85
milljörðum evra.
Um 35 milljörðum evra verður
varið í bankakerfið en um 50
milljarðar fara í rekstur ríkis-
sjóðs.
Lánið er veitt með 5,8 prósenta
vöxtum. - jhh
Írland fær fjárstuðning:
Fá lánaða 85
milljarða evra
FÓLK Tólf ára gömul stúlka frá Akureyri, Helga
Sigríður Sigurðardóttir, missti meðvitund í skól-
anum að loknum sundtíma síðastliðinn miðviku-
dag. Helga Sigríður hefur dvalið á gjörgæsludeild
Landspítalans í hjarta- og lungnavél síðan þá en
var flogið til Gautaborgar í gærdag þar sem hún
verður áfram tengd gervihjarta um sinn. Talið er
að Helga Sigríður hafi fengið hjartaáfall í sund-
lauginni en hjarta hennar hlaut mikinn skaða.
„Flugið gekk rosalega vel, með engum uppá-
komum, en um sinn mun Helga Sigríður vera
tengd við gervihjarta meðan hennar hjarta er að
gróa því það er illa farið. Þetta er langhlaup en
hjartaígræðsla í því skyni að hún fái algerlega
nýtt hjarta er ekki endilega næsta skref,“ segir
Jón Gísli Egilsson, móðurbróðir Helgu Sigríð-
ar. „Annars er allt frekar óljóst á þessari stundu
með næstu skref. Foreldrar hennar eru komnir
út og ég býst við að við nánustu aðstandendur
skiptumst á að fara út.“
Helga Sigríður fann til óþæginda í sundtíma,
bað um fá að fara upp úr og í búningsklefanum
kastaði hún upp og stuttu síðar missti hún meðvit-
und. Söfnun hefur verið hrundið af stað til styrkt-
ar fjölskyldu Helgu Sigríðar. Söfnunarnúmer er
0565-26-110378, kennitala 180470-3449. - jma
Tólf ára gömul stúlka hné niður í búningsklefa eftir skólasundtíma á Akureyri:
Tengd við gervihjarta um sinn
FLOGIÐ TIL GAUTABORGAR Sænsk læknasveit sótti Helgu
Sigríði Sigurðardóttur á Landspítalann í gær og fylgdi henni
áfram til Gautaborgar.
SPURNING DAGSINS
s: 528 2000
Sígild ævintýri
með geisladiskum
Flipar á
hverri opnu!