Fréttablaðið - 22.02.2011, Blaðsíða 20

22. FEBRÚAR 2011 ÞRIÐJUDAGUR
Heimsóknir heimsþekktra
vísindamanna, málþing,
fyrirlestrar, sjónvarpsþættir og
bókaútgáfa eru á meðal þess
sem er á dagskrá í Háskóla
Íslands í tilefni af aldarafmæli
skólans.
Háskóli Íslands fagnar aldarafmæli
í ár en skólinn var stofnaður árið
1911. Jón Örn
Guðbjartsson,
sviðsstjóri
markaðs- og
samskiptasviðs
hjá HÍ, segir að
aldarafmælinu
verði fagnað
allt árið og um
allt land með
fjölbreyttum
viðburðum sem opnir verða öllum.
Jón Örn segir að öll fimm fræðasvið
skólans haldi úti sérstakri dagskrá
í einn mánuð hvert á afmælisárinu.
Þá sé efnt til fjölda ráðstefna,
málþinga, fyrirlestra og samkoma.
„Hápunktar dagskrárinnar eru
hátíðarfyrirlestraröð rektors,
hátíðarmálþing um áskoranir
21. aldarinnar og afmælishátíð í
haust, sem og heimsóknir nokkurra
heimsþekktra vísindamanna,“ segir
Jón Örn. Þessir vísindamenn eru
Noam Chomsky, David Suzuki, Linda
Darling-Hammond, Robert David
Putnam og Nóbelsverðlaunahafarnir
Francoise Barré-Sinoussi og
Elizabeth Blackburn.
Áhersla á miðlun vísinda
Í dagskrá afmælisársins er
lögð áhersla á miðlun vísinda til
almennings og barna. „Háskóli unga
fólksins, sem er haldinn á hverju vori
hér í HÍ við miklar vinsældir, verður
nú stærri og veglegri en nokkru
sinni. Hann verður einnig á ferð
um landið sem hluti af svokallaðri
Háskólalest sem heimsækja mun
fjölda staða á landsbyggðinni með
fyrirlestra og námskeið. Í lestinni
verður líka Vísindavefurinn sem
mætir með fjölbreytt og spennandi
viðfangsefni fyrir fólk á öllum
aldri,“ segir Jón Örn. Að hans sögn
eru Bangsaspítalinn landsfrægi,
vísindasýningar og verkfræði- og
tölvunarfræðidagur dæmi um liði í
dagskrá afmælisársins fyrir börn og
ungmenni.
„Þá verða haldin örnámskeið
fyrir almenning, veffyrirlestrar,
tja ldspja l l á Austurvel l i ,
ljósmyndasamkeppni og sýndir
sjónvarpsþættir um rannsóknir
kennara og nemenda skólans í
Ríkissjónvarpinu, auk þess sem
vegleg bók um 100 ára sögu Háskóla
Íslands kemur út á árinu,“ segir Jón
Örn. Hann segir stúdenta koma til
með að setja mark sitt á dagskrána
með fjölmörgum viðburðum,
sýndarréttarhöldum laganema og
ungmenningarhátíð svo að eitthvað
sé nefnt. „Loks munu nemendur
í hagnýtri menningarmiðlun
setja upp sýningu um aldarsögu
háskólans.“
Háskóli Íslands í 100 ár
Fjölbreytt dagskrá fyrir börn og ungmenni verður á afmælisárinu.
Jón Örn
Guðbjartsson
Háskóli Íslands og Ferðafélag Ís-
lands hafa ákveðið að taka hönd-
um saman og standa fyrir reglu-
legum gönguferðum í tilefni af
aldarafmæli Háskóla Íslands.
„Reynsla og þekking leiðsögu-
manna Ferðafélagsins og þekk-
ing kennara og vísindamanna
há skólans blandast saman í
áhugaverðum gönguferðum um
höfuðborgarsvæðið og næsta ná-
grenni þess,“ segir Jón Örn Guð-
bjartsson. Hann segir að göngu-
ferðirnar verði léttar, skemmti-
legar og fræðandi og taki hver um
sig tvær klukkustundir.
„Markmið samstarfsins er að
færa almenningi afmælisgjöf
sem felst í fræðslu og hollri úti-
vist. Um leið er vakin athygli og
áhugi á fjölbreyttri starfsemi Há-
skóla Íslands og Ferðafélags Ís-
lands,” segir Jón Örn.
Í síðustu göngu var fjölmenni
en þá leiddi Pétur Ármannsson
arkitekt hópinn og fræddi um
byggingarsögu Guðjóns Samúels-
sonar húsameistara ríkisins og
hugmyndir hans um „háborg ís-
lenskrar menningar“ sem átti að
rísa á Skólavörðuholti.
„Næsta ganga er 12. mars en þá
mun Laufey Steingrímsdóttir, pró-
fessor á Rannsóknastofu í næring-
arfræði á Landspítala og við Mat-
væla- og næringarfræðideild Há-
skóla Íslands, leiða gönguferð þar
sem saga, menning og matur er
meginefnið. Gengið verður um
gamla grænmetisgarða, stakk-
stæði, veitingastaði og verslanir
liðins tíma.“
Með fróðleik í nesti
Gönguferðirnar eru afmælisgjöf til
almennings í formi fræðslu og hollrar
útiveru.
● BÍÓ Í FIMMTÍU ÁR
Háskólabíó fagnar fimmtíu
ára afmæli nú á aldarafmæli
Háskóla Íslands. Af því
tilefni verða endursýndar
valdar myndir úr safni
kvikmyndahússins sem margar
hafa ekki sést á hvíta tjaldinu
árum saman. Myndirnar verða
sýndar á mánudögum, í anda
mánudagsmyndanna sem
Háskólabíó var þekkt fyrir á
árum áður. Kvikmyndirnar
verða einungis sýndar í tilefni
tímamóta Háskólabíós og
Háskóla Íslands.
„Þarna kennir ýmissa grasa og
inni á milli eru mikil rarítet eins
og myndin sem við sýndum til
að hleypa þessu skemmtilega
verkefni af stokkum. Þá gáfum
við fólki færi á að sjá Chinatown,
rökkurmynd Romans Polanski,
sem hafði ekki sést á tjaldi í
áratugi hér heima,“ segir Jón
Örn Guðbjartsson. Fyrirhugað
sé að sýna tólf myndir fram á
vor og tólf á næsta haust misseri.
Miðaverð er 300 krónur en
nánari upplýsingar er að finna á
www.hi.is.
VELKOMIN
Í HÁSKÓLA ÍSLANDS
YFIR 400 NÁMSLEIÐIR Í BOÐI – HI.IS
Umsóknarfrestur um grunnnám á
háskóla árinu 2011-2012 er til 5. júní
2011. Móttaka rafrænna umsókna hefst
í mars 2011. Frestur til að sækja um
framhalds nám er til 15. apríl.
HÁSKÓLANÁM OPNAR DYR
AÐ FRAM TÍÐINNI
PI
PA
R\
TB
W
A
•
S
ÍA
•
1
10
44
4