Barnablaðið - 01.02.1980, Blaðsíða 2

200 ÁRA AFMÆLI
SUNNUDAGASKÓLANNA
Á árinu 1980 mun verða minnst um víðan
heim 200 ára afmælis sunnudagaskólanna.
Þá var farið að gefa börnunum gaum, að
þau þyrftu eitthvað við sitt hæfi, er gæfi
þeim hlutdeild í fagnaðarerindinu. Form-
fastar sunnudagamessur gátu farið fyrir
ofan garð og neðan hjá börnunum.
Sunnudagaskólarnir náðu skjótt út-
breiðslu bæði í Englandi og ekki síður
Ameríku. í Bandaríkjunum og Kanada er
ekki ríkiskirkja. Fræðsla í kristnum dómi
hvíldi því á heimilinu og söfnuðunum.
Ríkisskólar tóku ekki að sér kristindóms-
fræðslu. Innan kristninnar í Ameríku er
sunnudagaskólahald fastur liður í starfi
safnaðanna. Skólarnir eru reknir allt árið og
þá bæði fyrir unga og eldri. Vel þjálfað
kennaralið og efnisgögn til kennslunnar eru
það besta er hugsast getur.
Það er sama hvar niður er borið, hvort er í
Ameríku eða Afríku, þá eru allstaðar
sunnudagaskólar, þar sem börnunum er
kennt um Jesúm Krist.
í desember 1979 var sá er þetta ritar
staddur í Stokkhólmi. í City kirkjunni var
sýnd kvikmynd frá hinum stórkostlegu
vakningum sem runnið hafa yfir Kóreu
suður hlutann undanfarin ár. Allt starf
Hvítasunnusafnaðarins undir forstöðu
Ynoggi Chou er á heimsmælikvarða. Tugir
þúsunda sækja þar kirkju og þúsundir
barna fá kristilega fræðslu ísöfnuðinum þar
sem fjöldi kennara fræðir börnin.
Enginn íslendingur þarf að vera spyrjandi
um sunnudagaskóla. Þeir hafa verið reknir
hér á landi í tugi ára. Mest ber á brautryðj-
endastarfi séra Friðriks Friðrikssonar í
KFUM. Hundruð drengja og stúlkna er sátu
við stól séra Friðriks hafa hlotið æfilanga
blessun af. Sá er þetta ritar fór að sækja
sunnudagaskóla 4—5 ára og varð síðar
kennari um tugi ára. Það var mjög eðlilegt
helgihald að ganga með börnunum og
heyra söguna um Jesúm. Betra veganesti
fyrir lífið er ekki finnanlegt. Katrine Booth
eiginkona Williams Booth stofnanda Hjálp-
ræðishersins var móðir margra barna.
Börnin fylgdu foreldrum sínum á vegi
trúarinnar. Hún var spurð, hver væri leynd-
ardómurinn í því. Svar hennar var skýrt og
ákveðið. ,,Ég var á undan Djöflinum". —
Það er orðatiltæki meðal kristinna manna,
að hafirðu frætt barnið og gefið því orðið
um Jesúm svo það við sjö ára aldur hefir
drukkið inn orðið með móðurmjólkinni, eða
frá blautu barnsbeini, eins og Páll postuli
sagði um Timoteus, þá fylgir barnið í flest-
um kringumstæðum þeim vegi, er það hefir
komist á æfilangt. Meðal Hvítasunnumanna
er mikið barnastarf og þarf það að aukast
sem mest.
Ungt fólk er finnur sig verkefnalítið, hefir
hér upplagt tækifæri, er gefst aðeins vissan
hluta æfinnar og rennur svo burtu, þegar
þau árin koma, að maður verður þreyttur og
sljóvgast.
Guð blessi sunnudagaskólana og alla þá
er leggja þar hönd á plóginn.
Ritstjórinn.
2