Fréttablaðið - 22.02.2011, Blaðsíða 6

22. febrúar 2011 ÞRIÐJUDAGUR6
Reykjavík - Reykjanesbæ
Akureyri - Húsavík
Vestmannaeyjum - Flúðum
NAPOLI hitastýrt
sturtusett
30.900 13.995
NAPOLI hitastýrð blöndunar-
tæki f. baðkar
SAFIR sturtusett
2.995
NAPOLI hitastýrð blöndunartæki
fyrir sturtu
11.900
ICESAVE „Það er búið að skrifa
undir samninginn og viðræðum
um hann er lokið. Málið er nú í
höndum Íslendinga sjálfra,“ segir
Niels Redeker, talsmaður hol-
lenska fjármálaráðuneytisins, í
samtali við Fréttablaðið um þá
ákvörðun Ólafs Ragnars Gríms-
sonar, forseta Íslands, að neita að
staðfesta Icesave-frumvarpið á
sunnudag og vísa samningnum í
þjóðaratkvæðagreiðslu.
Redeker segir hollensk stjórn-
völd munu fylgjast með málinu og
bíða þess að stjórnvöld hér upp-
lýsi þau hollensku um næstu skref.
Það hafði ekki verið gert síðdegis
í gær og vissi hann ekki hvenær
áætlað væri að landsmenn gengju
til þjóðaratkvæðagreiðslu.
Breskir fjölmiðlar voru nokk-
uð harðorðari vegna ákvörðunar
forsetans. Breska dagblaðið The
Guardian sagði í gær ákvörðunina
geta valdið stjórnvöldum þar í
landi hugarangri enda hefði ríkis-
stjórnin breska samþykkt að taka
á sig hluta af kostnaðinum. Blað-
ið segir ákvörðun forsetans valda
því að bresk og hollensk stjórnvöld
verði að bíða lengur eftir því að fá
upp í það sem þau greiddu inn-
stæðueigendum í löndunum báðum
eftir fall gamla Landsbankans.
Bloomberg-fréttaveitan rifj-
ar upp að þegar forsetinn hafi
vísað fyrri Icesave-samningi til
þjóðarinnar hafi matsfyrirtækið
Fitch lækkað lánshæfiseinkunnir
Íslands niður í ruslflokk og sé rík-
isstjórnin enn með lélegt lánshæfi
hjá hinum stóru matsfyrirtækjun-
um, Moody‘s og Standard & Poor‘s.
Þá er því haldið fram að ákvörðun
forsetans geti valdið því að sam-
skipti stjórnvalda hér við Breta og
Hollendinga verði stirðari en áður.
Netmiðillinn Deutsche Welle
bætir því við að málið geti sett
stein í götu aðildarviðræðna
íslenskra stjórnvalda við Evrópu-
sambandið.
Ekki náðist samband við breska
fjármálaráðuneytið þegar eftir því
var leitað í gær.
Í flestum fjölmiðlum ytra var
bent á að fyrri Icesave-samning-
ur hefði verið felldur í þjóðarat-
kvæðagreiðslu fyrir tæpu ári. Þar
sagði jafnframt að sá samningur
sem nú lægi á borðinu væri tals-
vert hagstæðari en fyrri samning-
ar. Eftir sölu eigna gamla Lands-
bankans upp í kröfur gætu á bilinu
250 til tæpra 300 milljóna evra
fallið á íslenska ríkið. Það eru allt
að 47 milljarðar íslenskra króna.
jonab@frettabladid.is
Segja Icesave-viðræðum lokið
Bretar og Hollendingar bíða eftir niðurstöðum þjóðaratkvæðagreiðslu um Icesave. Gæti tafið fyrir aðildar-
viðræðum við Evrópusambandið. Ekki frekari viðræður, segir talsmaður hollenska fjármálaráðuneytisins.
Hvorki Franek J. Rozwadowski, fastafulltrúi Alþjóðagjaldeyrissjóðsins (AGS)
á Íslandi, né Timo Summa, sendiherra Evrópusambandsins (ESB) á Íslandi,
vildu í gær tjá sig um þá ákvörðun forsetans að vísa Icesave-samningnum í
þjóðaratkvæðagreiðslu á sunnudag og möguleg áhrif þess á aðildarviðræð-
ur stjórnvalda við ESB og efnahagsáætlun stjórnvalda og AGS. Á skrifstofu
AGS hér var tilkynnt að frídagur hefði verið í Bandaríkjunum í gær og gæti
svo farið að Rozwadowski tjáði sig um málið í nafni AGS í dag. Sendinefnd
ESB hér á landi sagði hins vegar um innanríkismál að ræða.
Icesave-samningurinn er innanríkismál
TÆKNI „Skráningum gjörsamlega
flæddi yfir okkur þegar þetta kom
fyrir nokkrum dögum, mest frá
Þýskalandi,“ segir Eiríkur Sveinn
Hrafnsson, framkvæmdastjóri
tæknifyrirtækisins GreenQloud.
Fyrirtækið var á dögunum
valið eitt af 25 rísandi stjörnum
innan tölvuskýjageirans í Evrópu
á fagvefnum Cloudtweaks.
Eiríkur segir þetta mikinn heið-
ur en bendir á að athyglin hafi
valdið lúxusvanda. „Vð erum í
raun með allt of mikið af skrán-
ingum og erum ekki með búnað
til að anna þessu öllu,“ segir hann.
GreenQloud var stofnað í febrú-
ar í fyrra og hýsir það tölvuský
sitt í gagnaveri Thor Data Center
í Hafnarfirði.
Þetta er ekki fyrsta viðurkenn-
ing GreenQloud en fyrirtækinu
hlotnaðist sá heiður í fyrra að
vera valið eitt af ellefu álitlegustu
tæknisprotafyrirtækjum heims
í keppni bandaríska vefritsins
Gigaom.com.
Eiríkur segir GreenQloud í
beinni samkeppni við erlend
tölvuský. Þar á meðal eru risar:
Google, Amazon og Yahoo.
GreenQloud eitt af 25 athyglisverðustu fyrirtækjunum í tölvuskýjageiranum:
Taka þátt í nútímaiðnbyltingu
Með tölvuskýi er átt við hýsingu á hugbúnaði og miðlægum gögnum í gagnaveri þjónustu-
fyrirtækis. Yfirleitt er keypt áskrift að tölvuskýinu í lengri eða skemmri tíma. Það getur hentað
litlum fyrirtækjum, sem þurfa ekki að fjárfesta í dýrum hug- og vélbúnaði heldur kaupa áskrift
að honum í tölvuskýi. Á meðal þjónustunnar er Gmail-tölvupóstþjónustan, og allir leikir tölvu-
leikjafyrirtækisins Zynga, þar á meðal Facebook-leikurinn FarmVille.
Hvað er tölvuský?
„Tölvuskýin eru algjörlega að
breyta tölvubransanum. Þau eru
að gera það sama fyrir tölvuiðn-
aðinn og iðnbyltingin gerði fyrir
framleiðsluna,“ segir hann.
- jab
FRUMKVÖÐULL Tölvuský eru álíka stórt skref í tæknigeiranum og iðnbyltingin,
segir framkvæmdastjóri GreenQloud. FRÉTTABLAÐIÐ/STEFÁN
ICESAVE 57,7 prósent Íslendinga
myndu staðfesta Icesave-lögin
í þjóðaratkvæðagreiðslu. Þetta
var niðurstaða skoðanakönnun-
ar sem MMR gerði. 771 svaraði
könnuninni.
60,7 prósent þeirra sem tóku
afstöðu sögðust styðja ákvörðun
forseta Íslands um að staðfesta
ekki lögin.
74,3 prósent stuðningsmanna
ríkisstjórnarinnar sögðust ekki
styðja ákvörðun forsetans en 76,5
prósent þeirra sem ekki styðja rík-
isstjórnina studdu forsetann. - þeb
Skoðanakönnun MMR:
Meirihluti vill
staðfesta Icesave
ICESAVE Þjóðaratkvæðagreiðsla
um Icesave-lögin fer væntanlega
fram um miðjan apríl.
Samkvæmt nýlegum lögum um
þjóðaratkvæðagreiðslur mega
ekki líða meira en tveir mán-
uðir frá ákvörðun forseta fram að
kosningum og því má kjördagur
vera í síðasta lagi hinn 20. apríl.
Innanríkisráðherra mun ákveða
kjördag, sem og væntanlega
spurningu á kjörseðlinum. Talið
er að dagsetning verði ákveðin á
ríkisstjórnarfundi í dag. - þj
Tímasetning þjóðaratkvæðis:
Kosningar um
miðjan apríl
AFTUR TIL ÞJÓÐARINNAR Atkvæða-
greiðsla um fyrri Icesave-samninginn fór
fram 6. mars í fyrra.
FORSETINN SYNJAR Ólafur Ragnar
Grímsson, forseti Íslands, tilkynnti
í fyrradag þá ákvörðun sína að vísa
Icesave-samningnum í þjóðar-
atkvæðagreiðslu.
FR
ÉTTA
B
LA
Ð
IÐ
/VA
LLI
Telur þú eðlilegt að hækka út-
svar í Reykjavík til að bregðast
við niðurskurði í skólakerfinu?
Já 41,2%
Nei 58,8%
SPURNING DAGSINS Í DAG
Ætlar þú að taka þátt í þjóðar-
atkvæðagreiðslu um Icesave?
Segðu skoðun þína á visir.is
STJÓRNMÁL Steingrímur J. Sigfússon fjármála-
ráðherra sagði í Kastljósviðtali í gærkvöldi að
hann hefði íhugað afsögn vegna ákvörðunar
Ólafs Ragnars Grímssonar, forseta Íslands,
um að synja Icesave-lögunum staðfestingar í
fyrra skiptið.
„Ég sagði það við hann að ég áskildi mér
þann rétt að hugsa minn gang og gerði það í tvo
sólarhringa,“ sagði Steingrímur sem hafnaði
því að hann hefði haft í hótunum við forsetann.
Sigmar Guðmundsson fréttamaður vitnaði í
orð Ólafs Ragnars í Silfri Egils þar sem hann
sagði ákvörðunina fyrir ári hafa verið þung-
bæra og afsögnum og stjórnarslitum hefði
verið hótað.
Steingrímur segist eftir umhugsun hafa
valið að sitja, því að hann hafi ekki viljað
hlaupa frá þeim verkum sem lágu á hans borði.
Hann hefði heitið því að draga vagninn og það
ætlar hann sér að gera áfram.
Steingrímur sagði jafnframt í viðtalinu að
viðbrögðum Breta og Hollendinga væri best
lýst sem undrun og vonbrigðum, enda hefði
breið samstaða náðst á þingi um samþykkt
samningsins, eða um sjötíu prósent.
Steingrímur segir Breta og Hollendinga ólík-
lega til þess að setjast aftur að samningaborð-
inu, verði samningurinn felldur. Þá verði dóm-
stólaleiðin ein fær með allri þeirri áhættu sem
henni fylgir. - shá
Steingrímur J. Sigfússon íhugaði afsögn vegna synjunar forsetans í fyrra:
Hafði ekki í hótunum við Ólaf Ragnar
SVARAÐ FYRIR ICESAVE Steingrímur sagði í Kastljósvið-
talinu að rök forsetans fyrir synjun væru „hæpin“.
FR
ÉTTA
B
LA
Ð
IÐ
/A
N
TO
N
KJÖRKASSINN