Fréttablaðið - 28.01.2011, Blaðsíða 58

30 28. janúar 2011 FÖSTUDAGUR
HM 2011 Ísland mætir Króatíu
í Malmö í kvöld í leiknum um
fimmta sætið á HM. Bæði lið ætl-
uðu sér stærri hluti en verða að
sætta sig við þennan leik, sem
skiptir talsverðu máli upp á riðil
í undankeppni Ólympíuleikanna
2012.
„Stemningin er náttúrlega ekk-
ert upp á það besta. Það er samt
sem áður einn leikur eftir og við
erum enn með á HM. Við erum
að spila upp á fimmta sætið, sem
er í rauninni mjög góður árangur
úr þessum sterka milliriðli þó svo
að við höfum aðeins unnið fyrir
sætinu með árangrinum í sjálfum
riðlinum. Það er blendin tilfinn-
ing með það,“ sagði Guðjón Valur
Sigurðsson við Fréttablaðið í gær.
Hann er að spila á sínu þrett-
ánda stórmóti og þekkir því hæð-
irnar og lægðirnar sem fylgja slík-
um mótum. Íslenska liðið virtist
ekki höndla mótlætið neitt sérstak-
lega vel eins og sjá mátti í leiknum
gegn Spánverjum er liðið mætti
engan veginn tilbúið til leiks.
„Við höfum lent í þessu nokkrum
sinnum. Ég væri hálfgerður smá-
krakki ef ég vissi ekki hvað ég væri
að fara út í eftir öll þessi stórmót.
Auðvitað er samt nokkuð sérstakt
hvernig þetta spilaðist. Ég var með
smá fiðring í maganum fyrir leik
Ungverja og Spánverja og vonaði
að þetta sæti væri tryggt áður en
við mættum Frökkunum, þó svo að
við hefðum ætlað að vinna þá. Það
sem gerir þetta skemmtilegt er að
aðrir leikir eru í gangi sem geta
hjálpað,“ sagði Guðjón, sem bend-
ir á að hnjask leikmanna hafi haft
áhrif á gengi liðsins.
„Það hafa verið smávægileg
meiðsl sem þróuðust í annað og
meira. Ég vona samt að það verði
allir klárir í leikinn gegn Króatíu,“
sagði Guðjón. Hann býst eðlilega
við mjög erfiðum leik enda hafa
Króatar haft eitt besta lið heims
um árabil þó svo að þeir hafi ekki
náð undanúrslitasæti að þessu
sinni.
„Þeir eru mjög misjafnir. Þegar
þeir virkilega nenna þessu og hafa
upp á eitthvað að spila eru þeir frá-
bærir. Þeir hafa gagnrýnt sjálfa sig
á þessu móti, sem er frekar óvenju-
legt. Það segir mér að þeir ætli að
gefa allt í leikinn gegn okkur. Þeir
eru ekki bara með gott lið heldur
er það líka skemmtilegt. Þeir eru
með mjög flinka leikmenn. Það
gerir líka leikinn skemmtilegan.
Þetta er ekki Ástralía heldur eitt
besta landslið heims.“
Eftir þrjá tapleiki í röð mátti
heyra á strákunum í gær að þeir
eru allir sem einn mjög ákveðnir í
því að enda mótið á jákvæðan hátt
með sigri.
„Það er ekki spurning. Ég er
rétt að byrja að spila sjálfur og
eins og belja á vorin. Mér finnst
þetta æðislegt og líður betur í
skrokknum með hverjum leik, sem
hefur komið á óvart. Ég er ánægð-
ur að vera hérna ennþá,“ sagði
Guðjón, sem er nýbyrjaður að spila
eftir tíu mánaða fjarveru.
Iceland Express-deild karla
Tindastóll - ÍR 78-69 (35-33)
Stig Tindastóls: Hayward Fain 23/10 fráköst/4
varin skot, Sean Kingsley Cunningham 20,
Dragoljub Kitanovic 18/7 fráköst, Friðrik
Hreinsson 8, Helgi Rafn Viggósson 7/16 fráköst/7
stolnir, Helgi Freyr Margeirsson 2,
Stig ÍR: Kelly Biedler 14/9 fráköst, James
Bartolotta 13, Nemanja Sovic 11/5 fráköst, Eiríkur
Önundarson 10, Hjalti Friðriksson 10/6 fráköst,
Níels Dungal 7, Sveinbjörn Claessen 4
Njarðvík - Stjarnan 89-68 (49-36)
Stig Njarðvíkur: Melzie Jonathan Moore 23/5
fráköst, Christopher Smith 20, Nenad Tomasevic
18/4 fráköst/5 stoðsendingar, Jóhann Árni
Ólafsson 13/6 fráköst/7 stoðsendingar, Páll
Kristinsson 4, Rúnar Ingi Erlingsson 3, Friðrik
E. Stefánsson 2/6 fráköst, Egill Jónasson 2/5
fráköst, Ólafur Helgi Jónsson 2, Hjörtur Hrafn
Einarsson 2.
Stig Stjörnunnar: Justin Shouse 16, Jovan
Zdravevski 11/10 fráköst, Fannar Freyr Helgason
11/6 fráköst, Renato Lindmets 10/7 fráköst,
Daníel G. Guðmundsson 9, Ólafur Aron Ingvason
5, Marvin Valdimarsson 4, Guðjón Lárusson 2.
Grindavík - Haukar 63-82 (35-48)
Stig Grindavíkur: Páll Axel Vilbergsson 20/6
fráköst, Ryan Pettinella 16/17 fráköst, Þorleifur
Ólafsson 10/8 stoðsendingar, Guðlaugur
Eyjólfsson 8/5 stoðsendingar/5 stolnir, Ómar
Örn Sævarsson 5/10 fráköst, Ólafur Ólafsson
4/5 fráköst,
Stig Hauka: Gerald Robinson 20/23 fráköst,
Semaj Inge 19/8 fráköst/5 stoðsendingar/7
stolnir, Haukur Óskarsson 11/5 fráköst, Sveinn
Ómar Sveinsson 10/6 fráköst, Emil Barja 9/11
fráköst, Örn Sigurðarson 6, Óskar Ingi Magnússon
4, Davíð Páll Hermannsson 3,
HM 2011 í handbolta
LEIKIR UM SÆTI
9/10: Noregur - Serbía 32-31 (30-30)
11/12: Þýskaland - Argentína 40-35 (27-27,
31-31)
LEIKIR DAGSINS:
5./6. sæti: Ísland - Króatía kl. 19.30
7./8. sæti: Pólland - Ungverjaland kl. 17.00
Undanúrslit: Svíþjóð - Frakkland kl. 17.00
Undanúrslit: Danmörk - Spánn kl. 19.30
ÚRSLIT
HM 2011 Þjóðverjar luku keppni
á heimsmeistaramótinu í hand-
bolta í gær og fer árangur liðs-
ins seint í sögubækurnar hjá
stórþjóðinni. Þjóðverjar þurftu
tvær framlengingar til þess
að leggja Argentínu í leik um
11. sætið. Lokatölur urðu 40-
35. Staðan var jöfn 27-27 eftir
venjulegan leiktíma og 31-31
eftir fyrri framlenginguna. Uwe
Gensheimer skoraði 9 mörk
fyrir Þjóðverja líkt og Holger
Glandorf.
Norðmenn náðu 9. sætinu með
32-31 sigri gegn Serbíu en sá
leikur fór einnig í framlengingu.
Staðan var jöfn, 30-30, eftir
venjulegan leiktíma. Norðmenn
enduðu mótið því á jákvæðum
nótum þrátt fyrir að línumaður-
inn Frank Løke hafi verið
rekinn úr liðinu fyrir agabrot
á miðvikudaginn. - seþ
HM í handbolta í Svíþjóð:
Norðmenn
náðu 9. sætinu
Króatar frábærir þegar þeir nenna
Guðjón Valur Sigurðsson býst við beittu og grimmu liði Króata í lokaleik liðsins á HM í kvöld. Hann hefur
notið þess að spila eftir langa fjarveru og segist verða betri í skrokknum eftir hvern leik, ólíkt félögunum.
SVÍFUR INN Í TEIGINN Guðjón Valur Sigurðsson hefur verið í lykilhlutverki á HM í handbolta eins og svo oft áður með íslenska
landsliðinu. FRÉTTABLAÐIÐ/VALLI
KÖRFUBOLTI Taphrinu Njarðvík-
inga í Iceland Express-deild karla
í körfubolta lauk í gær þegar liðið
lagði Stjörnuna 82-63 á heimavelli.
Þrátt fyrir sigurinn eru Njarðvík-
ingar enn í fallsæti með 10 stig
en liðið fékk til sín tvo erlenda
leikmenn í vikunni og voru þeir
atkvæðamiklir í leiknum.
Þrír leikir fóru fram í gær og
vakti stórsigur Hauka á útivelli
gegn Grindavík athygli, 82-63, en
Grindvíkingar eru í öðru sæti með
24 stig líkt og Snæfell sem á leik til
góða í kvöld gegn KFÍ á Ísafirði.
„Við erum ánægðir með varn-
arleikinn gegn Stjörnunni og
gott fyrir liðið að ná að sigra
eftir fjóra tapleiki í röð í
deildinni,“ sagði Friðrik
Ragnarsson, þjálfari Njarð-
víkur, í gær við Fréttablaðið.
Friðrik tók nýverið við þjálf-
un liðsins ásamt
Einari Árna
Jóhanns-
syni eftir
að Sigurð-
ur Ingi-
mund-
arson
hætti. „Það er ekkert
leyndarmál að staða
liðsins í deildinni er
þannig að markmið-
ið er ekkert annað en
að koma okkur sem
lengst frá þessu „heita“
fallsæti. Vissulega eru
margir sem gagnrýna
okkur fyrir að taka tvo
erlenda leikmenn
á þessum tímapunkti en það var
bara nauðsynlegt að okkar mati.
Það er bjart fram undan hjá Njarð-
vík – ungir strákar að koma upp í
gegnum yngri flokkana í „kippum“
en við þurfum að bíða aðeins eftir
þeim,“ segir Friðrik.
Grindvíkingar réðu ekki við
sprækt lið Hauka þar sem Gerald
Robinson fór á kostum með 20 stig
og 23 fráköst.
Tindastóll heldur áfram að sigla
upp töfluna eftir skelfilega byrjun
á mótinu og liðið er nú með 14 stig
í 7. sæti eftir 78-69 sigur gegn ÍR.
- seþ
Taphrinu Njarðvíkinga lauk í gær með sigri gegn Stjörnunni í Ljónagryfjunni:
„Við ætlum að koma frá þessu „heita“ sæti“
SIGUR Friðrik Ragn-
arsson ætlar ekki að
vera með Njarðvík í
fallbaráttunni.
Vátryggingafélag Íslands hf. | Ármúla 3 | 108 Reykjavík | Sími 560 5000 | vis.is
Baráttukveðjur
frá VÍS!
Strákarnir okkar eru svo skemmtilega
ólíkir og okkur þykir óskaplega vænt
um þá alla. VÍS er stoltur styrktaraðili
íslenska landsliðsins á HM í Svíþjóð.
Henry Birgir
Gunnarsson
og Valgarður
Gíslason
fjalla um HM í Svíþjóð
henry@frettabladid.is - valgard.gislason@365.is