Fréttablaðið - 17.02.2011, Blaðsíða 46

30 17. febrúar 2011 FIMMTUDAGUR
folk@frettabladid.is
Ingvar E. Sigurðsson er
sigur sælasti leikarinn á
Edduverðlaunahátíðinni
en hann hefur fengið fimm
Eddur fyrir leik sinn í
íslenskum kvikmyndum eða
stuttmyndum. Kristbjörg
Kjeld hefur oftast hlotið
Edduna af íslenskum leik-
konum.
„Verðlaunin skipta ekki miklu máli
upp á leiklistina að gera, ég verð
hvorki verri né betri leikari fyrir
vikið,“ segir Ingvar E. Sigurðsson.
Hann er sigursælasti leikari Eddu-
verðlaunahátíðarinnar, hefur hlot-
ið þau fimm sinnum fyrir leik og
einu sinni fyrir handrit.
Ingvar gæti bætt tveimur stytt-
um í safnið á laugardaginn því hann
er tilnefndur sem besti leikari í
aukahlutverki fyrir frammistöðu
sína í Kóngavegi og besta handrit
ásamt Vesturportshópnum fyrir
Brim. Lausleg könnun Fréttablaðs-
ins leiðir jafnframt í ljós að þegar
Ingvar hefur verið tilnefndur hefur
hann alltaf farið með styttuna heim.
Hann hlaut meira að segja verð-
launin fyrir stuttmyndina Slurpinn
& Co á fyrstu Edduverðlaunahátíð-
inni árið 1999. Ingvar segist ekki
vera mikill verðlaunakarl og hann
fyllist jafnframt kvíða þegar hann
er tilnefndur. „Það er mest gaman
á þessum Edduverðlaunum þegar
allt er yfirstaðið því þá eru allir að
fagna í góðu partístuði.“
Ingvar er reyndar ekki sigur-
sælasti kvikmyndagerðarmaður-
inn því sá heiður hlotnast Baltasar
Kormáki, sem hefur hlotið hana sjö
sinnum. Fast á hæla honum kemur
Ragnar Bragason með sex Eddur.
Dagur Kári getur reyndar skotist
fram úr Ragnari ef Íslenska kvik-
mynda- og sjónvarpsakademían
verður honum hliðholl þetta árið.
Dagur hefur þegar hlotið fimm
Eddur og er tilnefndur til fjögurra
í ár; tveggja fyrir tónlist Slowblow í
kvikmyndunum Brim og The Good
Heart og svo fyrir leikstjórn og
handrit.
Karlarnir hafa haft þá tilhneig-
ingu að deila ekki Eddunum jafnt
á milli sín heldur hafa þær safn-
ast á hendur örfárra manna. Þegar
konurnar eru annars vegar er hins
vegar annað uppi á teningnum því
aðeins ein leikkona hefur hlotið
Edduna oftar en tvisvar, en það er
Kristbjörg Kjeld. Hún hefur unnið
styttuna góðu fyrir Kaldaljós,
Mávahlátur og Mömmu Gógó auk
þess sem hún hefur verið tilnefnd
fyrir bæði Fíaskó og Hafið.
freyrgigja@frettabladid.is
BALTASAR OG INGVAR Í SÉRFLOKKI
Hljómsveitin Prinspóló held-
ur útgáfutónleika á Faktorý í
kvöld. Á tónleikunum verður
plata sveitarinnar, Jukk, flutt í
heild sinni auk þess sem nokk-
ur lög af EP-plötunni Einn
heima eru á efnisskránni. Höf-
uðpaur Prinspóló og skapari
hljómsveitarinnar er Svavar
Pétur Eysteinsson. Auk hans
eru í bandinu Kristján Freyr
trommuleikari, Lóa Hjálm-
týsdóttir hljómborðsleikari,
og Loji
Höskuldsson
gítarleikari.
Aðgangs-
eyrir á
tónleikana
er 1.000 kr
og hefjast
þeir um tíu-
leytið.
Prinspóló
spilar Jukk
24
Bíó ★★★★
True Grit
Leikstjóri: Joel Coen, Ethan Coen
Leikarar: Jeff Bridges, Matt Damon, Josh Brolin, Hailee Steinfeld,
Barry Pepper.
Bræðurnir kunna þetta
Fólki fannst fyrstu myndir Coen-bræðra nýstárlegar og húmorinn ferskur.
Árin hafa liðið og myndirnar eru orðnar ansi margar. En húmor Coen-
bræðra er ekki enn farinn að sýna nein þreytumerki. Óviðjafnanleg
persónusköpun bræðranna er þeirra helsta einkenni, auk bráðfyndinna
samtala, og þessi atriði skína ætíð í gegn, hvort sem sögusviðið er Missis-
sippi á kreppuárunum eða Los Angeles nútímans.
Í True Grit heim-
sækjum við villta
vestur Coen-bræðra
og fylgjumst með
táningsstúlkunni
Mattie Ross (Hailee
Steinfeld) sem ræður
löggæslumanninn
Rooster Cogburn
(Jeff Bridges) til þess
að leita morðingja
föður síns. Cogburn
er drykkfelldur hrotti
sem er þekktur fyrir
að skjóta fyrst og
spyrja svo, og því
tilvalinn í verkið. Í för
með þeim slæst síðan uppskafningslegur lögreglumaður frá Texas, LaBoeuf,
sem leikinn er af Matt Damon, en hann á einnig hagsmuna að gæta og
freistar þess að ná ódæðismanninum fyrir annan glæp sem hann framdi
áður. Myndin er byggð á sömu bók og samnefnd kvikmynd frá 1969, en þar
voru þeir John Wayne og Glen Campbell í helstu hlutverkum.
Leikararnir skila sínu og gott betur. Jeff Bridges er stórkostlegur í hlutverki
þvoglumælta fylliraftsins og ekki er á allra færi að skilja hvað hann segir.
Nýliðinn Steinfeld stendur sig eins og hetja. Bæði eru þau tilnefnd til Ósk-
arsverðlauna fyrir frammistöðuna, Bridges í flokki aðalleikara en Steinfeld
sem besta leikkona í aukahlutverki. Þetta þykir mér (og fleirum) furðu-
legt, enda er Mattie Ross augljós aðalpersóna True Grit og mikið mæðir á
leikkonunni. Matt Damon er sprenghlægilegur og þeir Josh Brolin og Barry
Pepper eru stórskemmtileg illmenni. Ég ætlaði nú varla að þekkja Pepper,
svona illa tenntan og viðurstyggilegan.
Taktur myndarinnar er hægur en góður. Húmor Coen-bræðra virkar jafn
vel í villta vestrinu og annars staðar. True Grit verður þó að teljast sem ein
af alvörugefnari verkum bræðranna, og þó stutt sé í glensið tekur myndin
afar dramatíska stefnu undir lokin. Þetta hafa Coen-bræður alltaf gert vel
og kunna það greinilega ennþá. Eftir stendur glæsileg mynd, spennandi
og spaugileg, og aðdáendur bræðranna geta strax farið að hlakka til næstu
myndar. Þeir virðast ekki kunna að gera annað en að gera skemmtilegt bíó.
Haukur Viðar Alfreðsson
Niðurstaða: Aðdáendur Coen-bræðra fá heilmikið fyrir sinn snúð. Andi
Fargo og Blood Simple svífur yfir vötnum. Lebowski-sprellið bíður betri tíma.
ÓSKARSVERÐLAUNAEFNI Jeff Bridges og Hailee Steinfeld
í hlutverkum sínum í True Grit.
MILLJÓNIR KRÓNA hefur nýtt barnaherbergi Davids
og Victoriu Beckham kostað. Þau eiga vona á fjórða barni sínu
og hafa að sögn slúðurmiðla vestanhafs aldrei litið á verðmiða
hlutanna sem keyptir hafa verið í barnaherbergið.
Slurpinn & Co: 1999
Leikstjóri: Katrín Ólafsdóttir
Englar alheimsins: 2000
Leikstjóri: Friðrik Þór Friðriksson
Kaldaljós: 2004
Leikstjóri: Hilmar Oddsson
Mýrin: 2006
Leikstjóri: Baltasar Kormákur
Foreldrar: 2007
Leikstjóri: Ragnar Bragason
EDDURNAR
HANS INGVARS
SÉR Á BÁTI
Ingvar E. Sigurðsson hefur
hlotið fimm Eddur á sínum
farsæla ferli sem leikari. Hann
hlaut auk þess Eddu ásamt
öðrum fyrir handritið að kvik-
myndinni Foreldrum. Ingvar
getur bætt tveimur styttum í
safnið í kvöld og sagan sýnir
að Ingvar tapar ekki ef hann er
tilnefndur. Kristbjörg Kjeld er
sigursælasta leikkona Eddunnar
og sú eina sem hefur hlotið
fleiri en tvær því hún hefur
staðið uppi sem sigurvegari í
þrígang. Baltasar Kormákur er
aftur á móti sigursælasti kvik-
myndagerðarmaðurinn; hann á
sjö Eddur í sínum fórum.
SVAVAR
PÉTUR
Hljómsveitin
Prins póló held-
ur útgáfutón-
leika á Faktorý í
kvöld.
Faxafen 12 S. 533-1550.
OPIÐ
VIRKA DAGA 11 – 18
LAUGARD. 11 – 16
SUNNUD. 13 –16
Dömu & herrafatnaður
Úlpur 4.990,- til 7.990,-
Softshell 2.990,- til 4.990,-
Flíspeysur 1.990,-
Undirfatnaður 2.990,-
SÍÐUSTU DAGAR
LAGERSALA
Rýmum fyrir vor & sumarvörum
Barnafatnaður
Flíspeysur 1.990,-
Softshell 3.990,-
Úlpur 4.990,-
Gallar 4.990,-