Fréttablaðið - 17.02.2011, Blaðsíða 29

FIMMTUDAGUR 17. FEBRÚAR 2011
Korkur er frábært gólfefni sem
allar kynslóðir aðhyllast og nú
sem aldrei fyrr.
„Korkur er alltaf jafn vinsæll og
sækir nú mjög í sig veðrið enda
einstakt gólfefni með fágæta
eiginleika,“ segir Alexander Þórs-
son, sölumaður hjá Þ. Þorgrímssyni
í Ármúla 29 sem byrjaði að selja ein-
angrunarkork árið 1953 og kork sem
gólfefni það herrans ár 1967.
„Korkur er mjúkur undir fót,
hljóðdempandi og einangrandi og
100 prósent náttúrulegt gólfefni
af sjálfbærum eikartrjám. Hann
er tekinn utan af stofni trésins á
níu ára fresti og vex til fullnustu
aftur á því árabili, sem er einkar
umhverfisvænt,“ segir Alexander
sem býður yfir hundrað útfærslur
korkgólfa í verslun Þ. Þorgríms-
sonar með fjölbreyttri litaflóru,
munstrum og þykktum, en aðal-
stærðir korkplatna eru 30x60,
45x45 og 45x60 sentimetrar.
„Áður fyrr völdu Íslendingar
kork að mestu á eldhúsgólf, enda
þægilegt undirlag þegar staðið er
við vinnu í lengri tíma. Nú hefur
landslagið hins vegar gjörbreyst
og fólk farið að leggja kork á alla
íbúðina, sem kemur stórkostlega
út. Margir trúa vart eigin augum
þegar þeir skoða úrval korkgólfa
í dag en sumar útfærslur eru eins
og náttúrusteinflísar á að líta,“
segir Alexander um endingargott
gólfefnið sem dugað getur manns-
aldur.
„Nú er vinsælt að setja kork á
barnaherbergi enda ákjósanlegur
kostur vegna hlýju sinnar og nota-
legheita. Þá dregur hann mjög úr
hættu á alvarlegum slysum vegna
mýktar sinnar og mörgum þykir
kostur að hann dregur úr hávaða
þar sem til dæmis er skarkað í
leikföngum,“ segir Alexander.
„Æ fleiri uppgötva nú hversu
flottur korkur er sem fljótandi
gólfefni á allt heimilið. Við finn-
um fyrir aukinni eftirspurn yngra
fólks sem nú er að hefja búskap
og ólst upp við kork, en það vill
hafa gólfið eins og það var hjá
mömmu,“ segir Alexander.
„Okkar korkur kemur frá
portúgalska framleiðandanum
Amorim sem er einn sá stærsti
í heiminum, með 130 ára starfs-
reynslu. Íslendingar þekkja
gæðin vel enda höfum við versl-
að með hann í hartnær fimmtíu
ár, og nú þykir ekki verra hversu
orkusparandi hann er,“ segir
Alexander og upplýsir vinsælustu
litina nú.
„Í korkinum eru dekkri litir,
alveg út í svart, sem og alveg út í
hvítt vinsælastir, og sígildir nátt-
úrulegir, ljósbrúnir litir.“
Þ. Þorgrímsson er í Ármúla 29.
Heimasíða er www.korkur.is.
Mjúkur, hlýr og notalegur
Hér stendur Alexander Þórsson, sölumaður hjá Þ. Þorgrímssyni, á spennandi og fjölbreyttu úrvali korkplatna frá portúgalska
framleiðandanum Amorim. FRÉTTABLAÐIÐ/STEFÁN
„Meðal heitustu nýjunga í gólfefnum nú er vín-
ylkorkur, sem er eins konar smelluparket með
vínylhúð,“ segir Alexander Þórsson, sölumaður hjá
Þ. Þorgrímssyni sem er eini aðilinn á gólfefnamark-
aði sem selur þessa nýstárlegu gólflausn.
„Vínylkorkur samanstendur af tveimur lögum af
korki, smellubúnaði eins og fólk kannast við í park-
eti, en efsta lagið er úr vínylhúð, sem er gríðarsterkt
efni. Við byrjuðum að selja vínylkork úr Alaskaeik
í fyrra og vissum ekkert hvað við værum að fara út
í, en hún varð strax svo vinsæl að við ákváðum að
bæta við línuna, sem nú fæst í fimm litum: alaska-
eik, hvíttaðri eik, reyktri eik, Provence-eik og evr-
ópskri eik,“ upplýsir Alexander um þetta sjóðheita
gólfefni.
„Vínylkorkur er afar flottur, nýr fyrir augað og
aðeins öðruvísi en fólk á að venjast, en þó með mjög
sjarmerandi og gamaldags útliti að sjá. Við veðj-
um á að hann verði æ vinsælli valkostur og fólk af
öllum kynslóðum fellur fyrir honum. Hann hentar
hvarvetna þar sem viðarárferð kemur fallega út og
það er leikur einn að leggja hann, en það þykir fólki
mikilvægt í dag,“ segir Alexander og víst er að ekki
skemmir fyrir að vínylkorkur kemur með áföstu
undirlagi svo ekki þarf að fjárfesta aukalega í því,
lími og öðru sem gjarnan fylgir gólfefnakaupum.
„Vínylkorkur er skemmtileg, hlý og notaleg afurð
frá Amorim í Portúgal sem enn eykur á útfærslu
korkgólfa og þróar nýjar gólflausnir.“
Vínylkorkur það heitasta
Vínylkorkur er slitsterkur og fallegur, með gamaldags viðar-
gólfsútliti. FRÉTTABLAÐIÐ/STEFÁN