Fréttablaðið - 10.01.2011, Blaðsíða 31
MÁNUDAGUR 10. janúar 2011 3
Hingað til hefur verið óljóst hvað veldur skalla hjá körlum. Þó hefur verið talið
að karlhormónið testósterón og erfðir spili þar einhvern þátt. Rannsóknar-
teymi frá háskólanum í Pennsylvaniu telur sig hafa fundið aðra orsök. Það
fylgdist með körlum sem gengust undir hárígræðslu. Þeir báru saman hár-
sekki á skallablettum saman við hársekki þar sem hárið var þétt.
Þá kom í ljós að á skallablettunum var sami fjöldi stofnfrumna sem eru
til þess gerðar að búa til hár og í venjulegum
hársverði. Hins vegar var hlutfall svokall-
aðra „progenitor” frumna lægra á sköllóttum
svæðum. Þannig eru hárin á skallablettum
enn til staðar en eru bara mjög fíngerð
og vart sýnileg.
Rannsakendur binda vonir við að
hægt verði að finna upp efni eða
krem sem hægt verði að bera á
hárlausa hluta sem örva muni
stofnfrumur hársins og virkja
þær á ný þannig að þær fari að
framleiða þykkara og betra hár.
Skallavandinn leystur?
SÉRFRÆÐINGAR TELJA AÐ ORSÖK SKALLAMYNDUNAR HJÁ KÖRLUM SÉ AÐ LEITA TIL
VANVIRKRA STOFNFRUMNA OG MEGI Í FRAMTÍÐINNI LEYSA MEÐ EINFÖLDU KREMI.
Margir hyggja á sólarlandaferðir í kuldanum,
líka verðandi mæður. Sérstaklega mikilvægt
er fyrir þær sem eru með barni að huga að
því að hlífa sér við hita og sól.
Mikill hiti getur valdið fósturskaða og því
mikilvægt að skýla sér með léttum klæðn-
aði, halda sig innandyra yfir mesta hitatíma
dagsins og drekka vel af vökva.
Þá er hættara við að húðlitarefnið hlaupi
í kekki þegar sól skín beint á húðina með
þeim afleiðingum að húðin verður oft
flekkótt. - jma
Ferðast á meðgöngu
ALLIR ÞURFA AÐ VERJA SIG FYRIR SÓL OG HITA
Á FERÐALÖGUM, EKKI SÍST ÓFRÍSKAR KONUR.
Candida sveppasýking, einkenni og lyfjalaus meðferð, er heiti á fyrstu
bók Sölku sem komin er út á árinu. Vegna mikillar eftirspurnar er þessi bók
endurútgefin en líka betrumbætt og endurskrifuð í ljósi nýrra rannsókna um
þennan algenga en leynda nútímakvilla.
Skallinn er sjaldan vinsæll
meðal karla og því vísast
margir sem myndu fagna
lausn á vandamálinu.
Ófrískar
konur á leið
í sól ættu að
huga vel að
hlífðar-
klæðnaði.
„Þetta hefur gefið mjög góða raun,
þátttakendur eru í betra líkamlegu
ástandi í lokin og sumir hafa tekið
framförum í hreyfifærni,“ segir
Anna Lilja Magnúsdóttir hjá Ás
styrktarfélagi sem hefur í sam-
vinnu við World Class staðið fyrir
átaksnámskeiðum fyrir einstakl-
inga með þroskahömlun síðustu
þrjú ár.
Námskeiðið kallast Breyttur
lífsstíll og á því spreyta þátttak-
endur sig á fjölbreyttum æfingum,
spinning, lyftingum, dansi, útiæf-
ingum og -leikjum og fleiru, undir
leiðsögn reynds einkaþjálfara á
vegum World Class, Nönnu Guð-
bergsdóttur og þroskaþjálfa frá
Ási, Önnu Kristjánsdóttur. „Fólk-
ið fær þarna góða útrás og fræðslu
um næringu, setts fram með þeim
hætti sem því gæfist kannski ann-
ars ekki kostur á,“ segir Anna
Lilja og kann þeim Nönnu og Önnu
bestu þakkir fyrir.
Anna Lilja segir námskeiðið
hins vegar því miður vera þeim
annmörkum háð að töluvert
færri komist að en vilja hverju
sinni. „Það komast ekki nema í
mesta lagi svona tíu í einu. Svo
vilja ef til vill sumir halda áfram
eftir eitt námskeið, þannig að
nýir komast kannski ekki að.
Við höfum reynt að bregðast við
þessu með því að lengja tímabilið.
Fyrsta námskeiðið var átta vikna
langt en nú eru þetta orðnar ein-
hverjar fjórtán vikur. En betur
má ef duga skal.“
Að sögn Önnu Lilju og Gígju
Þórðardóttur, deildarstjóra heilsu-
ræktar hjá World Class, er sameig-
inlegur áhugi og vilji fyrir því að
bregðast við þessum vanda og sjá
þær fjölgun námskeiða sem helstu
úrlausn hans. „Við erum klárlega
tilbúin að halda fleiri námskeið,
útvega einkaþjálfara og aðstöðu.
Það þyrfti þá að skoða útfærsluna,“
segir Gígja og Anna Lilja bætir þá
við. „Það mætti til dæmis halda
tvö námskeið í einu, eitt sem væri
fyrir byrjendur og þá sem þurfa
lengri tíma til að aðlagast og annað
fyrir lengra komna og þá sem geta
gert meira.“
Þær segja hins vegar allt saman
stranda á fjárskorti. „Þroskaþjálf-
inn er tilbúinn að taka þátt í fleiri
námskeiðum en við höfum hins
vegar ekki fjármuni til að greiða
launin, verðum þar að treysta á
sjálfsaflafé sem dugar ekki til
þess. Vonin er því sú að fá fleiri til
liðs við okkur í þessu,“ segir Anna
Lilja. „Það hefði alveg heilmikið að
segja.“ roald@frettabladid.is
Sjáum miklar framfarir
Ás styrktarfélag og World Class bjóða upp á sérsniðin átaksnámskeið fyrir einstaklinga með þroska-
hömlun. Talsmenn beggja sjá ástæðu til að fjölga námskeiðum og bæta þannig þjónustu við fatlaða.
Að sögn Önnu Lilju fá þátttakendur útrás og fræðslu um næringu á námskeiðinu.