Fréttablaðið - 30.11.2010, Blaðsíða 19
ÞRIÐJUDAGUR 30. nóvember 2010 3
ég ákvað að kenna með henni á
Íslandi um helgina, en þar mun
Pranava þreyta frumraun sína
sem fullgiltur jivamutki-kenn-
ari.“
Blaðamaður biður Dechen vin-
samlegast um að útskýra hvað
jivamutki er. „Það er nútímaleg
útgáfa af jóga þróað út frá ash-
tanga jóga, sem eru kröftugar
stellingar í bland við hefðbundnar
æfingar, hugleiðslu og að kirja,
og það sem við komum til með að
kenna í Yoga Shala, auk vinyasa
og hatha, bæði fyrir byrjendur
og lengra komna,“ útskýrir hann
og getur þess að ávinningurinn
af ástundun jivamutki sé marg-
víslegur. „Það eykur meðal ann-
ars liðleika og er talið styrkja
vöðvana og draga úr streitu og
flestum ber saman um að
þessar æfingar séu bæði
andlega og líkamlega nær-
andi.“
Dechen komst í kynni
við jivamukti-jóga fyrir
nítján árum og kenn-
ir það nú við New
York Jivamukti Yoga
School. Hann segist
hafa verið opinn
fyrir and legum
málefnum frá því
að hann man eftir
sér og það megi að
hluta til þakka
uppeldinu.
Faðir hans,
Robert Thur-
man, varð
fyrstur Vesturlandabúa
vígður tíbetskur búddamunkur
en hann kennir búddísk fræði
við Columbia-háskólann í New
York. Dechen og Uma og systkini
þeirra voru alin upp í búddisma
og dvöldu meðal annars um tíma
á Indlandi. Þar hittu þau fyrir frá
unga aldri ýmsa lærimeistara í
jóga, þar á meðal sjálfan Dalai
Lama en að sögn Dechens áttu
þau kynni sinn þátt í að dýpka
skilning hans á jóga.
Dechen og Pranava koma til
landsins á morgun og munu
dvelja hér næstu fimm daga. Ekki
er annað að heyra en þau hlakki
til. „Já, enda er þetta líka í fyrsta
sinn sem við komum til landsins,“
segir Dechen spenntur en þau
Pranava ætla að nýta tímann vel
utan jógaiðkunar til að skoða sig
um meðan þau eru stödd á land-
inu „Við ætlum að fara í Bláa
lónið, skella okkur í náttúru-
laugar og svo auðvitað skoða
hrífandi náttúrufegurð lands-
ins,“ segir hann og Pranava
bætir við að menningararfur
víkinga heilli líka mikið.
Að Íslandsheimsókninni
lokinni liggur leiðin til
Katmandú, höfuðborgar
Nepals, og þaðan til
Finnlands og Rúss-
lands þar sem Pranava
hefur verið að kenna.
roald@frettabladid.is
Pranava, Amiee Tanon, hefur
stundað jóga um árabil
og kennt það um
allan heim, meðal
annars í Vín,
London og Berlín
auk New York.
Dechen og Uma voru alin upp í búddisma en faðir þeirra Robert er prófessor í
búddískum fræðum við Columbia-háskóla.
Framhald af forsíðu
EA-samtökin (Emotions Anon-
ymous) bjóða upp á árlegan
fund um jólakvíða á fimmtudag-
inn.
EA er félagsskapur fólks á öllum
aldri, sem kemur saman til að
miðla reynslu sinni af tilfinninga-
legum vandamálum, með von um
bata.
Þar lærir fólk nýjar leiðir til að
takast á við tilfinningaleg vanda-
mál með hjálp tólf reynsluspora og
finna um leið æðruleysi, innri sátt
og frið. Í fréttatilkynningu EA-
samtakanna kemur fram að vax-
andi hópur fólks berjist við mikinn
kvíða fyrir þessi jól. Ástæðurnar
séu misjafnar. Sumir hafa misst
ástvin, aðrir standa í skilnaði, eiga
í fjölskylduvanda, stríða við sjúk-
dóm eða fátækt.
Fundur EA-samtakanna verður
haldinn fimmtudaginn 2. desem-
ber klukkan 18 í Kórkjallara Hall-
grímskirkju. Gestur fundarins
verður séra Birgir Ásgeirsson.
Tólf spor tilfinninga
til gleðilegra jóla
Margir kvíða jólunum og því stressi sem þeim fylgir.
Vísindamenn hafa þróað tækni til að áætla aldur grunaðra út frá blóði sem
finnst á vettvangi glæps. Sérfræðingar segja að hægt sé að taka tæknina í notk-
un nú þegar og að hún geti leitt til mikilvægra ábendinga í glæparannsóknum.
Tæknin mælir sérkenni ónæmisfruma, sem kallast T-frumur, í blóði og segja vís-
indamennirnir að hægt sé að áætla aldur nokkuð nákvæmlega út frá þeim sér-
kennum. Rannsóknin var gerð af hollensku líffræðingateymi og voru niðurstöð-
urnar birtar í tímaritinu Current Biology nýlega.
T-frumur gegna lykilhlutverki í að finna innrásaraðila í líkamanum, svo sem
bakteríur, vírusa og krabbameinsfrumur. Partur af því ferli er að framleiða sér-
stakar DNA-sameindir, en framleiðsla þeirra dregst saman með aldrinum eftir
ákveðnu mynstri.
Í niðurstöðum hollenska rannsóknarteymisins kemur fram að hægt sé að
áætla aldur einstaklinga „með marktækri nákvæmni“ með því að mæla magn
sameindanna í blóði. Heimild: BBC Health
Áætla aldur út frá blóðfrumum
NÝ TÆKNI GÆTI GJÖRBREYTT FERLI GLÆPARANNSÓKNA.
Vísindamenn hafa þróað tækni til að
áætla aldur sakborninga út frá blóði.
FRÉTTABLAÐIÐ/ANTON