Barnablaðið - 01.06.1989, Blaðsíða 8

8 BARNABLADID
Nýlega hittum við
Eyjapeyja að máli.
Hann er tíu ára, á
auðvitað heima í
Vestmannaeyjum og
heitir Einar
Sigurmundsson.
Barnablaðið átti við
hann stutt viðtal.
Við kölluðum Jesús, Jesús!
Hvað þér finnst skemmtilegast
að gera ?
— Að fara í tívolí. Yfirleitt fer ég
bara einu sinni á ári. Það er ekkert
tívolí í Vestmannaeyjum.
Hvað gerir þú í staðinn?
— Fer í sprönguna, fjöruferðir
og margt fleira.
Hvernig er að fara í spröngu?
— Það er band bundið upp í
klettinn. Svo er bara klifrað upp og
maður sveiflar sér niður og ýtir frá
klettinum. Maður getur farið í mis-
munandi hæð.
Hvað heita staðirnir sem þú
sprangar úr?
— Almenningur, Sylla og Stíg-
vél.
Og hvað heitirstaðurinn sem þú
lendir í?
— Það er Stígvél og Almenn-
ingur.
Kannt þú einhverjar kúnstir?
— Já að fara í kollhnís.
Hvað er langt síðan að þú byrj-
aðir að spranga?
— Ég var svona fimm ára.
Hvað gerir þú í fjöruferðum?
— Ég bara veð í sjónum og tíni
skeljar?
Áttu mikið afskeljum?
— Já, ég hef aldrei talið þær,
kannski eru þærtvö hundruð. Svo
safna ég líka steinum.
Hvað áttu marga steina?
— Ekkert voðalega marga,
kannski svona fimmtíu steina.
Áttu eitthvað fleira sem þérþyk-
ir vænt um?
— Já, fiska. Þeir eru svona
gulllitaðir og sumir eru svartir og
gulir. Einn heitir Gulli og ein heitir
Gulla og svo heitir einn Silki.
Ertu í einhverju tómstunda-
starfi?
— Ég fer í sunnudagaskólann,
unglingakvöld og samkomur í Bet-
el.
Trúir þú á Jesú?
— Já. Einu sinni var ég hjá
dagmömmu og við krakkarnir vor-
um í kofanum. Það var að koma
kvöld, klukkan var svona að verða
sex. Allt í einu fór einn krakkinn út,
leitupptil himinsog sá Jesú. Hann
kallaði á okkur öll að koma og sjá
Jesú. Við fórum öll út og kölluðum
Jesús, Jesús!
Hvað voruð þið mörg sem sáuð
hann?
— Svona átján.
Hvernig var hann?
— Hann var í engum skóm, í
hvítri skikkju og með bláan borða
um miðjuna á sér á ská. Hann var
með sítt skegg og sítt hár. Það var
svona rauðbrúnt og svolítið krull-
að.
Hvað var hann stór?
— Ég veit það ekki. Hann var
svo langt frá? Hann var upp í
himninum. Hann færðist bara. Var
alveg eins og stytta. Hreyfði sig
ekkert, bara færðist lengra og
lengra.
Ferðu stundum í bekkjarpartí?
— Já einu sinni. Það var ein
stelpa sem hélt þetta partí og hún
spurði alla krakkana hvort þau
vildu fara í andaglas. Ég sagði
henni að það væri ógeðslegt og
frá Satan. Ragnar bekkjarbróðir
minn var líka á móti þessu og fleiri
krakkar.
Hvað vargertþá?
— Þá bara hætti hún við.
Hvernig finnst þér Barnablaðið?
— Ágætt. Mér finnst brandar-
arnir, gáturnar og sögurnar
skemmtilegast.
Vilt þú ráðleggja krökkum sem
lesa Barnablaðið eitthvað?
— Bara trúa á Jesú!
Viðtal og mynd: Guðni Einarsson.