Fréttablaðið - 08.02.2011, Blaðsíða 6
6 8. febrúar 2011 ÞRIÐJUDAGUR
DÓMSMÁL Gunnar Rúnar Sigurþórs-
son, sem játað hefur að hafa orðið
Hannesi Þór Helgasyni að bana í
ágúst á síðasta ári, sendi unnustu
Hannesar samúðarkveðjur og
hringdi í hana eftir verknaðinn.
Þetta kom fram í máli Jóns Egils-
sonar, réttargæslumanns foreldra
Hannesar Þórs, við aðalmeðferð
málsins í Héraðsdómi Reykjaness
í gær.
Ákæruvaldið og verjandi Gunn-
ars Rúnars tókust á um sakhæfi
hans við flutning málsins. Sigríð-
ur Elsa Kjartansdóttir saksóknari
krafðist sextán ára fangelsisdóms
yfir Gunnari Rúnari og til vara
vistunar á viðeigandi stofnun. Hún
taldi ekki hafa verið sýnt fram á
að hann væri ósakhæfur. Guðrún
Sesselja Arnardóttir, verjandi sak-
borningsins, krafðist þess að hann
yrði sýknaður á grundvelli ósak-
hæfis eða að hann yrði dæmdur til
vægustu refsingar.
Kaus að tjá sig ekki
Þrír geðlæknar, sem mátu sak-
hæfi Gunnars Rúnars, mættu fyrir
dóminn og gáfu skýrslu. Sjálfur
mætti Gunnar Rúnar og staðfesti
lögregluskýrslur varðandi málið.
Hann kaus að tjá sig ekki fyrir
dómi og jafnframt að vera ekki við-
staddur réttarhöldin. Hann var því
leiddur í burtu að því búnu.
Geðlæknarnir þrír voru á einu
máli um að Gunnar Rúnar væri
ekki sakhæfur. Helgi Garðarsson,
geðlæknir á Landspítalanum, sagði
að Gunnar Rúnar hefði þróað með
sér sjúklegt sálarlíf með djúpstæðu
rofi á persónuleika í kjölfar þess að
faðir hans svipti sig lífi þegar hann
var níu ára. Fram til þess hefði
hann verið ofureðlilegt barn. Síðar
hefði hann þróað með sér tvo per-
sónuleika, annars vegar verið hinn
eðlilegi, heilbrigði og dagfarsprúði
piltur en hins vegar persónuleiki á
djúpu geðrofsplani.
Sjúkleg þráhyggjuást
Sú ást sem hann virtist hafa lagt
á unnustu Hannesar Þórs hefði
einkennst af sjúklegri þráhyggju
á geðrofsgrunni. Hann hefði dreg-
ið sig inn í einsemdina og ætlað
sér að klára sitt líf upp á eigin
spýtur. Hjá honum hefði sprott-
ið upp mjög sjúkleg hugsun um
að ryðja Hannesi úr vegi til að
geta notið unnustu hans. Gunnar
Rúnar hefði sett jafnaðarmerki
milli hugsunar og verknaðar.
Eftir verknaðinn hefði hann trúað
því að bara ef hann hristi hausinn
nógu lengi myndi hann losna við
óhugnaðinn.
Tómas Zoëga geðlæknir tók
að mestu í sama streng og Helgi.
Hann rakti hvernig Gunnar
Rúnar myndaði félagsleg tengsl
eftir að unnusta Hannesar Þórs,
sem var bekkjarsystir hans, bauð
honum í partí heima hjá Hann-
esi og tók upp kunningsskap við
hann. Gunnar Rúnar hefði orðið
ástfanginn af unnustunni og borið
eins konar ástaræði til hennar.
Tómas greindi frá því að Gunn-
ar Rúnar hefði sagt sér að hann
hefði verið „brosandi og liðið vel“
þegar hann var á leiðinni að bana
Hannesi.
Varð hamslaus í viðtali
Kristinn Tómasson geðlæknir
greindi frá því að hann og Tómas
hefðu orðið „hálfhræddir“ við
Gunnar Rúnar þegar hann brotn-
aði saman í viðtali við þá. Hann
hefði orðið hamslaus. Allir geð-
læknarnir voru á einu máli um að
Gunnar Rúnar gæti verið hættu-
legur umhverfi sínu í núverandi
ástandi.
jss@frettabladid.is
FJÖLDI MANNS Fjöldi manns beið þess
að dómsalurinn yrði opnaður í gær-
morgun. Tveir dómsalir voru teknir undir
aðalmeðferðina til að allir gætu hlýtt á
hana sem þess óskuðu.
Í JÁRNUM Gunnar Rúnar var leiddur í handjárnum í dómsal. Hann baðst undan því
að sitja aðalmeðferðina. FRETTABLADID/GVA
Vottaði unnustunni
samúð eftir morðið
Gunnar Rúnar Sigurþórsson hafði samband við unnustu Hannesar Helgasonar
eftir að hann myrti hann og vottaði henni samúð sína. Hann hefur orðið hams-
laus í viðtölum og hrætt geðlækna. Brosti og leið vel á leiðinni á morðstaðinn.
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
Cisco CCNA
ÖFLUGASTA GRÁÐAN Í DAG!
84 stundir - Verð: 289.000.-
völdnámskeið 1. mars - 14. apríl
+ 1 verklegur sunnudagur
CCNA gráðan er af mörgum talin ein öflugasta
gráðan í upplýsingatækni sem völ er á.
Ef þú hefur áhuga á að verða sérfræðingur í uppbyggingu á
tölvunetum og þeim tækjum sem notuð eru í samskiptum í
netheiminum í dag, þá er þetta námskeiðið fyrir þig. Námið er
undirbúningur fyrir prófið 640-802 sem er CCNA prófið frá Cisco
og er það innifalið í verði námskeiðisins.
Þetta er nám sem gerir talsverðar kröfur til nemenda, en styrkir
án efa stöðu þeirra á vinnumarkaðinum.
Kennari námskeiðsins er Þorsteinn Einarsson. Hann býr yfir 15
ára reynslu í Networking og er með CCIE gráðu (Cisco Certified
Internetwork Expert).
SAMKEPPNI Afgreiðsla Flugmálastjórnar Íslands
á flugréttindum hér á landi raskar samkeppni í
áætlunarflugi til og frá landinu, að því er fram
kemur í nýrri ákvörðun Samkeppniseftirlits-
ins.
„Skilyrði nýlegrar ákvörðunar Flugmála-
stjórnar um leyfi til Astraeus, sem er flug-
rekstraraðili Iceland Express, hefðu að óbreyttu
komið í veg fyrir að félagið gæti boðið upp á
áætlunarflug milli Keflavíkur og Winnipeg í
Kanada næsta sumar,“ segir í tilkynningu Sam-
keppniseftirlitsins, sem hefur beint bindandi
fyrirmælum til Flugmálastjórnar um að breyta
verklagi sínu við veitingu flugréttinda með það
að markmiði að auka samkeppni í flugi.
Í ákvörðun Samkeppniseftirlitsins segir að
skilyrði Flugmálastjórnar styðjist ekki við
heimild í lögum og hafi skaðleg áhrif á sam-
keppni.
„Á það sérstaklega við í þessu máli þar sem
ákvörðun Flugmálastjórnar hindrar Iceland
Express sem er helsti keppinautur Icelandair
í áætlunarflugi til og frá Íslandi að efla starf-
semi sína og fjölga áfangastöðum. Er því nauð-
synlegt að Flugmálastjórn breyti verklagi sínu
með það að markmiði að efla virka samkeppni
til að nýir eða minni keppinautar geti með sem
minnstum takmörkunum hafið flug til og frá
Íslandi og aukið samkeppni til hagsbóta fyrir
neytendur.“ - óká
Á VELLINUM Samkeppniseftirlitið beinir því til Flugmála-
stjórnar að upplýsa ekki flugrekendur hér um sam-
keppnisáform annarra flugrekenda. FRÉTTABLAÐIÐ/GVA
Samkeppniseftirlitið segir afgreiðslu Flugmálastjórnar á flugréttindum raska samkeppni í millilandaflugi:
Flugmálastjórn breyti verklagi og efli samkeppni
Þú getur alltaf lesið Fréttablaðið frítt á Vísi
eða fengið sendan daglegan tölvupóst
með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU
Hefur þú gist fangageymslur
lögreglunnar?
Já 18,2%
Nei 81,8%
SPURNING DAGSINS Í DAG
Hefur þú séð uglu berum aug-
um í náttúrunni?
Segðu þína skoðun á visir.is
BRETLAND, AP Geoffrey Robertson,
lögmaður Julians Assange, segir
að verði Assange framseldur til
Svíþjóðar eigi hann á hættu að
brotið verði á réttindum hans.
Bæði sé það brot á alþjóðaregl-
um að halda réttarhöld fyrir lukt-
um dyrum, auk þess sem hætta
sé á að Assange verði annaðhvort
framseldur eða fluttur ólöglega til
Bandaríkjanna, þar sem hann gæti
átt yfir höfði sér þunga refsingu
vegna bandarískra leynigagna sem
birt voru á Wikileaks.
Þá sagði Robertson fyrir rétti í
London í gær að Svíar gætu ekki
gert kröfu um framsal til Svíþjóð-
ar vegna þess að Assange hefði
enn ekki verið ákærður, auk þess
sem ásakanir um „minni háttar
nauðgun“ gæti ekki talist nauðgun
samkvæmt breskum og evrópsk-
um lögum.
Clare Montgomery, lögmaður
Svía, segir ekkert hæft í þessum
ásökunum. Ekkert verði bogið við
réttarhöld í Svíþjóð og enginn vafi
leiki á því að framsalskrafa eigi
rétt á sér í þessu máli.
- gb
Julian Assange kom fyrir rétt í London í gær vegna kynferðisbrotamáls í Svíþjóð:
Treystir ekki réttarkerfi Svía
JULIAN ASSANGE Nokkrar vikur gætu
liðið áður en breski dómarinn tekur
ákvörðun í framsalsmálinu. FRÉTTABLAÐIÐ/AP
KJÖRKASSINN