Barnablaðið - 01.02.1980, Blaðsíða 7

Óvænt frelsi
Það var einu sinni breskur kaupmaóur, sem
feróaðist meö tyrknesku skipi á milli hafna viö
Miðjarðarhafió. Á skipinu tók hann eftir þræli
einum, múhameðstrúar. Hann gaf sig á tal við
hann, og fann að hann var skilningsgóður, fjör-
ugur og tilfinningaríkur. Hann fékk manninn til
að segja sér ýmislegt úr ævisögu sinni, og komst
þannig að því, aó hann var frjálsborinn en hafði
verið hernuminn.
Það vaknaói meðaumkun í hjarta kaup-
mannsins til þessa hjálparlausa fanga. Því betur
sem hann kynntist honum, því annara lét hann
sér um velferð hans. Og loks fór hann að hugsa
upp ráð til að útvega honum frelsi. Hann
grenslaðist leynilega eftir, hversu mikið hann
myndi kosta, en þaö var talsvert meira verð en sá
verslunarágóði, sem hann gerói sér von um aö
hafa upp úr þessari ferð. Þó gat hann ekki sleppt
þessari hugsun. Hann bauð vissa uþþhæð fyrir
þærlinn, og aó lokum voru kaupin samþykkt. En
þrællinn, sem haföi heyrt sumt af samtalinu og
misskilið algjörlega tilgang kaupmannsins, hélt
að hann keypti sig til þess að hafa sjálfur not af
sér, meðan hann væri erlendis.
Hann stökk fram og eldur brann úr augum
hans, er hann hrópaði: ,,Þú kallar þig frjálsbor-
inn Breta, óvin alls þrælahalds og þó kaupir þú
mig! Hefi ég ekki eins mikinn rétt til frelsis og
þú?“ Þannig hélt hann áfram með verstu fúk-
yrðum, þangað til kauþmaðurinn leit blíðlega á
hann og sagði: ,,Ég hefi keypt þig til að gefa þér
frelsi". Á sviþstundu lægðist ofsi geðshræring-
anna og þrællinn fór að gráta. Hann kastaði sér
fyrir fætur frelsisgjafa síns og sagði: ,,Þú hefur
eignast hjarta mitt. Ég er af fúsum vilja þræll
þinn ævilangt
Lesandi minn! Hvað gerðir þú fyrst þegar þú
heyrðir, að Jesús hafði keypt þig dýru verði?
Settir þú þig upp á móti kaupgjörð hans? Þú
gerir þér ef til vill ekki grein fyrir að það var af
kœrleika tilþín! Kemst ekki hjarta þitt við, þegar
þú hugsar um þessi orð: ,,Til þess aö leysa þig,
greiddi hann þetta háa gjald?" Og getur þú sagt
við hann sem lagði líf sitt í sölurnar fyrir þig: ,,Ég
er þræll þinn að eilífu?"
— Leiðsögubók Ferðamannsins.
VITNISBURÐUR
Jesús
lifir
Jesús elskar þig!
Þetta eiga allir að vita, bæði stórir og
smáir.
,,Því að svo elskaði Guó heiminn, aó hann
gaf son sinn eingetinn, til þess aó hver sem
á hann trúir, glatist ekki, heldur hafi eilíft
líf.“
Það hlýtur aó vera gott að eiga eilíft líf. Aó
lifa að eilífu. Það eiga þeir, sem eiga lífið í
Jesú Kristi. Jesús er sonur Guðs og Guð gaf
okkur son sinn hingað á jörðina, til þess aó
hann skyldi deyja. Hann dó fyrir okkar
syndir. Hvar værum við ef hann hefði ekki
dáið fyrir okkur? Guð átti bara einn son og
hann gaf okkur þennan eina son sinn.
Skyldu margir feður vilja gefa einkasynina
sína til þess að þeir dæju? Ég held ekki. Guð
er góður að vilja gefa okkur svona stóra
gjöf, en af hverju viljum vió ekki taka við
henni? Hvers vegna ekki aðtaka við henni
núna?
Ég tók sjálf við þessari gjöf þegar ég var
fimm ára. Það var í Kirkjulækjarkoti í Fljóts-
hlíð árió 1971. Fimm ár eru ekki hár aldur,
en ég er alin upp við að elska Jesúm og ég
skildi alveg hvað ég var að gera og ég sé
ekki eftir því.
Ég vona að þú, sem lest þessar línur, farir
að hugsa um hvað Jesús gerði fyrir okkur
þegar hann dó.
Guð blessi ykkur.
Kolbrún Ingimarsdóttir
7