Barnablaðið - 01.04.1989, Blaðsíða 5
Hressar stelpur í Vindáshlíö.
BARNABLAÐIÐ 5
/
Hvað er gert í Vindáshlíð ?
Helga sagði okkur að núna
væru 67 stelpur í Vindáshlíð og 9
starfsmenn. I Vindáshlíð er margt
hægt að gera: Þar er íþróttahús
þar sem haldnar eru brennó-
keppnir og farið í ýmsa leiki. Úti
eru leiktæki sem kölluð eru „apa-
rólan“ og „apabrúin". Stelpurnar
klifra og leika sér mikið í þeim.
Hver dagur er skipulagður.
Stelpurnar vakna klukkan níu á
morgnana. Þær þvo sér og bursta
tennurnar úti í læk sem er á bak
við húsið. Síðan er fánahylling og
morgunmatur. Eftir morgunmat-
inn fá steipurnar Biblíufræðslu.
Þær læra ýmis vers og sálma, auk
þess sem þeim eru sagðar sögur
úr Biblíunni. Að Biblíufræðslunni
lokinni fara stelpurnar út að leika
sér.
Á hverjum degi fara þær í
gönguferð og skoða nágrenni
Vindáshlíðar. Eða fara í ratleik.
Einnig er haldin íþróttakeppni og
þá eru öll íþróttametin skráð á blað
sem hangir uppi á vegg við inn-
ganginn.
Á kvöldin eru haldnar kvöldvök-
ur. Þá bregða stelpurnar á leik.
Þær klæða sig í alls konar föt og
sjá um skemmtiatriði. Svo er auð-
vitað mikið sungið. Kvöldvökunni
lýkur með stuttri helgistund og
kvöldkaffi. Þegar stelpurnar fara
að sofa koma konurnar inn til
þeirra og biðja með þeim og lesa
fyrir þær.
í aparólunni
Þegar við höfðum spjallað góða
stund við Helgu og hinar konurn-
ar, ákváðum við að fara út og hitta
allar stelpurnar. Þær sátu í sand-
kassanum og voru að reyna að
ráða fram úr spurningablaði sem
þær höfðu fundið, en það er liður í
ratleiknum.
Hvernig er að vera í
Vindáshlíð?
— Ofsalega gaman! Hrópuðu
stelpurnar í einum kór. Það er þó
langskemmtilegast í aparólunni,
sagði ein stelpan.
Þær spjölluðu við okkur góða
stund og leyfðu okkur að taka
myndir af sér. En síðan héldu þær
áfram í ratleiknum. Okkur varfarið
að langa til að sjá aparóluna og
apabrúna.
Tvær stelpur, Hildur og Hafrún,
ákváðu að sýna okkur hvar þessi
leiktæki væru og hvernig þau
væru notuð. Þær klifruðu í apa-
brúnni en það er hreint ekki auð-
velt, síðan róluðu þær sér í aparól-
unni. Þetta var greinilega mjög
skemmtilegt.
Á fullri ferð í aparólunni.
Að lokum settust þær niður og
við fórum að spjalla saman.
— Það hefur verið mjög gaman
í Vindáshlíð. Samt hafa sumar
stelpurnar verið með svolitla
heimþrá. Okkur finnst mest gam-
an á kvöldvökunum. Samt var
skemmtilegast í gærkvöldi: Við
vorum háttaðar og komnar upp í
rúm þegar foringjarnir komu
hlaupandi um gangana á náttföt-
unum og bönkuðu á allar dyrnar.
Við skildum ekkert í því hvað var
að gerast. Þær sögðu okkur öllum
að koma niður í sal, því nú væri
náttfatapartý. Við fengum frost-
pinna, sungum heilmikið og fórum
seint að sofa.
Allt í einu kemur stelpa með
Ijósar fléttur hlaupandi.