Fréttablaðið - 28.01.2011, Blaðsíða 20
„Besta leiðin til að byrja að ganga
er að fara í rólega og auðvelda
göngu, og bæta síðan smám saman
við sig. Ánægjuleg gönguferð kall-
ar oft á meiri hreyfingu því iðu-
lega grípur fólk ferðabaktería, það
vill sjá meira og kynnast landi sínu
betur, en auk þess er félagsskap-
urinn góður og heilsubótin líka,“
segir Páll Guðmundsson, fram-
kvæmdastjóri Ferðafélags Íslands.
Á morgun blæs hann til fyrstu
Háskólagöngunnar, sem farin
verður í fylgd kennara í sjúkra-
þjálfun á Úlfarsfell. Lagt verður
af stað frá Leirtjörn klukkan 11.15.
Gengið verður á Stórahnúk og
þaðan fram á vesturbrún fjallsins
þar sem er góður útsýnisstaður.
„Allar göngurnar eru ókeypis og
allir velkomnir að slást í för. Hver
ferð er um tveggja tíma löng og á
hvers manns færi, í mesta lagi einn
skór á kvarðanum þar sem fjórir
skór miðast við erfiðar jöklagöng-
ur,“ segir Páll, sem fagnar mjög
samstarfi HÍ og FÍ.
„Ferðafélagið hefur lengi haft
gott samstarf við Háskólann og
margir fararstjórar félagsins
komið úr röðum kennara þar, en í
ferðunum verða einnig fararstjór-
ar Ferðafélagsins til að halda utan
um hópinn og gæta öryggis fremst-
ir og aftastir eins og reglur kveða
á um,“ segir Páll, en alls verða
Háskólagöngurnar tólf um höfuð-
borgarsvæðið og næsta nágrenni.
„Í ferðunum er viðfangsefnið
fjölbreytt og tengist sögu, menn-
ingu og jarðfræði, eða lífeðlis-
fræði eins og á morgun þegar
farið verður yfir áhrif útiveru og
gönguferða á heilsufarið. Mark-
mið verkefnisins er síðan að færa
almenningi afmælisgjöf sem felst
í fræðslu og hollri útivist, um leið
og áhugi er vakinn á fjölbreyttri
starfsemi skólans og Ferðafélags
Íslands,“ segir Páll, sem reiknar
með mikilli þátttöku.
Sjá nánar um Háskólagöngurnar
á heimasíðu Ferðafélagsins, fi.is.
thordis@frettabladid.is
Ferðabakterían vakin
Í tilefni aldarafmælis Háskóla Íslands taka skólinn og Ferðafélag Íslands höndum saman og standa fyrir
reglulegum gönguferðum á afmælisárinu. Fyrsta gangan verður farin í fyrramálið upp á Úlfarsfell.
Páll Guðmundsson er framkvæmdastjóri Ferðafélags Íslands, sem út árið ætlar að ganga tólf léttar göngur með almenningi um
forvitnilegar slóðir Reykjavíkur og nágrennis í samfylgd víðlesinna leiðsögumanna úr röðum fræðimanna Háskóla Íslands.
FRÉTTABLAÐIÐ/STEFÁN
Fuglavernd hvetur almenning til að telja fugla í garðinum hjá sér, eða
einhverjum garði, í einn klukkutíma um helgina. Allar nánari upplýs-
ingar veittar á skrifstofu félagsins eða á Garðfuglavefnum. Slóðina má
finna á www.fuglavernd.is en þar skal líka skrá niðurstöður.
Lagersala Lín Design Malarhöfða 8
LAGERSALA
40-80% afsláttur
Sængurfatnaður
Barnavörur
Handklæði
Borðdúkar
Rúmteppi
Löberar
Púðar & fleira
Aðeins þessa
einu helgi!
www.lindesign
.is
ÚTSALA ÚTSALA
ÚTSALA
Ferming 2011
vera ● Laugavegi 49
Sími 552 2020