Fréttablaðið - 29.11.2010, Blaðsíða 6

6 29. nóvember 2010 MÁNUDAGUR
SVEITARSTJÓRNIR Laun bæjarstjóra
Hveragerðis, Aldísar Hafsteins-
dóttur, lækka um þrjú prósent
með nýjum ráðningarsamningi.
Í stað fastra
yfirvinnu-
greiðslna fer
bæjarstjórinn
á föst laun. Það
sama gildir
um laun skóla-
stjóra grunn-
skólans.
Fulltrúi
minnihluta A-
listans sagði í
bæjarráði að breytingin rímaði
vel við tillögur minnihlutans frá
því í vor. „Þetta breytir þó engu
um fyrri afstöðu minnihlutans,
sem telur að launakjör bæjar-
stjórans séu í engu samræmi við
launakjör annarra starfsmanna
bæjarins og bága fjárhagsstöðu,“
sagði í bókun fulltrúa minni-
hlutans, sem sagði í vor að laun
bæjarstjórans með hlunnindum
næmu 1.050.000 krónum. - gar
Fiskikóngurinn • Sogavegi 3 • sími 587 7755
Fiskfars
550 kr.kg
Humarsoðið frá Hornafirði er
komið, alvöru humarsoð, engin
aukaefni né litarefni.
Fiskhakk
Fiskbollur
899 kr.kg
Siginn fiskur frá
Bolungarvík.
Sjáumst eldhress
á eftir.
790 kr.kg
www.rauttnef.is
HORFÐU
Á ÞÁTTINN
3. DES
Í OPINNI
DAGSKRÁ
Á STÖÐ 2
LÁTTU EKKI RIGNA UPP
Í NEFIÐ Á ÞÉR!
Rauðu nefin fást í verslunum
Hagkaups og Bónuss og í
útibúum Íslandsbanka
ALÞINGI Frumvarp til laga um rann-
sókn á starfsemi fjármálafyrirtækja
á tímabilinu frá október 2008 til
ársloka 2009 er nú til umfjöllunar í
viðskiptanefnd.
Í greinargerð þess segir að
ýmsar sögusagnir hafi gengið um
ósamræmd og ógagnsæ vinnu-
brögð af hálfu fjármálafyrirtækja
og hafi margir leitt að því líkur að
viðskiptavinum hafi verið mismun-
að og hvorki hugað að samkeppnis-
né jafnræðissjónarmiðum. Mark-
mið frumvarpsins er að leiða hið
sanna í ljós.
Í Fréttablaðinu á fimmtudag var
fjallað um fjölda rannsókna sem
þingmenn hafa lagt til að ráðist
verði í. Þar láðist að geta ofan-
greinds frumvarps. - bþs
Lagt til að nefnd verði sett á fót sem skoði verklag og ákvarðanatöku bankanna:
Rannsaki sögusagnir um mismunun
Þriggja manna rannsóknarnefnd, skipuð hæstaréttardómara, lögfræðingi
og sérfræðingi á sviði fjármálamarkaða, rannsaki verklag og ákvarðanatöku
fjármálafyrirtækja á tímabilinu október 2008 til ársloka 2009. Nefndin skal
meta hvort mistök, mismunun eða óeðlilegir starfshættir hafi átt sér stað á
þessum tíma.
Guðlaugur Þór Þórðarson Sjálfstæðisflokki er fyrsti flutningsmaður. Tólf
aðrir sjálfstæðismenn eru flutningsmenn að málinu auk tveggja framsóknar-
manna og tveggja samfylkingarmanna.
Starfsemi bankanna verði rannsökuð
ALDÍS
HAFSTEINSDÓTTIR
Lagfæringar í Hveragerði:
Taka 3 prósent
af bæjarstjóra
FRÉTTASKÝRING
Hvaða afleiðingar gæti dræm kosn-
ingaþátttaka í kosningum til stjórn-
lagaþings haft?
Dræm kjörsókn í kosningum til
stjórnlagaþings á laugardag gæti
haft jákvæð áhrif á störf þingsins,
segir Gunnar Helgi Kristinsson
stjórnmálafræðiprófessor.
Aðeins 35,97 prósent kosninga-
bærra manna nýttu kosningarétt
sinn í kosningunum, samkvæmt
upplýsingum frá kjörstjórn.
Niðurstaðna er að vænta í dag.
Gunnar Helgi segir að leita
verði meira en 100 ár aftur í tím-
ann til að finna alþingiskosning-
ar þar sem kjörsókn hafi verið
minni en í kosningunum á laugar-
daginn.
Slæm þátttaka í kosningunum
þýðir að umboð stjórnlagaþings
til að endurskoða stjórnarskrána
verður veikara. Auðveldara verð-
ur fyrir stjórnmálamenn að
hundsa þær niðurstöður þingsins
sem ekki eru þeim þóknanlegar,
enda niðurstaða þingsins aðeins
leiðbeinandi fyrir Alþingi.
Gunnar Helgi bendir þó á að
dræm þátttaka geti þrátt fyrir allt
haft jákvæð áhrif á störf þings-
ins. Hefði kjörsókn verið mikil
hefði mátt búast við að erfitt yrði
að hrófla við niðurstöðum þings-
ins, og því engin ástæða fyrir þá
sem þar ná kjöri að komast að hóf-
samri niðurstöðu sem þjóðin öll
geti sameinast um.
Með veikara umboð verða því
þingmenn á stjórnlagaþinginu að
eiga meiri samræður við alþing-
ismenn og þjóðina alla, og í raun
sannfæra aðra um að þeirra hug-
myndir um breytta eða nýja
stjórnarskrá séu skynsamlegar,
segir Gunnar Helgi.
„Svo framarlega sem stjórnlaga-
þingið fer ekki út í einhverja vitleysu
í tillögum sínum tel ég að það mæti
almennt mjög jákvæðu viðhorfi hjá
Alþingi,“ segir hann.
Slæm þátttaka í kosningunum á
laugardag komi fáum á óvart, en
margar samverkandi ástæður höfðu
áhrif á kjörsóknina, segir Gunnar
Helgi.
„Þetta var ekki vel heppnað kosn-
ingafyrirkomulag,“ segir Gunnar
Helgi. Hann segir fyrirkomulagið
hafa krafist mikillar fyrirhafnar
af hálfu kjósenda, sem hafi þurft
að vinna heimavinnu fyrir þessar
kosningar, ólíkt öðrum kosningum.
Lítið varð vart við kosningabar-
áttu, og það sem sást snérist ekki
um málefni eða persónur, segir
Gunnar Helgi. Engar fylkingar hafi
orðið til og tekist á um grundvall-
arsjónarmið, sem hefði getað aukið
áhuga á kosningunum. Meðal ann-
ars þess vegna hafi margir átt erf-
itt með að taka afstöðu til frambjóð-
enda, enda 522 í kjöri.
Þá hefur það eflaust haft áhrif á
þátttöku hversu umdeildar kosning-
arnar voru. Gunnar Helgi bendir á
að einhver fjöldi fólks hafi ekki séð
þörf fyrir stjórnlagaþing á þessum
tímapunkti, og margir hafi setið
heima þess vegna.
Kosningar til stjórnlagaþings eru
þriðju kosningarnar sem fram fara
á árinu. Kosningaþreyta er því lík-
lega enn ein ástæðan fyrir dræmri
kjörsókn, segir Gunnar Helgi.
brjann@frettabladid.is
Stjórnlagaþing þarf að
sannfæra þing og þjóð
Aðeins 36 prósent kosningabærra manna kusu til stjórnlagaþings. Margar sam-
verkandi ástæður höfðu áhrif á kjörsókn segir stjórnmálafræðingur. Umboð
þingsins er veikara, en dræm kjörsókn gæti haft jákvæð áhrif á störf þess.
100%
80%
60%
40%
20%
0%
87,7%
63,0%
78,7%
83,6%
83,2%
84,1%
85,1%
62,7%
73,5%
36,0%
1999
2002
2003
2004
2006
2007
2009
2010
2010
2010
Alþingiskosningar Sveitarstjórnarkosningar Forsetakosningar
Þjóðaratkvæðagreiðsla um Icesave Kosningar til stjórnlagaþings
Heimild: Hagstofan og Landskjörstjórn
Kjörsókn á landsvísu í nýlegum kosningum
FRAMKVÆMDIR Stuðlabergsskífurnar á húsið sem
Reykjavíkurborg er að láta reisa á Lækjargötu 2
kostuðu um sextán þúsund krónur á fermetrann.
Eins og fram hefur komið í Fréttablaðinu hefur
stuðlaberg ekki áður verið notað í þakklæðning-
ar svo vitað sé. Stuðlabergið á Lækjargötu er úr
námu jarðarinnar Hrepphólar í Hrunamanna-
hreppi. Steinsmiðjan S. Helgason skar efnið í
skífur.
Kristín Einarsdóttir, aðstoðarsviðsstjóri á fram-
kvæmda- og eignasviði Reykjavíkurborgar, bend-
ir á að fermetrinn af skífum á húsinu á Höfða hafi
kostað um 27 þúsund krónur á fermetrann. Það
mun hafa verið svokölluð Alta-skífa frá Noregi.
„Bárujárn er um það bil helmingi ódýrara og
sjálfsagt hefði verið hægt að fá innfluttar þaks-
kífur fyrir eitthvað minna en 27 þúsund krónur.
Það var ekki reynt heldur var ákveðið að fara í
þróunarvinnu með það efni sem var til innan-
lands,“ segir Kristín og vísar í þessu samhengi til
bágrar stöðu eftir bankahrunið.
„Niðurstaðan var þessar fallegu þakskífur sem
nú eru komnar á þakið,“ segir Kristín. - gar
Íslenska grjótið á þaki nýbyggingar á Lækjartorgi mun ódýrara en innflutt skífa:
Fermetri af stuðlabergi á 16 þúsund
Í LANDI HREPPHÓLA Þakklæðningin á Lækjargötu 2 er úr
stuðlabergsnámu í Hrepphólum í Hrunamannahreppi.
FRÉTTABLAÐIÐ/SVAVAR
STJÓRNLAGAÞING Landskjörstjórn
hefur borist ábending um að kjör-
stað á Álftanesi hafi verið lokað
of snemma á kjördag. Ástráður
Haraldsson, formaður landskjör-
stjórnar, staðfestir að ábending
um þetta hafi borist frá kjósanda.
Hann málið í skoðun. „Við erum
að afla upplýsinga um það hvernig
þessu víkur við en málið er í raun
og veru ekki komið lengra,“ segir
Ástráður Haraldsson. Hann segir
að verið sé að skoða hvernig bregð-
ast eigi við þessu. Von sé á grein-
argerðum frá aðilum sem þarna
áttu hlut að máli.
Á kosningavefsíðu dóms- og
mannréttindamálaráðuneytisins
var greint frá því að kjörstaðir
yrðu almennt opnir frá klukkan 9
til klukkan 22 að kvöldi. Þó hefðu
einstaka kjörstjórnir ákveðið, eins
og þeim er heimilt, að byrja síðar
og/eða hætta fyrr. Í frétt á vef
Álftanesbæjar 23. nóvember kom
fram að kjörstaður myndi opna
klukkan 10 og kjörfundi ljúka
klukkan 21. - jhh
Ósáttir kjósendur á Álftanesi:
Lokuðu kjör-
stað of snemma
LANDBÚNAÐUR Jón Bjarnason
landbúnaðarráðherra hefur
skipað starfshóp sem fjalla á um
þann vanda er steðjar að svína-
rækt í landinu.
Svínarækt á Íslandi hefur á
einum áratug gengið í gegnum
tvö tímabil offramleiðslu, gjald-
þrota og verðfalls afurða, að því
er fram kemur í tilkynningu frá
ráðuneytinu.
Starfshópurinn mun einnig
fjalla um aðbúnað og meðferð
svína á Íslandi.
- mþl
Ráðherra skipar starfshóp:
Skoða á stöðu
svínaræktar
KJÖRKASSINN
Er jólaundirbúningur hafinn á
þínu heimili?
Já 61,8%
Nei 38,2%
SPURNING DAGSINS Í DAG:
Telur þú skjalabirtingar Wiki-
leaks af hinu góða?
Segðu þína skoðun á visir.is