Barnablaðið - 01.06.1980, Blaðsíða 33

MVERALDAR
Á meðfylgjandi mynd getur þú séð stærstu
konu í heimi! Hún er að vísu ekki alveg raun-
veruleg kona, heldur einhver frægasta stytta í
víðri veröld. Þú ert sennilega þegar búinn, að
átta þig á því hverra manna hún er? Jú, þú átt
kollgátuna. Þetta er engin önnur en Frelsisstytt-
an, sem stendur við hafnarmynni New York-
borgar í Bandaríkjunum.
Ef þú átt heima í Reykjavík og nágrenni, reikna
ég meö því að þú hafir einhvern tíma séð, styttu
Ingólfs Arnarsonar á Arnarhóli, styttu Leifs
heþþna á Skólavöruhæð og styttu Jóns Sig-
urðssonar við Austurvöll. Ef þér finnst þær stór-
ar og tignarlegar, eru þær eins og leikfanga-
brúður, borið saman við Frelsisstyttuna.
Einu sinni var talað um sjö undur veraldar. Eitt
þeirra var risavaxið líkneski úr bronsi, sem bar
nafnið: Ródosrisinn. Þessi risi var um 35 m á
hæö, og stóð við höfnina á grísku eynni, Ródos.
Það tók 12 ár að smíða þennan bronsrisa. En
árið 224 f.Kr. hrundi hann í jarðskjálfta og eyði-
lagðist.
Hinn forni fallni Ródosrisi þótt stór væri, slag-
ar samt ekki upp í Frelsisstyttuna, sem stendur
ennþá föstum fótum á 61 m háum fótstalli. Sjálf,
er styttan hvorki meira né minna, en 60 m á hæö!
Það er nokkrum metrum lægra en turn Hall-
grímskirkju, en hann er ekkert smásmíði. Þá er
þyngd styttunnar ekkert smáræði, því hún vegur
220 tonn!
Jæja, stóra konan með kyndilinn erekki held-
ur neitt ungbarn, því að á þessu ári verður hún
94 ára gömul. Ekki þarf hún þó að kvíða elli og
einveru, þrátt fyrir þennan háa aldur, því að
meira en ein milljón ferðalanga hvaðanæva úr
veröldinni, heimsækja hana á ári hverju.
Frelsisstyttan var gerð á Frakklandi, og er úr
kopar meö stálumgjörð. Franska þjóðin færði
Bandaríkjunum hana að gjöf árið 1886. Hún er
eitt helsta þjóðarminnismerki Bandaríkjanna.
Þessi fræga stytta hefur stundum verið kölluð
„móðir útlaganna", vegna þess að í skjóli tákns
hennar, hafa milljónir innflytjenda og flótta-
manna fundið langþráö griöland og frelsi, á
amerískri grund. HSG.
33