Fréttablaðið - 18.02.2011, Qupperneq 46

26 18. febrúar 2011 FÖSTUDAGUR
folk@frettabladid.is
3.
Friðrik Weisshappel opnar
Laundromat Café í Austur-
stræti laugardaginn 5.
mars. Hann er þroskaðri
en hann var fyrir sjö árum
þegar hann hélt í víking til
Danmerkur.
„Ég ætlaði að læra jóga og dönsku.
Það voru markmiðin þegar ég
flutti út. Nú eru liðin sjö ár og ég
er búinn að fara í tvo jóga-tíma.
Danskan hefur bara komið smátt
og smátt,“ segir Friðrik Weiss-
happel og fær sér bita af pitsu frá
Horninu með rækjum, þistilhjört-
um og gráðaosti. Hann er loks-
ins að fara að opna stað í Aust-
urstræti, þar sem verslun Egils
Jacobsen var, eftir að hafa rekið
tvo Laundromat-staði í Kaup-
mannahöfn með góðum árangri.
Friðrik segist ekki vera orðinn
ríkur á kaffihúsarekstri í gömlu
höfuðborg Íslendinga, hann sé
með ágætis laun en búi í leiguíbúð
og eigi Citroën Berlingo sem hann
skuldi enn dálítið í.
Margir muna eflaust eftir Frið-
riki hér áður fyrr þegar nafn hans
fyllti „hverjir voru hvar“-dálk-
ana, hann var með sjónvarpsþátt,
gerði upp gömul hús og rak veit-
ingastaðina Kaffibarinn og Kaup-
félagið. „Og síðan fékk ég bara
nóg af sjálfum mér. Mér fannst
ég þurfa ögrun, eitthvað nýtt. Ég
þekkti orðið alla og langaði til að
kynnast nýju fólki og sjá sjálfan
mig í nýju umhverfi.“ Danmörk
varð fyrir valinu, jóganám og
dönskukennsla átti að vera rétt
handan við hornið þegar flug-
vél frá Icelandair lenti á Kast-
rup-flugvelli. „En ég var varla
búinn að taka upp úr ferðatösk-
unum þegar ég hafði fest kaup á
fyrsta Laundromat-staðnum og
var byrjaður að vinna eins og
brjálæðingur.“
Friðrik hlær þegar hann er
spurður hvort hann sé eins og nýr
maður eftir dvölina í Danmörku
en hugsar síðan málið, hann á
jú danska konu og tvær stelpur.
„Ég er allavega þroskaðri. Ég er
guðslifandi feginn að hafa ekki
orðið pabbi fyrr en fyrir þremur
árum, ég hefði ekki verið tilbú-
inn í föðurhlutverkið fyrr. Maður
lifði svo hratt. En ég elska að vera
pabbi og nýt þeirra forréttinda
að geta sinnt stelpunum mínum
vel. Og mér finnst æðislegt að
eldast, að vera að fá grátt hár og
svoleiðis.“
Og Friðrik hefur meira að
segja sagt skilið við áfengi og
sígarettur. „Ég var að koma heim
úr mikilli vinnuferð frá Osló fyrir
fimm árum og hafði aðeins fengið
mér í tána kvöldið áður. Ég opnaði
ísskápinn heima og sá tvo bjóra,
fékk mér annan en hellti hinum
niður og hef ekki drukkið síðan.“
Sígaretturnar og nikótínið hurfu
þremur mánuðum seinna þegar
góðvinur hans Indriði klæðskeri
féll frá. „Ég hugsaði með sjálfum
mér að ef maður sem hafði allt-
af hugsað jafnvel um heilsuna og
hann gerði gat farið svona snögg-
lega, þá væri ég að leika mér að
eldinum.“
Friðrik segist alltaf hugsa um
sig sem Íslending þótt hann sjái
það ekki fyrir sér að hann flytji
til Reykjavíkur í bráð. „Enginn
veit sína ævi fyrr en öll er. Ég
er mikill miðborgarmaður og ég
elska að opna þennan stað. Það er
mikill heiður fyrir mig að vera að
vinna í þessu húsi og fá tækifæri
til að skapa fólki atvinnu. Dan-
mörk er heima hjá mér núna en
Ísland verður það líka alltaf.“
freyrgigja@frettabladid.is
Nýr Frikki Weiss snýr heim
FJÖLSKYLDUMAÐUR Friðrik með konunum í sínu lífi, eiginkonunni Tine og hinni
þriggja ára gömlu Irmu. Yrsa, sem er þriggja mánaða, hvílir sig í vagninum inni á nýja
staðnum hans pabba síns við Austurstræti sem verður opnaður 5. mars.
FRÉTTABLAÐIÐ/STEFÁN
Bandaríski blúsarinn Pinetop Perk-
ins varð elsti Grammy-verðlauna-
hafi sögunnar þegar hann tók á móti
verðlaununum á sunnudag fyrir
plötuna Joined at the Hip: Pinetop
Perkins & Willie „Big Eyes“ Smith.
Perkins, sem er 97 ára, bætti met
grínistans George Burns sem vann
Grammy árið 1990, 95 ára gamall.
Perkins, sem spilaði á Blúshátíð í
Reykjavík árið 2009, hefur tvívegis
áður unnið Grammy-verðlaun. Fyrst
var hann heiðraður fyrir ævifram-
lag sitt til tónlistarinnar árið 2005
og tveimur árum síðar hlaut hann
verðlaunin fyrir blúsplötuna Last of
the Great Mississippi Delta Blues-
men: Live in Dallas.
Pinetop Perkins
elsti sigurvegarinn
PINETOP PERKINS Blúsarinn Pinetop
Perkins er elsti Grammy-verðlaunahafi
sögunnar.
Nýtt byrjendanámskeið
á morgnana
Nýtt byrjendanámskeið hefst
mánudaginn 6. september.

kennt verður mánudags og miðvikudagsmorgna
kl. 7.30 - 8.30

Nánari upplýsingar og skráning í símum
772 1025 og 695 8464
og á heimasíðunni jogastudio.is
Nýtt chakradansnámskeið hefst föstudaginn 18. febrúar.
Chakra dans er nýtt og spennandi tækifæri til að finna
sinn eigin rythma og opna fyrir orkustöðvarnar 7.
Chakradansinn hjálpar til við að slaka á spennu og stuðlar
að vellíðan á líkama, huga og sál.
Kennari er Þórey Viðarsdóttir, leiðbeinandi í jógadansi frá Kripalu
jóga- og heilsusetri í Bandaríkjunum.
Skráning á jogastudio.is og í síma 695-8464 Drífa og 772-1025 Ágústa.
Seljavegur 2 - 101 Reykjavík
www.jogastudio.is - jogastudio@hotmail.com
www.nyherji.is
FLEIRI KONUR Í
TÆKNIGREINAR
Nýherji leggur áherslu á að auka þátttöku kvenna í tæknigreinum.
Stelpur! Kynnið ykkur spennandi tölvunarfræðinám
á Háskóladeginum 19. febrúar, kl. 11.00-16.00,
í Háskólanum í Reykjavík og Háskóla Íslands (Askja).
E
N
N
E
M
M
/
S
ÍA
/
N
M
4
5
4
3
1
TOMB RAIDER-MYNDIN um hina klóku Löru Croft ku vera á teikniborðinu. Angelina
Jolie túlkaði harðjaxlinn eftirminnilega í fyrstu myndinni árið 2001, en Olivia Wilde er orðuð við
hlutverkið í þetta skipti.
Ég er guðslifandi feg-
inn að hafa ekki orðið
pabbi fyrr en fyrir þremur
árum, ég hefði ekki verið
tilbúinn í föðurhlutverkið fyrr.
Maður lifði svo hratt.
FRIÐRIK WEISSHAPPEL
VEITINGAMAÐUR