Barnablaðið - 01.02.1989, Blaðsíða 11

BARNABLAÐIÐ 11
Fyrir um þremur árum ákváöu
nokkrir hressir krakkar að stofna
kór. Þessi kór átti að verða öðru-
vísi kór. Hvað þýðir nú það?
í fyrsta lagi átti aðeins að syngja
sálma. — Er það ekki sama og
hundrað kirkjukórar gera? Jú,
reyndar.
En við hverju má búast þegar
kórfélagar, rétt rúmlega skriðnir af
gelgjuskeiði, vilja syngja sálmalög
sem eru öðruvísi en við eigum yfir-
leitt að venjast? Einmitt, þú hittir
naglann á höfuðið. Þau syngja
sálma með léttum brag og lífleg-
um takti.
Af hverju að syngja sálma?
Sálmar eru trúarljóð, fjalla með-
al annars um Guð og Jesú og
hluti, sem við lesum um í Biblíunni.
Meira að segja er talsvert mikið af
sálmum í henni.
Krakkarnir kusu að syngja
sálma, vegna þess að þau eru trú-
uð og sálmarnir fjalla um það sem
þeim er kærast.
Þá kom að þrautinni þyngstu,
það var að velja nafn á kórinn.
Margar tillögur komu fram og því
miður höfum við ekki pláss til að
birta þær allar. Annars yrði þetta
framhaldssaga fram á næstu öld.
Loks var valið nafnið: LJÓS-
BROT.
LJÓSBROT hefur margræða
merkingu, það getur táknað
ákveðið fyrirbæri, þegar Ijós fellur
á glerstrending og regnbogi
myndast. Einnig getur það merkt
að um brot af Ijósi sé að ræða.
Okkur grunar að krakkarnir hafi
viljað endurspegla Ljós heimsins,
vera brot af því. Ljós heimsins er
Jesús.
Kórinn æfir vikulega og syngur
oft fyrir áheyrendur. Ljósbrot hefur
einnig ferðast um landið og ætlar
að gera meira af því í framtíðinni.
Verið því á varðbergi og látið
LJÓSBROT ekki fram hjá ykkur
fara.
Við fengum eitt „Ijósbrotið" til að
Ijósta upp miklu leyndarmáli fyrir
ykkur. Að gefnu tilefni er nafn við-
komandi ekki gefið upp. Hér kem-
ur leyndarmálið:,,
Nú er hljómplata með söngnum
okkar að koma út. Platan heitir
VONARLAND og textarnir fjalla
allir um vonina sem þeim er gefin
sem trúa á Jesú. Einsöngvarar
eru Jóhannes Ingimarsson, Sól-
rún Hlöðversdóttir, Guðný Einars-
dóttir og Hafliði Kristinsson.
Það er gaman að syngja inn á
hljómplötu, sérstaklega þegar
sungið er um Jesú. Lögin á plöt-
unni heita: Vonarland, Treystu á
Jesú, Hvert get ég frá þér farið?, Mikill
er Guð, Hósanna, Elska Guðs, Hljóða
ást, Þarna kemur hann, Ó, Drottinn
Guð og Endur fyrir löngu.
Öll lögin á plötunni eru létt og
skemmtileg. Við vonum að þú eig-
ir eftir að heyra þau oft....“
Við vonum svo að þið varðveitið
leyndarmálið vandlega og segið
ekki nokkurri manneskju frá því.
Að lokum má svo geta þess að
stjórnandinn heitir Hafliði Kristins-
son og er úr Þykkvabænum.