19. júní - 19.06.1969, Blaðsíða 10

mætti ég sem fulltrúi félagsins á Þingvallafundi
Kvenréttindafélagsins 1944. Það var ógleymanleg-
ur fundur. Lýðveldishátiðin nýafstaðin, fögnuður
og vor í lofti, og féll í Ijúfa löð að gera Kven-
réttindafélagið að landsfélagi, en á því höfðu ver-
ið ýmsir örðugleikar áður. Um haustið gekk ég
svo auðvitað í félagið. Formaður þess var ég svo
frá 1947 til 1964, en varaformaður 1946—47.
Fyrsta trúnaðarstarf mitt var að fara sem fulltrúi
félagsins á 75 ára afmæli Dansk Kvindesamfund
og á fund Norræna kvenréttindasambandsins, sem
haldinn var samtímis. Eftir það fór ég á hvern
einasta fund Alþjóðakvenréttindafélagsins, sem
haldinn er þriðja hvert ár víðs vegar um heim,
og var í stjórn þess um skeið. Enn fremur í stjórn
Krabbameinsfélagsins frá stofnun og í stjórn sam-
takanna „Vernd“. Átti sæti í framkvæmdastjóm
Hallveigarstaða, og síðustu árin, sem stjómin starf-
aði, var ég formaður hennar, þar til byggingu
Hallveigarstaða var lokið og hún afhent hinum
þremur aðildarfélögum."
Sigríður J. Magnússon var löngum ritstjóri eða
í ritstjóm „19. júní“, blaðs K.R.F.I., og síðustu
fjögur árin, sem hún var ritstjóri þess, var ég í
ritnefndinni með henni þar og kynntist henni að
öllu góðu og þeirri glaðværð, sem gerði allt sam-
starf skemmtilegt, frjálst og eðlilegt. Það var blátt
áfram gaman að geta unnið að því, að blaðið jTði
sem bezt úr garði gert. Þá má ekki gleyma gest-
risni hennar heima hjá henni, þar sem oftast varð
að vera vinnustaðurinn, og því góða kaffi, sem
alltaf var framreitt þar. Nú þegar frú Sigríður er
að eigin ósk hætt störfum við ritstjórn „19. júní“,
skal henni þakkað mikið og óeigingjarnt starf, hug-
kvæmni og árvekni við að gera þetta eina málgagn
K.R.F.I. svo vel úr garði, að margir útlendingar,
sem ég hef sent það, hafa lokið á það miklu lofs-
orði.
Að lokum segir frú Sigríður: „Ég hef alltaf
kunnað vel við mig hér í Reykjavík, en þó em
það tveir aðrir staðir, sem togast á í huga mínum,
hraunið, vatnið og hlíðin á Vífilsstöðum og fjöll-
in í Arnarfirði. Þótt ég hafi víða farið um ævina,
hef ég hvergi séð þeirra líka.“
Og hér með óska ég henni allra heilla.
Sigr. E.
Guðrún P. Helgadóttir, skólastjóri, varði í des-
ember s. 1. doktorsritgerð sína um Hrafns sögu
Sveinbjarnarsonar við háskóla í Oxford. Dr. Guð-
rún er þekktur kennari og íslenzkufræðingur og
hefur verið skólastjóri Kvennaskólans í Reykjavík
s. 1. 10 ár.
Guðrún er fædd 19. apríl 1922, dóttir Helga
Ingvarssonar yfirlæknis á Vífilsstöðum og konu
hans Guðrúnar Lámsdóttur. Lauk B.A.-prófi í ís-
lenzku, ensku og heimspeki við Háskóla Islands
1949. Hún var ritstjóri „19. júní“ árið 1958 til
1963 og gegndi því starfi með ágætum. Bækur
hennar, Skáldkonur fyrri alda, eru mörgum kunn-
ar, einnig Sýnisbók íslenzkra bókmennta, sem hún
vann að með dr. Sigurði Nordal og manni sínum,
Jóni Jóhannessyni, prófessor. Blaðið óskar Islandi
til hamingju með hinn nýja doktor, og Guðrúnu
P. Helgadóttur með þessa miklu viðurkenningu.
H. G.
8
19. JÚNÍ