Fréttablaðið - 08.02.2011, Blaðsíða 18
8. febrúar 2011 ÞRIÐJUDAGUR18
timamot@frettabladid.is
Minn besti vinur og eiginmaður, faðir
okkar, tengdafaðir, sonur, tengdasonur
og afi
Valgarð Guðni Ólafsson
lést á LSH í Kópavogi þann 28. janúar sl. Jarðarför
hefur farið fram í kyrrþey að ósk Valla.
Sólveig Steinsson
Esther Jóhanna Valgarðsdóttir
Silja Rún Valgarðsdóttir Árni Snorri Eggertsson
Selma Dögg Valgarðsdóttir Oddur Jóhannesson
Arna Guðný Valgarðsdóttir
Fríða Margrét Guðjónsdóttir
Guðrún Ansnes
Anton Örn, Viktor Guðni, Atli Hrafn, Fróði Már, Aron
Valur, Valgarð Guðni og Anita Sól.
MOSAIK
Ástkær móðir okkar og tengdamóðir
Sólborg Kristín Jónsdóttir
Furugerði 1,
lést á Landspítalanum Fossvogi 4. febrúar s.l.
Jarðarförin auglýst síðar.
Jónína Margrét Guðmundsdóttir Björgvin H. Kristinsson
Valgeir Ó. Guðmundsson Jóhanna L. Gísladóttir
María Guðmundsdóttir
Elskuleg móðir okkar, tengdamóðir,
amma og langamma,
Erna Bjargey
Magnúsdóttir
Dalalandi 16, Reykjavík,
lést þann 26.1.2011. Útför hennar hefur farið fram í
kyrrþey að ósk hinnar látnu.
Oddur Kristinn Gunnarsson Hrafnhildur B. Halldórsdóttir
Ásgeir Örn Gunnarsson Þórdís Gunnarsdóttir
Jóhann Vilbogason Margrét Þóra Gunnarsdóttir
Hjálmar S. Elíesersson
barnabörn og langömmubörn
Faðir okkar, afi og vinur
Bragi Garðarsson
prentari,
lést fimmtudaginn 3. febrúar á hjúkrunarheimilinu
Mörkinni.
Garðar Þór Bragason
Baldur Magni Bragason
Kristinn Bragi Garðarsson
Auður Björg Baldursdóttir
Alex Snær Baldursson
Vilborg Guðjónsdóttir
Elskuleg móðir okkar, tengdamóðir,
amma, langamma
og langalangamma,
Soffía Guðmundsdóttir
Eyrarvegi 27, 600 Akureyri,
lést á Sjúkrahúsinu á Akureyri að morgni 31. janúar.
Útförin fer fram frá Akureyrarkirkju, fimmtudaginn
10. febrúar klukkan 13.30.
Fyrir hönd aðstandenda,
Guðmundur Frímannsson Ingibjörg Eiríksdóttir
Frímann Frímannsson Sigríður Árnadóttir
Gunnar Frímannsson Áslaug Kristjánsdóttir
Grettir Frímannsson Margrét Þórðardóttir
Guðrún Frímannsdóttir
og öll ömmubörnin.
ANNA NICOLE SMITH fyrirsæta lést þennan dag árið 2007.
„Ég finn sterka tengingu við Marilyn Monroe og finnst
líf okkar og örlög að mörgu leyti samtvinnuð.“
„Ég varð himinlifandi þegar ég heyrði
að hluti arfsins hefði farið í kaup á slík-
um dýrgrip og veit að Einar og Knút-
ur hefðu orðið jóðlandi glaðir,“ segir
Guðrún Bergsveinsdóttir, kær vin-
kona menningarunnendanna Einars G.
Eggertssonar og Knúts R. Einarssonar
sem arfleiddu Hörpu að öllum eigum
sínum en rausnarlegur arfur þeirra
gerði Hörpu kleift að kaupa afbragðs
Steinway konsertflygil.
Ævilöng vinátta Guðrúnar við sam-
býlismennina Einar og Knút hófst
þegar þau keyptu íbúðir í nýbyggingu
við Ljósheima árið 1964.
„Báðir voru stóryndislegir náungar
en Knúti kynntist ég öllu betur. Hann
fæddist í Danmörku, skírður Knud
Broberg Larsen en leiðir þeirra Einars
lágu saman þegar Einar var á ferða-
lagi í Kaupmannahöfn. Seinna gerð-
ist Knútur íslenskur ríkisborgari, hóf
sambúð með Einari og tók sér nafnið
Knútur Reynir Einarsson, en í þá tíð
var ástarsamband karla ekki opin-
bert á Íslandi. Því mátti líta á sambúð
þeirra sem feðgasamband fyrir þá
sem ekki vissu betur, en á þeim var
sextán ára aldursmunur,“ segir Guð-
rún sem saknar vina í stað því Knútur
varð henni sem besti bróðir.
„Knútur var mikill barnakall og
dýravinur. Báðir unnu þeir verslun-
arstörf og var Einar verslunarstjóri
í Andersen og Lauth alla sína starfs-
ævi eftir að við kynntumst en Knútur
vann þar líka um tíma, sem og í Fálk-
anum og Jónsvali. Báðir voru miklir
tónlistarunnendur, fastagestir á tón-
leikum Sinfóníunnar þar sem Jóhann-
es, bróðir Einars, lék á selló en systir
hans, Margrét, var söngkona og einn af
stofnendum Söngskólans. Sjálfur lærði
Einar söng í Austurríki, söng í fyrstu
uppfærslu Rigoletto í Þjóðleikhúsinu
og var alla tíð í karlakór Fóstbræðra,“
segir Guðrún um sína mætu nágranna
sem síðar urðu miklir heimilisvinir og
reyndust henni vinir í raun.
„Dóttir mín hefur verið nýrnasjúk
frá barnsaldri og þurfti ung í nýrna-
ígræðslu. Við foreldrarnir þurftum
að fylgja henni utan en bróðir hennar
var úti í námi og yngri systir í barna-
skóla. Þá gerði Knútur sér lítið fyrir
og flutti inn á heimilið til að hugsa um
dóttur mína í þrjá mánuði, þannig að
allir geta séð að maðurinn var einstak-
ur,“ segir Guðrún sem seinna launaði
Knúti vináttuna með svipuðum hætti
þegar hann bað hana að hjálpa sér í
gegnum síðasta áfanga lífs síns.
„Einar fæddist 5. ágúst 1921 en
Knútur 5. maí 1937. Þegar aldurinn
færðist yfir fékk Einar Alzheimers og
annaðist Knútur hann á Skjóli þar til
Einar lést 9. september 2006. Á þeim
tíma var nýra dóttur minnar að gefa
sig og aftur bauðst Knútur til að sjá
um heimilið og hundana okkar meðan
við fylgdum henni í aðgerð. Ég gerði
þó aðrar ráðstafanir því Knútur var að
verða sjötugur og ég gat ekki hugsað
mér að hafa af honum afmælið. Hann
fór um vorið til Kanaríeyja en kom
heim í byrjun júní orðinn veikur af
krabbameini. Knútur dó úr því meini
9. september 2007 svo þeir sálufélag-
arnir dóu á sama degi með aðeins árs
millibili,“ segir Guðrún sem eftir útför
Knúts kom erfðaskrá þeirra Einars til
sýslumanns, en báðir voru barnlausir
og án lögerfingja.
„Í upphafi áttu eignir þeirra að
renna til Söngskólans og Íslensku
óperunnar en það var áður en óperan
fór í Gamla bíó. Að Einari látnum tal-
aði Knútur oft um hversu illa honum
leist á bruðlið í Hörpu og ef honum
hefði enst aldur til hefði hann senni-
lega breytt erfðaskránni. Sjálf hafði
ég séð arfinn fyrir mér í áföllnum silf-
urskildi á hurðarkarmi efstu hæðar
Hörpu þar sem vera áttu einkaskrif-
stofur Björgólfs og því stórkostlega
létt að heyra um flygilskaupin því það
hefði verið verulega í þeirra anda og
er algjörlega frábær lausn. Í gjöfinni
liggur ævistarf tveggja einstaklinga
sem voru miklir menningarunnendur
og yndislegar manneskjur, en arfur-
inn er hvergi tæmdur og því gaman að
fylgjast með áfram og sjá hvað verður
gert við það sem eftir stendur, en þeir
Einar og Knútur höfðu líka gælt við að
það færi í stóla Hörpu.“
thordis@frettabladid.is
GUÐRÚN BERGSVEINSDÓTTIR: UM GEFENDUR STEINWAY- FLYGILSINS Í HÖRPU
Hefðu orðið jóðlandi glaðir
GUÐRÚN OG HARPA Guðrún Bergsveinsdóttir er alsæl með ráðstöfun arfs þeirra Einars og
Knúts vegna kaupa á konsertflygli Hörpu, en hann verður vígður á opnunartónleikum Hörpu í
maí næstkomandi þegar Víkingur Heiðar leikur á flygilinn ásamt Sinfóníuhljómsveit Íslands.
FRÉTTABLAÐIÐ/GVA
Merkisatburðir
1696 Fimmtán menn verða úti norðanlands og vestan í stríðu
norðanfjúki og frosti.
1925 Togaranir Leifur heppni og Robertson farast á Halamiðum
með 68 menn innanborðs.
1935 Enski togarinn Langanes frá Grimsby strandar í ofviðri við
Svalvogahamra og fjórtán manns farast.
1980 Ríkisstjórn Gunnars Thoroddsen tekur við völdum.
1980 Kvikmyndin Veiðiferðin eftir Andrés Indriðason frumsýnd.
1992 Kvikmyndin Ingaló eftir Ásdísi Thoroddsen frumsýnd.
María Stúart, drottning af Skotlandi (1542 til
1567), var tekin af lífi þennan dag fyrir 424 árum.
María var aðeins sex ára þegar faðir hennar lést
og var krýnd drottning níu mánuðum síðar. Hún
giftist franska ríkisarfanum Francis 1558 en var
Frakklandsdrottning í aðeins tvö ár þegar maður
hennar lést. Þá sneri hún aftur til Skotlands og
giftist frænda sínum Henry Stúart eða Darnley
lávarði, en hann fannst kyrktur í garði þeirra
hjóna veturinn 1567. Fljótlega giftist María James
Hepburn, jarli af Bothwell, sem almennt var
talinn banamaður Darnleys. Í kjölfar uppreisnar
gegn þeim hjónum var María fangelsuð í Loch
Leven-kastalanum. Eftir misheppnaða tilraun til
að endurheimta hásætið flúði María til Englands
á náðir móðursystur sinnar, Elísabetar I. drottning-
ar, en þar vonaðist hún eftir að taka við krúnunni
enda lögmætur þjóðhöfðingi Englands að mati
kaþólskra. Elísabet lét handtaka frænku sína og
eftir nítján ár í varðhaldi var réttað yfir Maríu og
hún tekin af lífi fyrir föðurlandssvik og meinta
þátttöku við að ráða Elísabetu af dögum.
ÞETTA GERÐIST 8. FEBRÚAR 1587
María Stúart aflífuð fyrir landráð