Fréttablaðið - 28.01.2011, Blaðsíða 24

4 föstudagur 28. janúar
Skartgripahönnuðurinn
Jóhanna Metúsal-
emsdóttir hefur hálfa
ævina búið í ys og þys
New York borgar. Hún
heimsækir þó reglulega
heimahagana og passar
að sletta ekki þegar hún
talar íslensku.
Viðtal: Sara McMahon
Ljósmynd: Stefán Karlsson
J
óhanna er uppalin í
Reykjavík en flutti átján
ára gömul til Banda-
ríkjanna þar sem hún
starfaði fyrst um sinn
sem au pair. „Einfaldasta leiðin út
var að gerast au pair. Þannig gat
ég sannfært foreldra mína um að
leyfa mér að flytja til Bandaríkj-
anna,“ segir Jóhanna kímin. „Ég
gerðist au pair hjá fjölskyldu í New
Haven í Connecticut og fannst það
alveg sjúklega leiðinlegt. Ég fór eins
oft og ég gat að heimsækja systur
mína sem þá bjó á Manhattan og
eyddi þar öllum vikulaununum,“
segir hún og hlær.
Jóhanna segist ekki hafa tollað
lengi sem au pair og flutti þess í
stað til New York og dvaldi þar í tvö
ár áður en hún fór aftur heim til Ís-
lands. Útþráin sagði þó fljótt til sín
og nokkrum mánuðum síðar var
Jóhanna aftur flutt til New York og
vann bæði sem sölumaður á flóa-
mörkuðum og á hinum ýmsu mat-
sölustöðum til að byrja með. Síðar
fór hún að vinna sem stílisti og
starfaði sem slíkur í nokkur ár.
Aðspurð segist Jóhanna hafa
verið fljót að aðlagast hinu nýja lífi
í New York enda sé borgin nokk-
urs konar alþjóðlegur hrærigraut-
ur. Hún kynntist fyrri manni sínum
þegar hún var tvítug og nokkrum
árum síðar eignaðist hún sitt fyrsta
barn, Indíu. „Um leið og Indía kom í
heiminn var einhvern veginn aldrei
í boði að flytja frá Bandaríkjunum,
fannst mér. Hún er fæddur og upp-
alinn New York-búi og eftir að við
hjónin skildum gat ég ekki hugsað
mér að taka hana frá pabba sínum,“
útskýrir Jóhanna.
KRÍA
Jóhanna hefur hannað skartgripi
undir heitinu Kría frá árinu 2008
og hefur hönnun hennar vakið þó
nokkra athygli enda ólík öllu öðru.
Upphafið að línunni segir Jóhanna
mega rekja til þess er hún var í
sumarfríi á Íslandi, þá ólétt af yngri
dóttur sinni, og fann bein af kríu á
göngu sinni. Hún heillaðist af formi
beinanna og ákvað að hirða þau.
„Ég sauð beinin og flutti þau svo
með mér til Bandaríkjanna. Mað-
urinn minn var ekki hrifinn af hug-
myndinni því hann var hræddur
um að við gætum annaðhvort smit-
ast af fuglaflensu eða verið hand-
tekin,“ segir hún og hlær.
Þegar heim var komið settist
Jóhanna niður, skoðaði beinin og
hugmyndin að Kríu-skartinu fædd-
ist. Skartgripahönnun var henni
ekki alveg ókunnug því hún hafði
á sínum yngri árum stundað nám
í skartgripahönnun við Fashion
Institute of Technology í New York
og vann einnig sem lærlingur hjá
skartgripahönnuðinum Me and
Ro.
Jóhanna segist hafa byrjað á því
að hengja skartið á allar vinkon-
ur sínar sem hafa verið dugleg-
ar að koma því á framfæri í gegn-
um vinnu sína, en margar þeirra
starfa með einhverjum hætti
innan tískuheimsins. Skartið hefur
fengið mjög góðar viðtökur og þá
sérstaklega hér heima og viður-
kennir Jóhanna að það efli sjálfs-
traustið. „Kreppan er í raun bæði
besti og versti tíminn fyrir mig til
að standa í þessu. Það slæma er að
verslunarfólk er hræddara við að
kaupa eitthvað nýtt inn sem það
er ekki viss um að eigi eftir að selj-
ast. En það góða er að ég get farið
hægt af stað sem hentar mér mjög
vel. Ég er ekki mikill áhættufíkill og
þú sæir mig til dæmis aldrei í Las
Vegas að veðja peningum,“ segir
hún brosandi.
ÍSLENSKT FJÖLSKYLDULÍF
Jóhanna kynntist núverandi eigin-
manni sínum, bandaríska listamn-
ninum Paul Weil, í gegnum vinkonu
sína, stílistann Hrafnhildi Hólm-
geirsdóttur, og hefur parið verið
saman í ein níu ár. „Hann hefur
verið duglegur að hjálpa mér með
allt í kringum Kríu og sá meðal
annars um útlit heimasíðu minnar.
Það er mikill stuðningur í honum
og hann er alltaf með manni í liði
sem er alveg ómetanlegt. Honum
verður sko ekki skilað,“ segir
Jóhanna brosandi.
Líkt og áður hefur komið fram á
Jóhanna tvær dætur, þær Indíu og
Lolu. Aðspurð segir Jóhanna ekki
erfitt að ala börn upp í New York
enda þekki hún ekkert annað. „Ég
hef aldrei prófað að ala börn upp
annars staðar. Ég veit að það er að
mörgu leyti auðveldara að ala börn
upp hér á Íslandi og ég öfunda það
stundum, en ég bý í mjög barnvænu
hverfi í Brooklyn og líður vel þar,“
segir hún og bætir við: „Brooklyn er
mjög stór og þar er að finna falleg
hverfi, hættuleg hverfi, ljót hverfi
og allt þar á milli. Hverfið sem við
búum í er mjög gott, en ég man að
þegar ég gekk með eldri dóttur mína
og sagði fólki að ég byggi í Brooklyn
þá ráku margir upp stór augu og
höfðu miklar áhyggjur af mér.“
Jóhanna á stóran vinahóp í borg-
inni og eru margar vinkonur henn-
ar íslenskar. Hún segir hópinn
samheldinn og viðurkennir að það
sé gott að eiga einhvern að sem
hægt sé að tala íslensku við. „Við
fórum nokkrar saman með börn-
in á íslenskt jólaball núna fyrir jól
og það var alveg rosalega gaman!
Við klæddum okkur í okkar fínasta
púss, dönsuðum í kringum jóla-
tré og hittum íslenska jólasveina,“
segir hún og hlær.
Jóhanna segist passa vel upp
á að dætur sínar læri íslensku en
viðurkennir að það geti verið erfitt
að halda tungumálinu við þegar
EKKI MIKILLÁHÆTTUFÍ
Jóhanna Metúsalemsdóttir hannar skart undir heitinu Kría. Skartið þykir með eindæmum fallegt og hefur slegið í gegn hjá íslenskum konum.
✽
m
yn
da
al
bú
m
ið
Þarna er ég með dóttur minni Indíu í dýragarð-
inum í Bronx. Ég er um tuttugu og fimm ára
gömul og hún er tveggja ára.
Þarna er ég þrettán eða fjórtán
ára gömul. Og já, með mullet.
Hér er ég uppi í sveit hjá ömmu og afa á Helga-
vatni um fjögurra ára aldurinn.
Hér er ég um það bil fjögurra ára gömul á Þingvöllum.