Fréttablaðið - 06.01.2011, Blaðsíða 18
6. janúar 2011 FIMMTUDAGUR18
Umsjón: nánar á visir.is
Lykiltölur úr rekstri NTC*
Liðir 2009 2008 2007
Vörusala 2.144,3 2.072,0 1.965,5
Framlegð 980,3 1.016,7 945,0
Rekstrarhagnaður 106,4 164,4 143,4
Fjármagnsgjöld 150,9 910,3 57,9
Langtímaskuldir 1.424,6 1.202,8 732,0
Eigið fé -505,0 -493,6 214,9
Arðgreiðsla 0,0 100,0 50,0
Eiginfjárhlutfall -39,3% -23,2% 16,0%
Tap ársins -11,4 -608,5 89,3
* Í milljónum króna
VIÐSKIPTI „Ekkert hefur breyst hjá
okkur; ég er búin að bíða í fimmtán
mánuði eftir því að bankinn semji
við okkur en lítið þokast. Við eigum
samt von á að það verði í þessum
mánuði,“ segir Svava Johansen,
stofnandi og eigandi tískuvöruveld-
isins NTC, einnar stærstu fatakeðju
landsins sem meðal annars rekur
Sautján-verslanirnar.
NTC tapaði 11,4 milljónum króna
árið 2009 og bætist það við 604,5
milljóna tap frá fyrra ári. Lang-
tímaskuldir, sem að nær öllu leyti
eru í erlendri mynt, námu rúmum
1,4 milljörðum. Þá er eigið fé nei-
kvætt um rúman hálfan milljarð og
eiginfjárhlutfallið neikvætt um tæp
40 prósent.
Svava segir aðspurð fyrirtækið
yfirleitt hafa verið rekið með hagn-
aði í 34 ár eða frá stofnun þess.
Síðasta ár líti ágætlega út, rekst-
urinn góður og rekstrarhagnaður
enn góður, enda hafi verið mikið
hagrætt.
Í fyrirvara endurskoðenda við
ársuppgjör NTC fyrir rekstrarárið
2008 var bent á að skuldir voru 829
milljónum króna umfram peninga-
legar eignir og leiki vafi á fram-
tíðarrekstrarhæfi fyrirtækisins.
Fyrirvarinn er ítrekaður í síðasta
uppgjöri.
Þá kemur fram að viðræður
standi yfir við Landsbankann
vegna afborgana lána auk þess sem
viðræðurnar snúist um uppgjör á
framvirkum gjaldeyrisskiptasamn-
ingi sem NTC gerði við Landsbank-
ann 2008.
Svava bendir á að skuldir NTC
séu komnar til vegna skilnaðar
hennar við Bolla Kristinsson árið
2005. Hún keypti hlut hans í fyrir-
tækinu og mæltu ráðgjafar gamla
Landsbankans með því að hún tæki
lán fyrir kaupunum í erlendri mynt.
„Þessar skuldir hafa síðan stökk-
breyst,“ segir hún.
Þá er skiptasamningurinn sömu-
leiðis tilkominn vegna ráðgjafar
úr gamla Landsbankanum. Svava
man ekki hversu miklar fjárhæðir
voru í spilunum en sér eftir því að
hafa tekið ráðleggingum bankans.
Hún hefur beðið lengi eftir því að
Landsbankinn komi að endurskipu-
lagningu við að leiðrétta skulda-
stöðu NTC. En það hafi tafist, svo
sem sökum tíðra mannabreytinga í
bankakerfinu og ósamræmis innan
bankans um leiðir.
„Þetta er mjög óþægilegt, enda
erfitt að vera með 160 til 200 manns
í vinnu og vita ekki hver næstu
skref eiga að vera,“ segir hún og
vill sjá bankana vinna hraðar í
endurskipulagningu fyrirtækja svo
þau gefist ekki upp, ákveði að fara
gjaldþrotaleiðina og skilji skuld-
ir eftir í bönkunum. „Þetta er leið
sem ég myndi aldrei vilja fara,“
segir Svava. jonab@frettabladid.is
Viðræður standa yfir um
skuldamál NTC-veldisins
Tískuvöruveldi NTC skuldar tæpan einn og hálfan milljarð króna og er eigið féð neikvætt um tæp fjörutíu
prósent. Forstjórinn Svava Johansen hefur beðið eftir aðgerðum viðskiptabankans í fimmtán mánuði en
vonast til að sjá senn til sólar. Svava ætlar ekki að flýja skuldir fyrirtækisins og láta bankann taka skellinn.
Þetta er mjög óþægi-
legt, enda erfitt að
vera með 160 til 200 manns
í vinnu og vita ekki hver
næstu skref eiga að vera.
SVAVA JOHANSEN
FORSTJÓRI NTC.
SVAVA OG MAÐUR HENNAR BJÖRN Svava Johansen sér eftir því að hafa tekið
ráðleggingum bankamanna sem hún hafi ekki skilið. FRÉTTABLAÐIÐ/STEFÁN
VIÐSKIPTI Evrulöndin munu að
öllum líkindum halda myntsam-
starfinu gangandi þrátt fyrir erf-
iðleika í kjölfar fjármálakrepp-
unnar. Ekki er þó útilokað að
Grikkland lendi í greiðsluþroti
og að einstök ríki lendi í frekari
vandræðum.
Þetta segir bandaríski hag-
fræðiprófessorinn Kenneth Rog-
off, fyrrverandi aðalhagfræð-
ingur Alþjóðagjaldeyrissjóðsins.
Hann hefur um skeið varað við
fjárhagsvanda evruríkjanna.
Rogoff fjallaði um evruna í
alþjóðlegu samhengi og vanda
evruríkjanna á fundi norskra
samtaka iðnaðarins í Osló í gær.
Í erindi sínu fjallaði hann
meðal annars um veika stöðu
evrunnar gagnvart Bandaríkja-
dal og skuldavanda Íra, Portú-
gala og Spánverja.
Rogoff telur ekki útilokað að
löndin lendi í sömu vandræðum
og Grikkland þrátt fyrir að gripið
hafi verið til aðgerða til að koma
í veg fyrir annað fjármálahrun.
Þetta mun ekki duga til og verða
stjórnvöld landanna að endur-
skipuleggja skuldir sínar, að mati
Rogoffs, sem telur evrópskt fjár-
málakerfi munu komast á réttan
kjöl árið 2017. - jab
Hagfræðiprófessor varar við skuldavanda evruríkja:
Telur evruna lifa af
920,4 ER UPPHAFSGILDI Úrvalsvísitölunnar í byrj-un árs. Við upphaf síðasta árs stóð vísitalan í 811
stigum. Þetta jafngildir 13,5 prósenta hækkun.
VIÐSKIPTI Hólmfríður Einarsdóttir
hefur verið ráðin markaðsstjóri
Íslandsbanka.
Hólmfríður er
38 ára viðskipta-
fræðingur frá
Háskólanum í
Reykjavík. Hún
hefur starfað
við markaðsmál
fyrirtækja í um
áratug, fyrst
sem deildar-
stjóri markaðs-
og vefdeildar Kaupþings og síðar
sem forstöðumaður markaðsmála
hjá Símanum.
Hólmfríður hefur verið búsett
í Hollandi undanfarin tvö ár, að
því er segir í tilkynningu frá
Íslandsbanka. - jab
Hólmfríður til Íslandsbanka:
Tekur við stöðu
markaðsstjóra
HÓLMFRÍÐUR
EINARSDÓTTIR
VIÐSKIPTI Aflaverðmæti íslenskra
skipa nam rúmum 101 milljarði
króna á fyrstu níu mánuðum
nýliðins árs samanborið við rúma
86 milljarða á sama tímabili árið
2009, samkvæmt upplýsingum
Hagstofunnar. Þetta er fimmtán
milljarða króna aukning á milli
ára, eða 17,8 prósent.
Mesta aflaverðmætið fékkst
fyrir botnfisk, 70,8 milljarðar
króna. Það er 19,4 prósentum
meira en á fyrstu níu mánuðum
2009. Aflaverðmæti þorskafla
nam 33,3 milljörðum, sem er um
27 prósenta hækkun á milli ára.
Af öðrum tegundum nam afla-
verðmæti flatfisks 7,5 milljörð-
um króna, sem er 5,2 prósenta
samdráttur. - jab
Aflaverðmæti eykst milli ára:
Nam 101 millj-
arði króna
ÞORSKI LANDAÐ Aflaverðmæti íslenskra
skipa jókst um fimmtán milljarða króna
á fyrstu níu mánuðum síðasta árs
miðað við sama tíma ári fyrr.
FRÉTTABLAÐIÐ/STEFÁN
EFNAHAGSMÁL Fluttar voru út vörur fyrir
tæpa 48,4 milljarða króna í nóvember og
inn fyrir 37,9 milljarða króna. Vöruskiptin
í nóvember voru því hagstæð um 10,4 millj-
arða króna. Þetta kemur fram á vefsíðu
Hagstofunnar.
Á fyrstu ellefu mánuðum ársins 2010 voru
fluttar út vörur fyrir 511,1 milljarð króna
en inn fyrir tæpan 402,1 milljarð króna.
Afgangur var því á vöruskiptunum við
útlönd sem nam tæpum 109,0 milljörðum en
á sama tíma árið áður voru þau hagstæð um
75,1 milljarð á sama gengi. Vöruskiptajöfn-
uðurinn var því 33,8 milljörðum króna hag-
stæðari en á sama tíma árið áður.
Fyrstu ellefu mánuði ársins 2010 var
verðmæti vöruútflutnings 67,6 milljörðum
eða 15,2 prósentum meira á föstu gengi en
á sama tíma árið áður. Mest aukning varð
í verðmæti útflutnings iðnaðarvara, aðal-
lega áls. Einnig varð aukning í útflutningi
sjávarafurða.
Fyrstu ellefu mánuði ársins 2010 var verð-
mæti vöruinnflutnings 33,8 milljarðar eða
9,2 prósentum meira á föstu gengi en á sama
tíma árið áður.
Aukning varð í innflutningi á hrá- og
rekstrarvöru, fjárfestingarvöru og eldsneyti
en á móti kom samdráttur í innflutningi á
flutningatækjum.
Vöruskipti við útlönd fyrstu ellefu mánuði síðastliðins árs voru hagstæð:
109 milljarða króna afgangur á liðnu ári
KERSKÁLI NORÐURÁLS Mesta aukningin varð í verð-
mæti á útflutningi iðnaðarvara, aðallega áls.