Fréttablaðið - 28.01.2011, Blaðsíða 52

24 28. janúar 2011 FÖSTUDAGUR24 . j r
menning@frettabladid.is
Tónlist ★★★★
Meistari Kristinn
Kristinn Sigmundsson og Jónas Ingimundarson fluttu tónlist úr
ýmsum áttum
Magnaður Mozart
Kristinn Sigmundsson og Jónas Ingimundarson fluttu tónlist úr ýmsum
áttum.
Kristinn Sigmundsson er magnaður söngvari. Hann var samt á lágu
nótunum lengst framan af á tónleikum í Salnum í Kópavogi á sunnudaginn
var. Þar kom hann fram ásamt Jónasi Ingimundarsyni píanóleikara. Fyrst
á dagskrá voru lög eftir Beethoven við ljóð eftir Pietro Metastasio. Það
voru fremur innhverfar tónsmíðar sem þeir félagar túlkuðu fallega en voru
kannski dálítið hikandi. Þeir voru greinilega ekki komnir almennilega í gang
svo snemma á tónleikunum.
Ákefðin var ekki miklu meiri í lögunum
sem á eftir komu, enda róleg og afslöppuð
og eftir sjálfan píanóleikarann. Þau komu
út í nótnabók fyrir skemmstu. Lögin voru
athyglisverð, enda þekkti maður fæst þeirra.
Laglínurnar voru ekkert sérstaklega grípandi
við fyrstu áheyrn, en samt var margt fallegt
sem bar fyrir eyru. Píanóleikurinn var að
minnsta kosti litríkur, inntak ljóðanna, sem voru eftir mismunandi skáld, end-
urspeglaðist í píanóinu. Greina mátti fuglasöng, jafnvel sólskin, ský og önnur
náttúrufyrirbæri. Tónmálið var fremur hefðbundið, rómantískt og þægileg
áheyrnar. Ég spái því að mörg laganna eigi eftir að heyrast oft í framtíðinni.
Kristinn kynnti það sem hann söng, en þó ekki sjö lög eftir John A.
Speight, við ljóð eftir Þorstein frá Hamri. Það var synd, ég hugsa að margir
hefðu viljað vita meira um lögin, um tilurð þeirra, um ljóðin og samband
texta og tónlistar. En tónlistin var alltént falleg, dálítið kuldaleg eins og
margt eftir tónskáldið, en djúp og hrífandi. Og flutningurinn var glæsilegur,
söngurinn áleitinn og tilfinningaþrunginn; píanóleikurinn litríkur og fullur af
merkingu.
Að lokum voru nokkrar aríur eftir Mozart á dagskránni, úr Brúðkaupi
Fígarós, úr Don Giovanni og konsertarían KV 541. Kristinn hefur náð ein-
stökum árangri á óperuvettvanginum erlendis, og það sópaði að honum
hér. Auðvitað hefur maður heyrt þessar aríur margoft, en túlkun Kristins var
samt fersk og röddin einstök. Og krafturinn ótrúlegur. Mikið væri nú gaman
að sjá Kristin í óperuhlutverki hér á landi! Jónas Sen
Niðurstaða: Tónleikar Kristins Sigmundssonar og Jónasar Ingimundarsonar
voru góðir, tónlistin athyglisverð og túlkunin litrík.
Leikhús ★★★★
Súldarsker
Leikhópurinn Soðið svið. Sýnt í
Tjarnarbíói.
Höfundur: Salka Guðmundsdóttir.
Leikstjóri: Harpa Arnardóttir.
Leikarar: Aðalbjörg Árnadóttir og
Maríanna Clara Lúthersdóttir. Tón-
list: Ólafur Björn Ólafsson.
Mikið er nú gaman að fara í leik-
hús þegar leikhús er leikhús. Tvær
leikkonur en ógrynnin öll af fólki.
Heilt samfélag. Gamall maður,
ung sjoppustúlka, leiðindasveitar-
stjórnarkerling, blaðakona, mann-
fræðingur í leit að horfnum föður,
álfastúlka, misþroska dvergkona og
bakandi kvenfélagskona og vafalít-
ið fleiri persónur koma fyrir í þess-
ari dimmu en sprenghlægilegu
sýningu. Þessari björtu en þó svo
sótsvörtu sýningu þar sem leikur-
inn er í forgrunni og aðaluppistaðan
er flakk leikkvennanna milli hlut-
verka þó svo að sagan sjálf sé bæði
spennandi og ekki síst lýsandi fyrir
ákveðið samfélag. Súldin er ekki
góð, það ber að varast hana þar sem
hún getur villt mönnum sýn.
Tvær stúlkur lenda eins og meira
fyrir tilviljun uppi á eyju þar sem er
að hefjast mikil hryssingshátíð þar
sem boðið er upp á hoppukastala og
hagyrðingakvöld. Gestir eru greini-
lega af skornum skammti enda virð-
ast hátíðarhaldarar ekki hafa gert
neitt til þess að lokka fólk að. Stúlk-
urnar tvær þekkjast ekki og eru
ekkert sérlega hrifnar hvor af ann-
arri í upphafi en eftir eina nótt á
skringidýrasafni ákveða þær að
halda hópinn og rannsaka hvað hafi
í raun og veru gerst þegar vitinn
brann, eða hvað sé í raun og veru að
gerast akkúrat núna.
Plottið minnir svolítið á ýmsar af
gömlu Dularfullu-bókunum eða hvað
þessar spennubækur hétu allar fyrir
utan að pjattrófuhætti nútímans og
verðmætamati sem við þekkjum úr
okkar nánasta umhverfi er fléttað
inn í atburðarrásina. Til þess að
bjarga þessu guðsvolaða skeri á að
byggja þar kasettuverksmiðju. Með
því að þylja upp ofurtrúna á kasettu-
verksmiðjuna og hvernig hún muni
í einhverri framtíð bjarga öllu sem
bjargað verður, verður til enduróm-
ur sem við þekkjum nú ansi vel úr
okkar daglegu fréttatímum. Harpa
Arnardóttir hefur hér farið mjög
skemmtilega leið til þess að lenda
einmitt ekki í endursköpun þess
samfélags sem við lifum í. Samspil
leikkvennanna minnir í sumum
atriðum á þá Gög og Gokke þegar
þeir voru að bítast á um athyglina og
eins er eins og svart/hvít myndskeið
þöglu myndanna taki stundum yfir-
höndina. Aðalbjörg á ekki í nokkr-
um vandræðum með að bregða sér
í allra kvikinda líki, einkum var hún
sniðug í hlutverki sjoppustúlkunnar
sljóu sem í raun og veru vildi verða
ljóðskáld.
Allur leikurinn gengur út á sam-
leik þeirra tveggja, í hvaða hlutverki
sem þær nú eru. Þær stökkva milli
karaktera án þess að blikna eða
blána og Maríanna Clara Lúthers-
dóttir smýgur inn í hlutverkin eins
og hún sé einmitt búin til á klippi-
borði. Þær ferðast á vagni og gam-
all maður sem hét Sigvarður keyrði
þær. Maríanna leikur gamalmennið
svo áreynslulaust að skiptin milli
ungrar glæsipæju með blaðamanna-
drauma og örvasa gamalmennis
karlkyns urðu eins og dansatriði.
Kannski hefur handritið í höndum
leikstjórans líkst partítúr hljóm-
sveitarstjórans og Harpa með hjálp
tónsprotans lokkað fram öll þessi
blæbrigði. Þær eru báðar sterk-
ar og skondnar þessar leikkonur.
Maríanna sýnir hér enn einu sinni
svo ekki verður um villst að hún er
hæfileikakona umfram það venju-
lega, sama má segja um Aðalbjörgu
sem virðist geta rúllað augunum í
hringi ef því er að skipta. Leikmynd-
in var líka skemmtileg og gaf mikla
möguleika á hughrifum. Endalaus
segulbönd hangandi ofan úr loftinu
sem í senn glampaði á og veitti eins
konar hátíðarstemmningu og eins
kolsvartur þaraskógur eða flækja af
einhverjum dýrum. Leikstjórnin er
mjög markviss, eltingaleikurinn eða
hlaupakeppnin sem þær taka þátt í
kemur öllu á fljúgandi fart. Kannski
var það einmitt tempóið sem gerði
sýninguna svona góða.
Elísabet Brekkan
Niðurstaða: Unnendur leiks á leik-
sviði ættu ekki að láta þessa snjöllu
sýningu fram hjá sér fara.
SEGULSÆLA Í SÚLDINNI
Súldarsker
AUKASÝNING 29. JAN!
Nýtt leikverk eftir Sölku Guðmundsdóttur
Uppistand í Tjörninni
NÆSTA VIKA:
Miðasalan er opin
virka daga frá kl. 13-15
Sími: 527 2100
www.tjarnarbio.is Tjarnargötu 12 - 101 Reykjavík
Út í kött Barnaleikhús
Sveinn Skotti
LJÓÐLEIKUR OG SÖNGDANS
30
28
3. FEB
KAFFIHÚSIÐ MAJÓNES OPIÐ ALLA DAGA VIKUNNAR
29 30
Örfá sæti laus
Það er
siminn.is
G
re
ið
a
þa
rf
m
án
að
ar
gj
al
d
sk
v.
v
er
ð
sk
rá
.
G
ild
ir
e
kk
i
um
s
ím
tö
l
í
er
le
nd
s
ím
at
o
rg
.
Öll símtöl úr
heimasíma til útlanda
eru á 0 kr. frá klukkan
19 til 24 í kvöld.
Sama hvort hringt
er í erlendan heimasíma
eða farsíma.
Ertu með
heimasíma hjá
Símanum?
Pssst!
Frábærir föstudagar
með Símanum
E
N
N
E
M
M
/
S
ÍA
/
N
M
4
4
8
5
1
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MÁ BJÓÐA
YKKUR
MEIRI VÍSI?